Acts 14:15 - Bible Ni Thothup

¹⁵ “Pi cha’, mang ni ngam rin’ed e biney e pa’? Ya gamow l’agruw i girdi’ ni gamow bod gimed! Kug bow ngaray ni nggu weliyew ngak e girdi’ fare Thin Ni Bfel’ ni murung’agen Jesus, ma gamow pingegmed ngam pi’ed keru’med ko tin ndariyfan ngambad ngak fare Got ni be par nib fos, ni ir e ngongliy e tharmiy, nge fayleng, nge day, nge urngin ban’en ni bay u fithik’ e pin’ey.

Acts 14:15 Iomraidhean Croise

Genesis 1:1

Aram ko tabolngin ni tabab Got i sunmiy e fayleng nge urngin ban’en ni bay u lanelang,

Genesis 41:16

Me fulweg Josef ni ga’ar, “Gathi gag! I Got e bayi dag ngom e tin ni bfel’.”

1 Kings 16:13

Ni bochan e yad be tayfan yug boch e got ma ku bochan e yad be waliy yu Israel nga fithik’ e denen, i Baasha nge Elah ni fak ni pumo’on e ra k’arngew e damumuw ngak SOMOL, ni fare Got rok yu Israel.

1 Kings 16:26

Bod Jeroboam ni immoy ni bm’on rok, i k’aring e damumuw ngak SOMOL, ni fare Got nu Israel, ni bochan e pi denen rok nge ir ni i waliy e girdi’ nga fithik’ e denen nge tayfan ni i tay ngak yug boch e got.

2 Kings 19:16

SOMOL, mu sap ko n’en ni kani rin’ ngomad. Mmotoyil nga urngin e thin nib kireb ni be yog Sennakerib ni be darifan nigem, ni gur Got ni gab fos.

2 Kings 19:4

Fare pilung nu Assyria e ke l’oeg pilungen e salthaw rok ni nge darifannag Got ni be par nib fos. I SOMOL ni Got rom e mang e yigi rung’ag e pi thin ni kireb nem me gechignag e pi’in ni karogned. Ere mmeybil ni fan ngak e girdi’ rodad ni ka yad ba fos.”

Psalms 115:15

Mang e yigi fal’eg SOMOL wa’athmed, ni Ir e sunmiy e tharmiy nge but’!

Psalms 124:8

Ayuw ni be yib ngodad e SOMOL e be yib rok, ni ir e sunumiy e tharmiy nge but’.

Psalms 31:6

Ga ba fananikay e pi’in yad ma tayfan e tin de riyul’ e got, machane gag e ba pagan’ug ngom.

Psalms 33:6

I SOMOL e non me sum e pi tharmiy, I non me sum e yal’ nge pul nge pi t’uf.

Exodus 20:11

I Gag SOMOL e gu ngongliy e tharmiy, nge but’, nge day, nge urngin ban’en ni ba’ riy u lan n’el e rran, me rofen ni gaman e medlip ngay mu gu toffan. Aram fan ni gag SOMOL e kug fal’eg wa’athan e re rran nem ma kug tay nib thothup.

Isaiah 45:18

I SOMOL e sunumiy lanelang, i ir e en ir e Got! I ir e sunumeg e fayleng, ke ngongliy rogon ke par. De ngongliy nge tay ni bangi ted ndariy ban’en riy ma der tugul ban’en riy, ya tay ni ngi i par e girdi’ riy. Ir e ga’ar, “I Gag e SOMOL, ma dariy yugu reb e got ngabang.

Isaiah 45:20

Be ga’ar SOMOL, “Mmu’ulung gad e girdi’ ko pi nam, ni urngin e girdi’ ni fos nnap’an ni waer e pilung romed ko mael, mired nga ni pufthin nagmed! Pi’in yad ma fek e liyos rorad ni ren ngu’ur thelepgad u kanawo’ ma yad be meybil ngak bogi got ndabiyag ni nge ayuwegrad, e yad bod e girdi’ ni dariy ban’en ni yad manang!

Isaiah 46:7

Miyad tay nga porad ngar feked; mranod ra ted nga tagil’ me par u rom, ndabiyag ni nge chuw u tagil’. Ra meybil be’ ngay, ma dabiyag ni nge fulweg taban e meybil rok, ara ayuwegrad ko gafgow.

Jeremiah 10:8

Yad gubin ni yad ba pinat ma yad bbalyang. Mang e yad ra fil rok e liyos ni ren?

Jeremiah 14:22

Dariy reb fapi liyos ko pi nam nrayag ni nge gagiyegnag nge aw e n’uw; lanelang ni go’ ir rok, e dabyag ni nge gagiyegnag nge aw e n’uw. SOMOL, ni Got romad, ku gu pired ni gur e ke l’agan’mad ngom, ya gur e ga be rin’ e pin’ey.

Jeremiah 32:17

“SOMOL, Ntha’bi Tolang, I gur e mu sunmiy e fayleng nge lanelang nga gelngim nib gel; ya dariy ban’en nib mom’aw ngom.

Jeremiah 51:15

I SOMOL e ngongliy e fayleng nga gelngin; ni gonop rok e sunmiy e fayleng ngay me filath e pi tharmiy.

Jeremiah 8:19

Mmotoyil! Gu be rung’ag laman e girdi’ rog ni be yor u ga’ngin yang, “Gur dakimoy SOMOL u lan yu Zion? Gur pilung nu Zion e dekimo’ u rom?” I SOMOL ni pilung rorad e fulweg ni ga’ar, “Mangfan ni gimed be k’aring e damumuw ngog ko pi liyos romed ni gimed be tay fan nge siro’ ni gimed be tay ko pi got romed nu bang ni dariy fan?”

Daniel 6:26

Gu be yog ni ga’ngin e gin gu ma gagiyegnag e nge par gubin e girdi’ riy ni bay madgun fare Got rok Daniel u wun’rad ma ngu’ur liyorgad ngak: “I ir ba Got ni be par nib fos ma bayi gagiyeg ni dariy n’umngin nap’an. Ma gagiyeg rok e dariy e n’en nra rin’ me yag nni kirebnag, ma gelngin e dariy e n’en nra rin’ me mus.

Amos 2:4

Be ga’ar SOMOL, “Girdi’ nu Judah e kar denen gad bayay nge bayay, erfan nri bay gu gechig nagrad. Ya kar darifan niged e machib rog ma darir folgad ko thin ni kugog. Ke waliyrad e pi got rorad ni go’ bogi ban’en nga wuru’ e wo’, ni bogi got ni i pigpig e pi chitamangirad ni kakrom ngorad.

Jonah 2:8

Pi’in yad be toer ngak fapi liyos ndabiyag ni ngar ayuwegned be’ e kar paged gur ni dakurir yul’yul’gad ngom.

Zekariah 12:1

Ba’aray e thin ni murung’agen yu Israel ni yib rok SOMOL, ni fare SOMOL ni filath lanelang, me sunmiy e fayleng, me pi’ e yafos ngak e girdi’. Be ga’ar,

Matthew 16:16

Me fulweg Simon Peter ngak ni ga’ar, “I gur fare Messiah, ni Fak Got gur, ni Got nib fos.”

John 5:26

En ni Chitamangiy e ir e bay e yafos u pa’, ere errogon e en ni Fak ni ku bay e yafos u pa’ ni en ni Chitamangiy e ke yodoromnag.

John 7:18

Ya en ni thin rok e be weliy e be guy rogon ni nge mang ir e yog e girdi’ e sorok ngak. Machane en ni be guy rogon ni nganog e sorok ngak e en ni l’oeg nge yib e ba yul’yul’, ma tin riyul’ e be yog.

Acts 10:26

Machane me sak’iynag Peter Kornelius. Me ga’ar ngak, “Mu sak’iy, ya gag e kemus ni gub girdi’.”

Acts 13:32

Ma gamad e kugbad ngaray ni nggu feked i yib ngomed e re Bugithin ney Ni Bfel’ ni murung’agen: tin ni yog Got ngak e pi chitamangidad ni bay rin’ e ke rin’ e chiney ni fan ngodad e pi’in owcherad, ni fan e ke faseg Jesus ko yam’. Ni bod rogon ni kan yoloy ko bin l’agruw e Psalm ni be ga’ar: ‘I gur Fakag; daba’ e kug mang Chitamam.’

Acts 14:21

Me machibnag Paul nge Barnabas ngak e girdi’ u lan yu Derbe fare Thin Ni Bfel’ ni murung’agen Jesus, ma bo’or e girdi’ ni mich u wun’rad ngar manged pi gachalpen Jesus. Ma aram miyow sul nga Lystra ngranow u rom nga Ikonium, miyow yan u Ikonium nga Antiok ni bay u lan yu Pisidia.

Acts 14:7

Ma aram miyow machibnag u rom fare Thin Ni Bfel’ ni murung’agen Jesus.

Acts 16:30

Me fekrow nga waen me fith ngorow ni ga’ar, “Mang e thingar gu rin’ me yag ni gu thap ngak Got?”

Acts 27:10

“Pi cha’, kug guy nre milekag rodad ney u roy i yan ngam’on e bay e wogwog riy; ya ba gel e mogoth nra tay e chugum nge barkow ma ku errogon e girdi’ nra yim’.”

Acts 27:21

Ma nga tomuren nike n’uw i n’uw nap’an nda ni kay e ggan me sak’iy Paul ngam’on rorad me ga’ar ngorad, “Fa’an mang e mu folgad ko thin ni gog nge siy i chuw e barkow u Krete, ma dabiyag ni nge kireb e barkow ni aray gelngin ma dab nn’ag e chugum nu barkow.

Acts 27:25

Ere mu athamgilgad! Ya ba pagan’ug ngak Got ni bay yan i aw ni bod rogon ni kanog ngog.

Acts 4:24

Ma fa’an rrung’aged, ma yad gubin nra meybilgad ngak Got ni lungurad, “Masta, ni gur e mu sunumiy e tharmiy, nge but’, nge day, nge urngin ban’en ni bay u fithik’ e pin’ey!

Acts 7:26

Me reb e rran riy me guy l’agruw ni’ u Israel ni yow be cham, me yan i guy rogon ni nge fal’eg thilrow. Me ga’ar ngorow, ‘Mu telmew, gimew walag; mang ni gimew be gafgow nagmew?’

1 Korinth 8:4

Ere nggog murung’agen e ggan nni pi’ ngak e liyos nma meybil boch e girdi’ ngay ni nge lungug: gadad manang ni ba liyos e pow u ban’en ni gathi riyul’ ni bay; ya gadad manang nri ta’reb e Got ni bay.

Efesus 4:17

U fithingan Somol e nggog e re bugithin ni ba’aray riy ma ri gu be ning chiylen ngomed ni be lungug: dab ku um ngongolgad ni bod rogon e pi’in ndar nanged Got, ni tin yad be leamnag e dabi yib fan,

Deuteronomy 32:21

Tayfan ni yad be tay ko pi liyos rorad e ke karing e puwan’ ngog, gu damumuw ni bochan e yad be meybil ngak yug boch e got ni gathi yad e got. Ere bay gu gagiyegnag ba nam nib balyang girdi’en ngar k’aringed e puwan’ ngorad, ba nam ndariy rogon e girdi’ riy e bay gu maruwel ngorad ngar damumuwgad ni bochrad.

Deuteronomy 5:26

Ya mini’ e re girdi’ ni ka a rung’ag laman Got ni be par nib fos ni non u fithik’ e nifiy, ni bod ni kad rung’aged ma ka gadad be par ni gadad bfos?

1 Thessalonika 1:9

Urngin e pi girdi’ ney ma yad be weliy rogon ni mt’ufeged gamad ko fa ngiyal’ ni gu bad ngomed, nge rogon ni mpi’ed keru’med ko liyos nma meybil boch e girdi’ ngay ngam sapgad ngak Got, mi gimed pigpig ko bin nib riyul’ e Got ni ir e be par nib fos,

1 Timothy 3:15

Machane fa’anra gu sowath, ma re gi babyor ney e bay yog ngomed rogon pangidad ni nge par nrogon girdi’en e tabinaw rok Got, ni aram fare galesiya rok fare Got ni be par nib fos, nre galesiya nem e ir e duga’ me ir e be dunubiy fare thin nib riyul’.

Hebrews 3:12

Pi walageg ni girdi’en Kristus: mu ayuwgad nge par ndariy be’ u fithik’med nib kireb e leam rok ma der michan’, ya ri pi’ keru’ ngak Got ni be par nib fos.

James 5:17

I Elijah e be’ ni ku bod gadad e tiney e girdi’. Ri meybil ngak Got ni nge dabki aw e n’uw, ma daki aw e n’uw u daken e re nam nem ni dalip nge baley e duw.

Joshua 3:10

Daba’ e bay mu nanged ni fare Got ni be par nib fos e bay romed; nap’an ni bay mmarod i yan nga m’on ma ir e bayi tuluf piyu Kanaan ngar chuwgad, nge fapi girdi’ ni kanog e Hittite ngorad, nge Hivite, nge Perizzite, nge Girgashite, nge Amorite, nge Jebusite.

Revelation 14:7

Me ga’ar ni ba ga’ laman: “Nge yib madgun Got ngomed, mi gimed tayfan nga feni sorok! Ya ke taw nga nap’an ni nge pufthinnag e girdi’. Ere mu siro’gad mi gimed meybil u p’eowchen Got ni ir e sunumiy e tharmiy, nge but’, nge day, nge pi alublub!”

Revelation 19:10

Mu gu paraw nga but’ u to’oben rifrifen ay nggu siro’ ngak, machane me ga’ar ngog, “Dab mu rin’ ni errogon! Ya gag reb e tapigpig ni bod gur nge pi walagem, ni urngin fa pi’in yad be fol ko fapi thin nib riyul’ ni fa’ani yib i yog Jesus ngan nang. Ere mu tayfan Got ma ga meybil ngak!” Ya tin nib riyul’ ni yib i yog Jesus ngan nang e ireram fapi thin ni yib i yog e Kan Nthothup rok Got u l’ugun e pi profet.

Revelation 19:19

Ma aram mu gguy fare gamanman nge pi pilung nu fayleng nge pi salthaw rorad ni kar mu’ulunggad ni ngar chamgad ngak fa’anem nike af nga daken fare os nge ngak e salthaw rok.

Revelation 22:9

Machane me ga’ar ngog, “Dab mu rin’! Ya gadow l’agruw ma tapigpig, ma ta’reb rogog ngak pi walagem ni aram fapi profet, nge urngin e pi’in yad be fol ko thin ni bay u lan e re ke babyor ney! Ere mu siro’ ma ga meybil ngak Got!”

Revelation 4:11

“Somol romad ma Got romad! Bay rogom ni nganog e sorok ngom, min tayfam, ma bay rogom ni nge mil suwon urngin ban’en ngom. Ya gur e mu sunumiy urngin ban’en, ma gur e mu leamnag miyad sum ni yad bfos.”

1 Samuel 12:21

Dab um leked e pi got ni go’ bogi ban’en; ya dabiyag ni ngar ayuweged gimed fa ra ayweged e pogofan romed, ni bochane gathiyad e bin rriyul’ e got.

1 Samuel 17:26

Me fith David e pi salthaw ni yad ba chugur ngak ni ga’ar, “Fa’anra li’ be’ e re Filistine nem nge chuweg e tamra’ rok yu Israel ma mang e yira pi’ ngak? Ya mini’ e re Filistine nem ni be’ nde nang Got ni be darifannag e salthaw rok Got ni be par nib fos?”

1 Samuel 17:36

Kug li’ boch e layon nge bear, ma ku irera’ e n’en ni gu ra rin’ ko re Filistine nem ni be’ nde nang Got, ma be darifannag e salthaw rok Got ni be par nib fos.