Acts 16:3 - Bible Ni Thothup

³ Ma ba’adag Paul ni nge fek Timothy nge un ngak, ma aram me maad’adnag. I rin’ ni aram rogon ni bochan e urngin piyu Israel ni yad ma par ko yungi n’em i yan e yad manang ni chitamngin Timothy e be’ u Greece.

Acts 16:3 Iomraidhean Croise

Acts 15:20

Machane ngad pi’ed e babyor nge yan ngorad, ni nga dogned ngorad ndab ra ked e ggan nde klin ni fan e kan pi’ ni maligach ko liyos nma meybil boch e girdi’ ngay; ma ngar ayuweged yad nge dab ra pired be’ ni gathi mabgol rorad; ma dab ra longuyed e gamanman nni uchuluy k’angan nge yim’, ara ra ked e racha’.

Acts 15:37

Ma ba’adag Barnabas ni ngar fekew Mark nge un ngorow,

Acts 15:40

me duwgiliy Paul Silas ni nge un ngak, ma pi walagrow ni aram girdi’en Kristus e ra yibiliyed yow ngak Got ni nge ayuwegrow nge mu’ miyow yan.

1 Korinth 7:19

Ya dariy ban’en nrogon ni fa’anra kan maad’ad ngom fa dawor. N’en ni bay fan e ngan fol ko tin ke yog Got ni ngan rin’.

1 Korinth 9:20

Nap’an ni gu be maruwel u fithik’ piyu Israel e gu par ni gu bod be’ u Israel ni fan e nggu yag nagrad ngak Kristus; ni yugu aram rogon ndagur par u tan e Motochiyel rok Moses, machane ug par ni bod rogon ni gu bay u tan ko ngiyal’ ni ba’aram ni gu be maruwel u fithik’ e pi’in yad bay u tan e re Motochiyel nem, ni bochan e nggu yag nagrad ngak Kristus.

Galatia 2:3

Ya Titus ni be un ngog e be’ u Greece, machane da ni gelnigey ngak ni ngan maad’ad ngak,

Galatia 2:8

Ya gelngin Got e ngongliyeg nggu mang reb e apostel nggu wan ngak e pi’in gathi yad piyu Israel, ni bod rogon Peter ni ngongliy Got rogon nge mang reb e apostel ngak piyu Israel.

Galatia 5:6

Ya fa’anra kad ta’ab girdi’gad Kristus Jesus, ma dariyfan ko kan maad’adnagdad fa dawor; n’en ni ir e ba ga’ fan e michan’ rodad ngak Kristus ni be maruwel u fithik’ e t’ufeg.

Filippi 2:22

Gimed manang ni kad guyed ni bay fan Timothy, nge rogon nike par ni bod be’ ni fakag ngog ni be un ngak e chitamngin ko maruwel ni fan ko fare Thin Ni Bfel’.