Acts 14:9 - Bible Ni Thothup

⁹ Me motoyil ko thin ni be weliy Paul. Me guy Paul nike mich Jesus u wan’ nrayag ni ngan golnag ko m’ar rok, ma aram me changar Paul ngak

Acts 14:9 Iomraidhean Croise

Matthew 13:58

Ma de ngongliy e maang’ang ni pire’ u rom, ni bochan e de michan’rad ngak.

Matthew 15:28

Me fulweg Jesus ngak ni ga’ar, “I gur reb e bpin nrib gel e michan’ rom ngak Got! Tin ni gab adag e bay nrin’ ngom.” Ma ka chingiyal’ nem me gol fachi pin ni fak.

Matthew 8:10

Ri gin Jesus ko re bugithin ney ni rung’ag, me ga’ar ko fapi girdi’ ni yad be un ngak, “Nggog ngomed, ndawor gguy be’ u Israel nrib mich Got u wan’ ni bod gelngin nib mich Got u wan’ e cha’ney.

Matthew 9:22

Me cheal Jesus u luwan me guy fare pin, me ga’ar Jesus ngak, “Fakag, mpagan’um. Ya michan’ rom ngak Got e ke gol nigem.” Ka chingiyal’ nem me gol fare pin.

Mark 10:52

Me ga’ar Jesus ngak, “Mman, michan’ rom ngak Got e ke gol nigem.” Ma kachingiyal’ nem me yag ni nge guy ban’en, me un ngak Jesus ko gin ni be sor ngay u daken e kanawo’.

Mark 2:5

Me guy Jesus gelngin e pagan’ rorad ngak, me ga’ar ngak fare mugutgut, “Fakag, ke m’ayfan e denen rom.”

Mark 8:25

Me tay Jesus pa’ nruw raba’ bayay nga daken lan mit facha’. Me changar fa’anem nike uthum e changar rok, me sul e changar rok ngarogon, me guy gubin ban’en nike motabgol u owchen.

Acts 10:4

Me lik’ath ngak fare engel nike tamdag me ga’ar, “Be mang?” Me fulweg fare engel ni ga’ar, “Got e bfel’ u wan’ e meybil rom nge maruwel ni kam tay ni ga be ayuweg e pi’in gafgow, ma be leam nigem.

Acts 3:4

Miyow sap ngak me ga’ar Peter ngak, “Mu sap ngomow!”