Acts 12:10 - Bible Ni Thothup

¹⁰ Miyow yib ngranow u to’oben e bin som’on e tafen e matnag, miyow yan ko bin migid, miyow yib ko fare garog nib wasey ni ir e yira yan riy mi ni yan ngalan binaw. Me mab fare garog ni yigi mab rok, miyow yan riy nga wuru’ e yoror. Miyow yan u ba pa’ i kanawo’ mi yigi yan fare engel ngabang ni aram e ke pag Peter.

Acts 12:10 Iomraidhean Croise

Genesis 40:3

me ta’row nga kalbus ngalan e naun rok e cha’ ni ir e kapten rok girdi’en e matanag ko gin ni bay Josef riy.

Genesis 42:17

Ma aram me tayrad nga kalbus ni dalip e rran.

Isaiah 21:8

Me tolul fare matnag ni nge ga’ar, “Siro’, ku’ug sak’iy ni gu be matnag u luwag ni rran nge nnep’.”

Numbers 15:34

Mi ni tay e matnag rok facha’ ni bochan e dawori tamilangan’uy ko n’en ni ngan rin’ ngak.

John 20:19

Ke n’uw nap’an nike aw e lumor ko re rran nem ni madnom nike mu’ulung pi gachalpen Jesus nga ta’bang kar man’ niged e mab ngorad, ya yad be tamdag ngak piyu Israel. Me sak’iy Jesus nga fithik’rad me ga’ar ngorad, “Nge yib e gapas ngomed.”

John 20:26

Me reb e wik nga tomuren nike mu’ulung pi gachalpen Jesus ngalan e naun bayay ma bay Thomas rorad ni kan man’nag e mab. Me sak’iy Jesus nga fithik’rad me ga’ar ngorad, “Nge yib e gapas ngomed.”

Acts 12:4

Nap’an nni yan ni kol Peter mi ni fek ngar tay nga kalbus, minog ni aningeg ulung e salthaw ni nge matanagiy, nra reb e ulung ma aningeg e salthaw ni bay riy. Ya ke leamnag Herod ni nge m’ay e re madnom nem ni Paluk’af me fek Peter i yib nga p’eowchen piyu Israel.

Acts 16:26

Mi yigi yib ba durru’ nrib gel, nge rurug fare kalbus nge mada’ ko def riy. Ma ka chingiyal’ nem me mab urngin e mab, me mul e chen u downgin urngin e kalbus.

Acts 5:19

Machane re neap’ i n’em e yib ba engel rok Somol i bing e pi garog ko kalbus, me pow’iy fapi apostel nga wuru’ e kalbus, me ga’ar ngorad,

Revelation 3:7

“Mu yol ngak fare engel ko galesiya nu Filadelfia ni nge lungum: “Ireray e thin nike pi’ fa’anem ni ir e ba thothup ma ba yul’yul’, ni ir e bay fare kiy rok David u pa’, ni ir e ra bing ma dariy be’ nrayag ni nge ning, ni ir e ra ning ma dariy be’ nrayag ni nge bing.