Acts 12:11 - Bible Ni Thothup

¹¹ Ma aram mfini nang Peter e n’en nike rin’, me ga’ar, “Chiney e ka fini gu nang nriyul’! I Somol e ke l’oeg e engel rok, ke yib i ayuwegneg rok gelngin Herod ngu urngin e tin ke leamnag piyu Israel ni ngar rin’ed ngog.”

Acts 12:11 Iomraidhean Croise

Genesis 15:13

Me ga’ar SOMOL ngak, “Pi’in ni bay rabad ni owchem e bay ra pired ni yad e milekag u lan ba nam ni gathi nam rorad; bay ra pired ni yad e sib u rom ma ba kireb e n’en ni bay un rin’ ngorad ni 400 e duw.

Genesis 18:13

Me ga’ar SOMOL ngak Abraham, “Mangfan nike minmin Sarah ni be ga’ar, ‘Gur ku rayag ni gu diyennag bbitir ni ara’ rogon ni kari gu pilibthir?’

Genesis 26:9

Me mulwol Abimelek ni nge yan Isak i guy me ga’ar ngak, “Ere iraram le’engim! Mangfan ni mog ni ireram walagem?” Me fulweg Isak ni ga’ar, “Gu leamnag ni yira thang e fan rog ni fa’anra gog ni ir le’engig.”

2 Samuel 22:1

Irera’ fare tang ni yin’ David ngak SOMOL ko fa ngiyal’nem ni ayuweg SOMOL David u pa’ Saul ngu pa’ yugu boch e pi to’ogor rok. I ga’ar:

2 Kronicles 16:9

I SOMOL e ma fal’eg i yaliy e re fayleng ney ni ga’ngin, ni nge pi’ gelngin e pi’in yad ba yul’yul’ ngak u gumircha’rad. Gab balyang ko tin ka mu rin’, ere bay um par u fithik’ e mael e chiney i yan e ngaram.”

BABYOR NI JOB 31:31

Urngin e pumo’on ni yad be maruwel rog e yad manang ni gubin ngiyal’ ni gu ma ayweg e pi milekag.

BABYOR NI JOB 5:19

Gubin yay ni ir e ma ayuwegnem ni dabi buch ban’en rom;

Psalms 109:31

ni bochan e Ir e ma n’ufeg e pi’in ke gafgow mma ayuweg e pogofan rorad u pa’ e pi’in kar turguyed e gechig rorad ni yam’.

Psalms 33:18

I SOMOL e ma yaliy e pi’in bay madgun u wun’rad, ni pi’in ke pagan’rad ko t’ufeg rok ni dabimus.

Psalms 33:19

Ma yororiyrad ko yam’; nge uyongol.

Psalms 34:22

I SOMOL e ra ayuweg e pogofan rok e pi tapigpig rok; ma dabi gechignag e pi’in yad ra yan ngak ni ngar nafgad nga tan pa’.

Psalms 34:7

Engel rok e ma matanagiy e pi’in bay madgun SOMOL u wun’rad, me chuwegrad ko riya’.

Psalms 41:2

I SOMOL e ra yororiyrad me ayuweg e pogofan rorad; ra tayrad ni yad ba felfelan’ u daken fare but’; ma dabi n’agrad nga pa’ e pi to’ogor rorad.

Psalms 97:10

I SOMOL e bt’uf rok e pi’in nib fananikay e kireb; mma ayuweg e yafos rok e girdi’ rok; ma chuwegrad u lan pa’ e pi’in kireb.

Daniel 3:25

Me fith ni ga’ar, “Ere mang ni gu be guy aningeg i pumo’on ni yad be yanyan u mit e re nifiy nem? Dariy e m’ag u dowrad, ma dariy ban’en nike buch rorad, ma bin aningeg i yad e bod ya’an ba engel.”

Daniel 3:28

Me ga’ar e en ni pilung, “Ke sorok fare Got rok Shadrak nge Meshak nge Abednego. Ya ke l’oeg e engel rok ke ayuweg e pogofan rok e pi cha’ney ni yad ma fol ko thin rok ma yad ma par nib pagan’rad ngak. Darir folgad ko tin gog ngorad ni ngar rin’ed miyad dow ko pogofan rorad, ya kabfel’ u wan’rad ni yad ra yim’ ko bin ni ngar siro’gad ngar ted fan yugu reb e got.

Daniel 6:22

Got e ke l’oeg e engel rok ke yib i m’ag l’ugun fapi layon ndabiyag ni ngar rin’ed ban’en ngog. Ke rin’ ni aray rogon ya manang ndawor gu bucheg ban’en, nge bochan e dawor gu rin’ e kireb ngom i gur pilung.”

Luke 15:17

Ma aram e fini sulan’ ngak me ga’ar u wan’, Urngin e girdi’ ni be pi’ e chitamag puluwrad yad be maruwel rok e pire’ garad nder m’ay i kay rorad, mi gag e ray ni nggum’ ni bochan e bilig!

Acts 12:7

Mi yigi yib ba engel rok Somol i sak’iy ngaram, me tamilang u lan fare kalbus. Me tay fare engel pa’ nga pon Peter nge rurug, nge pug me ga’ar ngak, “Mu gur nigem ngam sak’iy!” Ka chingiyal’ nem me mul fapi chen u pa’.

Acts 24:27

Ma nap’an ni chuw l’agruw e duw, me yib Porkius Festus nga luwan Felix nge mang governor. Ma ba’adag Felix ni nge adag piyu Israel daken, ma aram me tay Paul ngi i par u kalbus.

Acts 25:9

Ma ba’adag Festus ni nge adag piyu Israel daken, ma aram me mang ir e fith Paul ni ga’ar, “Mog, gab adag ni ga ra yan nga Jerusalem ngan pufthinnigem u rom u p’eowcheg ko pin’en ni ba’aray ni kanog nib togopluw ngom?”

Acts 5:19

Machane re neap’ i n’em e yib ba engel rok Somol i bing e pi garog ko kalbus, me pow’iy fapi apostel nga wuru’ e kalbus, me ga’ar ngorad,

Hebrews 1:14

Ma pi engel e yad e mang? Yad e pi kan ni yad ma pigpig ngak Got nma l’oegrad ngar ayuweged e pi’in ni ngar thapgad ngak Got.

2 Peter 2:9

Ere Somol e manang rogon ni nge ayuweg e pi’in yad ma fol rok ko gafgow nma yib ngorad, nge rogon ni nge tay e pi’in kireb u tan e gechig rok nge yan i mada’ ko Chirofen ni bayi pufthin nagrad Got,