Acts 15:8 - Bible Ni Thothup

⁸ Mi Got, ni ir e manang laniyan’ urngin e girdi’ e dag ni bfel’ e pi’in gathi yad piyu Israel u wan’, ni fan e pi’ e Kan Nthothup rok ngorad, ni bod rogon nike pi’ ngodad.

Acts 15:8 Iomraidhean Croise

1 Kings 8:39

ma ga motoyil ko meybil rorad. Mu telim ngorad u tafnam u tharmiy, ma ga n’ag fan e kireb rorad u wun’um, ma ga aywegrad. Kemus ni gur e ga manang e leam rok urngin e girdi’. Ra be’ ma ga rin’ ngak nrogon e ngongol rok,

1 Kronicles 28:9

Me ga’ar ngak Solomon, “Fakag, gu be yog ngom ni ngam nang e Got rok e chitamam mag pigpig ngak u polo’ i gumircha’em ngu lanin’um, ni bod ni ug rin’. Manang gubin e tafnay rom nge tin ga be ar arnag, ma fa’an ga ra sul ngak ma ra rung’ag e meybil rom. Machane fa’anra mu fek yathin, ma ra n’agem ni manemus.

1 Kronicles 29:17

Gu manang ni ga ma changar nga gumircha’en gubin e girdi’ ma bfel’ u wun’um e girdi’ ni bfel’ laniyan’. Gu be pi’ gubin e pin’ey ngom nrib fel’ lanin’ug ma kug guy rogon e girdi’ rom ni kar mu’ulunggad e ngaray nib felfelan’rad ngay ni ngar pi’ed e pi maligach rorad ney ngom.

Psalms 44:21

ma rib mich ni gamnang, Ya gamnang e tin bay u lanin’mad nib mith.

Jeremiah 11:20

Ma aram mu gu meybil ni lungug, “SOMOL ni Gubin ma Rayag Rok, I gur ba tapufthin nib mat’aw; ga ma sikengnag gumircha’en nge lanyan’ e girdi’. Kug tay e oloboch rog ngalan pa’am; ere mu pageg nggu yaliyem ni ngam felbayen e pi girdi’ ney.”

Jeremiah 17:10

I Gag SOMOL e gu ma wurgiy lanin’uy gu ma sikengnag gumircha’en e girdi’. Rogon e par rok bagyad e aram rogon labgen ni gu ra pi’ ngak, nib paluw nga rogon e ngongol rorad.”

Jeremiah 20:12

Machane gur fare SOMOL ni Gubin ma Rayag Rok e mmat’aw e sikeng ni ga ma pi’ ngak e girdi’; ya ga manang e tin bay u lanin’rad. Ere mu gagiyeg ngug guy ni ka mu falbiy ko pi to’ogor rog, ya tin yibe rin’ ngog e kug pag fan nga pa’am.

John 21:17

Me ga’ar Jesus ngak ko yay ndalip, “Simon, ni fak John gur, gub t’uf rom?” Me taganan’ Peter ni bochan e ke gaman e dalip yay nike fith Jesus ngak e re bugithin ney ni ga’ar, “Gub t’uf rom?” Me ga’ar Peter ngak, “Somol, ga manang urngin ban’en; ga manang ni gab t’uf rog!” Me ga’ar Jesus ngak, “Mu gafaliy e saf rog.

John 5:37

Ma en ni Chitamangiy ni ir e ke l’oegeg ku gub e ku errogon ir ni be weliy murung’ageg. Dawor mu rung’aged laman bi’id, ma dawor mu guyed owchen bi’id;

Acts 1:24

Miyad meybil ni lungurad, “Somol, ga manang laniyan’ urngin e girdi’. Ere mu dag ngomad, Somol, ko mini’ rok e gali cha’ney e kam duwgiliy

Acts 10:47

“Pi girdi’ ney e ke pi’ Got fare Kan Nthothup ngorad ni ku bod rogon ni pi’ ngodad. Ere mini’ e ra siyegrad ni nge dab ntawfe nagrad ko ran?”

Acts 14:3

Me par fa gal apostel u rom nib n’uw nap’an. Mu ur weliyew murung’agen Somol nda ur rusgow, me Somol e micheg ni thin ni yow be weliy ni murung’agen e runguy rok Somol ngak e girdi’ e ba riyul’ ni fan e pi’ gelngirow ngu’ur ngongliyew bogi maang’ang nge bogi ban’en ni un ngat ngay.

Acts 15:28

Ya fare Kan Nthothup nge gamad e ke ta’reban’mad ndab kun tay ban’en nib tomal nga dakenmed nge cheag ko tin ni ba’aray e motochiyel ni bay,

Acts 2:4

Mi yigo’o sugnagrad e Kan Nthothup miyad tabab ko numon nlungun boch e nam, ni bod rogon nike muruwliyrad fare Kan Nthothup ni ngar nonod.

Acts 4:31

Ma fa’anra mu’gad ko meybil, me rur fa gin’en ni kar mu’ulunggad ngay. Ma yad gubin ni yib i suguyrad fare Kan Nthothup miyad tabab i weliy e thin rok Got ngak e girdi’ ndaki yib e marus ngorad.

Hebrews 2:4

Ma ku re ngiyal’ i n’em e micheg Got e tin ni yad be weliy murung’agen u daken gelngin ni i dag u pa’rad ni ir e pow riy. Ma be dag u pa’rad bogi n’en ni un ngat ngay, nge bo’or mit e maang’ang. Ma ki f’oth rorad e salap ni tow’ath ni yib rok fare Kan Nthothup ni rogon ni be finey.

Hebrews 4:13

Dariy ban’en nrayag ni ngan mithag rok Got. Ya urngin ban’en ni kem’ay i sunumeg rok e be par u p’eowchen ndariy e upong u daken; mi ir e ri gadad ra weliy e pin’en ni ud rin’ed ngak.

Revelation 2:23

Ma bay kug li’ pifak ngarm’ad, ma aram e urngin girdi’en e pi galesiya ma bay ra nanged ni gag fa’anem ni ir e manang laniyan’ e girdi’ nge tin ni be athpeg e girdi’. Ma bayi bigimed mu gu pi’ puluwon nib m’ag nga rogon e ngongol rok.

1 Samuel 16:7

Machane me ga’ar SOMOL ngak, “Dabi mit owchem nga n’umngin nge feni pichoay. Gathi ir e cha’ ni kug mel’eg, gag e dagur ma turguy ban’en nrogon nma turguy e girdi’ ban’en. Girdi’ e yad ma guy be’ u wuru’ i downgin, mi Gag e gu ma changar ko gum’ircha’.”