Acts 14:1 - Bible Ni Thothup

¹ Ma ku aray rogon e n’en nrin’ u lan yu Ikonium: yan Paul nge Barnabas nga tafen e mu’ulung rok piyu Israel ngar welthingow, ma bo’or piyu Israel nge pi’in gathi yad piyu Israel nra piggad nge mich Jesus u wun’rad.

Acts 14:1 Iomraidhean Croise

Mark 7:26

Re pin nem e be’ u bang, nni gargelnag u Fonicia ni bay u lan yu Syria. Me wenig ngak Jesus ni nge tuluf fare mo’onyan’ nge chuw u fithik’ i dow fak.

John 12:20

Ma immoy boch piyu Greece u fithik’ e pi’in nranod nga Jerusalem ni ngar uned ko meybil ko ngiyal’ ni bay fare madnom riy.

John 7:35

Me yog e pi tolang ko Jew u fithik’rad ni lungurad, “U uw e ke chugur ni nge yan ngay ndab kud pir’eged? Gur bay yan ko pi binaw rok yu Greece ko yungi n’en ni be par piyu Israel riy ngi i machibnag piyu Greece?

Acts 11:21

Ma be yodorom ma bay gelngin Somol ni be un ngorad, ma bo’or e girdi’ ni mich Jesus u wun’rad ngar piggad ngar manged girdi’en Somol.

Acts 13:43

Ma fa’ani wear e girdi’ ko fare mu’ulung, ma bo’or piyu Israel nge pi’in gathi yad piyu Israel ni kar piggad kar uned ko ba’ rok piyu Israel e taliw nra uned ngak Paul nge Barnabas. Me welthin fa gal apostel ngorad ni yow be pi’ e athamgil nga lanin’rad ni ngu’ur pired ni yad be toer ko runguy rok Got ngorad.

Acts 13:46

Machane fin aram e welthin Paul nge Barnabas ndar rusgow ni be lungurow, “Ri dabisiy ni gimed e som’on ni ngan weliy e thin rok Got ngomed. Machane fa’anra kam n’iged, ma damur fineyed ni bay rogomed ni nge yag e yafos ndariy n’umngin nap’an ngomed, ma bay gu pagew gimed nggu warow ngak e pi’in gathi yad piyu Israel.

Acts 13:5

Ma fa’anra tawgow nga Salamis, miyow machibnag e Thin rok Got ngak e girdi’ u lan e pi tafen e mu’ulung rok piyu Israel i yan. Ma bay John Mark rorow ni be ayuwegrow ko maruwel.

Acts 13:51

Me rurug fa gali apostel e fiyath u ayrow nib togopluw ngorad miyow yan u rom nga Ikonium.

Acts 14:19

Ma boch piyu Israel nrabad u Antiok ni bay u Pisidia nge boch piyu Israel nrabad u Ikonium, e ra pingeged laniyan’ fapi girdi’ ni aram urngin ngar folgad ngorad ngar malang niged Paul, nge mu’ miyad girengiy i yan nga wuru’ e binaw, ni kar fineyed ni kem’.

Acts 14:2

Machane pi’in nu Israel ndaburad ni nge mich Jesus u wun’rad e ra nonod ngak e pi’in gathi yad piyu Israel ngar pired ni kar damumuwgad ngak e pi’in walagey ni girdi’en Kristus.

Acts 14:21

Me machibnag Paul nge Barnabas ngak e girdi’ u lan yu Derbe fare Thin Ni Bfel’ ni murung’agen Jesus, ma bo’or e girdi’ ni mich u wun’rad ngar manged pi gachalpen Jesus. Ma aram miyow sul nga Lystra ngranow u rom nga Ikonium, miyow yan u Ikonium nga Antiok ni bay u lan yu Pisidia.

Acts 16:1

Me milekag Paul nga Derbe nge nga Lystra. Ma bay be’ nib mich Jesus u wan’, ni Timothy fithingan nma par u rom; ma ku errogon e chitiningin ni ku ir be’ nib mich Jesus u wan’ ni ku be’ u Israel, machane chitamngin Timothy e be’ u Greece.

Acts 16:2

Ma urngin e walag ni girdi’en Kristus ni yad ma par u lan yu Lystra ngu lan yu Ikonium e ra weliyed murung’agen Timothy ni be’ ni bfel’.

Acts 17:12

Ma bo’or i yad ni mich Jesus u wun’rad; ma bo’or e ppin nu Greece ni ppin nib tolang nge ku bo’or e pumo’on nu Greece ni ki mich Jesus u wun’rad.

Acts 17:17

Mu ur lu’aged piyu Israel e thin u lan tafen e mu’ulung nge pi’in gathi yad piyu Israel ni yad ma meybil ma yad ma liyor ngak Got, ma ku errogon ni gubin e rran ni ur lu’aged e girdi’ e thin ni pi’in yad be yib ngabangi n’en nma mu’ulung e girdi’ ngay.

Acts 17:4

Me mich u wan’ boch i yad ngar uned ngak Paul nge Silas; ma aram e n’en ni rin’ bo’or e girdi’ nu Greece, ni pi’in yad ma meybil ma yad ma liyor ngak Got, ma ku bo’or e ppin ni pi’in ba ga’ lungurad u rom.

Acts 18:4

Ma gubin e Sabbath ni yad ma lulu’ag e girdi’ e thin u lan tafen e mu’ulung, ni aram e be guy rogon ni nge mich e tin be yog u wan’ piyu Israel nge piyu Greece.

Acts 18:8

Mi Krispus, ni ir e ma yog e thin u lan tafen e mu’ulung, e mich Somol u wan’, ni ir nge urngin e girdi’ u tabinaw rok; ma bo’or e girdi’ u lan yu Korinth ni rung’ag e re thin nem ni murung’agen Jesus, me mich Jesus u wun’rad min tawfe nagrad.

Acts 19:10

L’agruw e duw ni ur yodoroygad, ma aram ma urngin e girdi’ nma par u lan e nug nu Asia ni piyu Israel nge pi’in gathi yad piyu Israel, ni rrung’aged e thin rok Somol.

Acts 19:17

Ma urngin piyu Israel nge pi’in gathi yad piyu Israel ni yad be par u Efesus e rrung’aged murung’agen e ren’ey; ma yad gubin nra tamdaggad, ma aram me ri ga’ fan fithingan Somol Jesus u wan’ e girdi’.

Acts 19:8

Me yan Paul ngalan tafen e mu’ulung, ma dalip e pul ni par ni be welthin ngak e girdi’ nder tamdag, ni be malu’ag thin ngorad ni be guy rogon ni nge mich u wun’rad rogon e gagiyeg rok Got.

Acts 2:47

ma yad be pining e magaer ngak Got, ma yad be par ni yad bfel’ u wan’ urngin e girdi’. Ma gubin e rran ni be puthuy Somol ko re ulung rorad nem e pi’in kafin ra thapgad ngak Got.

Acts 20:21

Ma ri ta’reb rogon piyu Israel nge pi’in gathi yad piyu Israel nri gu ta’chiylen ngorad ni ngar pi’ed keru’rad ko denen ni yad be ngongliy ngar sapgad ngak Got, me mich e Somol rodad ni Jesus u wun’rad.

Acts 21:28

Miyad tolul ni lungurad, “Gimed piyu Israel, mu ayuweged gamad! Ireray fare mo’on ni be machibnag urngin e girdi’ i yan ni be machib nib togopluw ngak e girdi’ nu Israel, nge fare Motochiyel rok Moses, nge re Tempel ney. Ma chiney e mus ngak boch e girdi’ ni gathi yad piyu Israel nike fekrad i yib ngalan e Tempel ke alitnag e re gin’ey nib thothup!” (

Acts 9:20

Mi i yan u lan tafen e mu’ulung i yan, ni aram e ke tabab i machibnag murung’agen Jesus ni be ga’ar, “I Jesus e ir fa’anem ni Fak Got.”

Roma 1:16

Dagur tamra’ ko re Thin ney Ni Bfel’ ni murung’agen Jesus, ya ir gelngin Got ni nge thapeg e girdi’ ngak, ni urngin e pi’in ke mich u wun’rad e re thin ney, ni som’on e ni pi’ ngak piyu Israel, mu kun pi’ ngak e pi nam ni gathi yad piyu Israel.

Roma 10:12

Re bugithin ney e ke uneg urngin e girdi’ ngay, ya dariy ban’en nib thil rok piyu Israel nge pi’in gathi yad piyu Israel; i Got e ta’ab Somol rorad ni yad gubin, ma ri ma tow’athnag urngin e pi’in yad ma pining fithingan.

Galatia 2:3

Ya Titus ni be un ngog e be’ u Greece, machane da ni gelnigey ngak ni ngan maad’ad ngak,

Galatia 3:28

Ere ta’reb rogon piyu Israel nge pi’in gathi yad piyu Israel, ma ku errogon e pi’in yad e sib nge pi’in gathi yad e sib, ma ku errogon e pi’in pumo’on nge ppin, ni bochan e gimed gubin ma kam ta’ab girdi’gad Kristus.

Kolose 3:11

Ma wenegan e ren’ey e gadad gubin nta’reb rogodad ndariy ban’en nib thil u thilin e pi’in gathi yad piyu Israel nge piyu Israel, nge pi’in kan maad’ad ngorad nge pi’in ndawor ni maad’ad ngorad, nge pi’in gathi yad yu Greece, nge pi nam ni dawori ga’ e llowan’ rorad, nge girdi’ ni yad e sib ara girdi’ ni gathi yad e sib, ya Kristus e ir e urngin, mi Kristus e bay u fithik’ urngin e girdi’ ni kar yodoro’gad.

2 Timothy 3:11

nge gafgow ni yibe tay ngog, nge gafgow ni gu be tay. Ga manang urngin e pin’en ni kanrin’ ngog u lan yu Antiok, ngu Ikonium, ngu Lystra, ni fapi gafgow nrib gel ntay ngog mu gu k’adan’ug riy! Machane Somol e ke ayuwegneg riy ni gubin.