Acts 13:1 - Bible Ni Thothup

¹ Mu fithik’ girdi’en e galesiya nu Antiok e bay boch e profet nge tamchib riy, ni aram Barnabas, nge Simeon (ni yima pining Talumor ngak), nge Lucius (ni be’ u Cyrene), nge Manaen (ni yow Herod, ni Governor nni chuguluyrow u ta’bang ngar ilalgow, nge Saul.

Acts 13:1 Iomraidhean Croise

Matthew 27:32

Ma nap’an ni yad be yan nga wuru’ e binaw miyad mada’nag be’ nib mo’on ni be’ u Cyrene ni Simon fithingan, miyad gelnag e thin ngak nge fek e kuruth rok Jesus.

Luke 3:1

Re ngiyal’ i n’em e ke yan i gaman ragag nge lal e duw ni par Tiberius ni ir e emperor; ma Pontius Pilate e am u Judea, mi Herod e pilung nu Galile, ma walagen i Filip e ir e pilung nu Iturea ngu Trakonitis; mi Lysanias e pilung u Abilene,

Acts 11:30

Ma aram miyad rin’ ni aram rogon, miyad pi’ e re salpiy nem ngak Barnabas nge Saul ngar fekew i yan ngar pi’ew ngak e pi’in pi’ilal ko galesiya.

Acts 12:25

Me mu’nag Barnabas nge Saul e maruwel nnol’oegrow ni ngar muruwliyew, miyow sul u Jerusalem ni kar fekew John Mark ke un ngorow.

Acts 13:9

Mi Saul — ni ku yima pining Paul ngak — e ba sug ko fare Kan Nthothup; me changar ngak fa’anem nib tapig

Acts 15:32

Mi Judas nge Silas, ni yow l’agruw ma profet, e ba n’uw nap’an nra welthingow ngak e pi cha’nem ni ku yad boch e walag ni girdi’en Kristus, ni yow be pi’ e athamgil nga lanin’rad ma yow be pi’ gelngirad.

Acts 15:35

Mi Paul nge Barnabas e ra pirew boch u Antiok. Miyow cheag ngak bo’or e girdi’, ngu’ur filed ko girdi’ ma yad be machibnag e thin rok Somol ngorad.

Acts 19:6

Me tay Paul pa’ nga dakenrad, me yib fare Kan Nthothup ngorad; miyad welthin ni thin nu bang ma ku yad weliy e thin rok Got.

Acts 21:9

Ma aningeg e ppin ni fak ni bay ndawor ra uned ko mabgol ni yad ma machibnag e thin rok Got.

Acts 4:36

Mi Josef, ni ir reb e Levite nni gargelnag u Cyprus, mma pining e pi apostel Barnabas ngak (ni fan e re ngachal ney e “Be’ nma Pi e Athamgil nga Lanin’uy”),

Acts 9:1

Ma re ngiyal’nem e ka be yan Saul ni be yog ni nge thang e pogofan rok e pi’in gachalpen Somol. Me yan ngak fare Prist ni Th’abi Ga’

Roma 16:21

I Timothy, ni gamow be maruwel e keyog ni nge felan’ Got ngomed; ma ku errogon Lucius, nge Jason, nge Sosipater, ni ku yad girdi’en e nam rog.

1 Korinth 11:4

Re mo’on nra meybil ara machibnag e thin rok Got ngak e girdi’ u fithik’ girdi’en Kristus nike mu’ulung nike upunguy lolugen e be n’ag fan Kristus.

1 Korinth 13:2

Ra ke pi’ Got gelngig ni gub salap i machibnag e thin rok ngak e girdi’, ma urngin ban’en ni gu manang fan, ma gu manang fan urngin e tin nde nang e girdi’, ma gelngin nib michan’ug ngak Kristus e rayag ni chuweg e burey u tagil’, machane fa’anra de t’uf Got rog nge girdi’, ma dariy rogog.

1 Korinth 13:8

Rogon ni gadad ba t’uf rok Got nge rogon nib t’uf Got rodad nge girdi’ e ban’en nra par ndariy n’umngin nap’an. Bay e thin ni pi’ fare Kan Nthothup ni nganog ngak e girdi’, machane bay n’umngin i nap’an me tal; ma pi’ Got gelngin boch e girdi’ ni ngar salapgad ko welthin nthin ndawor nrung’ag ma da nnang fan, machane bayi tal; ma llowan’ e bay, machane bayi m’ay.

1 Korinth 14:29

L’agruw ara dalip ni’ ni bay e thin rok Got ni ngrogned, ma tin ni kabay e girdi’ e ngar leam niged fan fapi thin nike weliy fa picha’.

1 Korinth 14:32

Ma gelngiy nike pi’ Got ni ngan machibnag e thin rok ngak e girdi’, e cha’ ni ir e nge machib e ir e ngi i gonopiy rogon;

1 Korinth 9:6

Fa kemus ni go’ Barnabas nge gag e nggu muruwliyew e salpiy ni fan ko par romow?

Galatia 2:13

Ma tin ni kabay piyu Israel ni walagdad ni fan e yad girdi’en Kristus e ra tamdaggad ni bod Peter; me mus ngak Barnabas ni un ngorad ko ngongol rorad ni ngongolen e marus.

Galatia 2:9

I James, nge Peter, nge John, ni wun’ug e yad be gagiyegnag girdi’en e galesiya e ra nanged ni Got e ke pi’ e re gaf i maruwel ney ni yugu ba reb ngog; ma aram miyad rurug pa’mow Barnabas ni be dag ni gamad ta’ab raba’ i maruwel, ma aram ma gamad gubin ni ta’reb lanin’mad nge puruy’ romad ni nggu maruwelgow u fithik’ e pi’in gathi yad piyu Israel, miyad maruwel u fithik’ piyu Israel.

Efesus 4:11

I ir e en ni “tow’athnag e girdi’ ”, nra be’ ma n’en nib salap riy, me turguy boch ni ngar manged apostel, ma boch e turguy ni ngar manged profet, ma boch e turguy ni ngar machib niged ngak e girdi’ fare Thin Ni Bfel’, ma boch e turguy ni ngar manged pastor ma ngar filed fan e thin rok Got ngak e girdi’.

Filippi 4:22

Urngin e girdi’ rok Got ni yad bay u roy, ni ba ga’ ni pi’in nib mil farad nga tafen e en ni Emperor e karogned ni nge felan’ Got ngomed.

1 Thessalonika 5:20

dab mu darifan niged e thin ni be yog e Kan Nthothup u l’ugun be’.