Acts 11:3 - Bible Ni Thothup

³ “I gur e mman nga tafen e pi’in ndawor ni maad’ad ngorad ni girdi’ ni gathi yad piyu Israel, ma ku mu’un ngorad ko abich!”

Acts 11:3 Iomraidhean Croise

Matthew 9:11

Me guy boch e pi Farise ni aram rogon me lungurad ngak pi gachalpen Jesus, “Mangfan ni be un e tamchib romed ngak e pi’in yad ma kunuy e tax nge pi’in ndabun e girdi’ nu lan binaw dakenrad ko abich?”

Luke 15:2

Me tabab e pi Farise nge pi tamchib ko Motochiyel ko nonnon ni be lungurad, “Re mo’on ney e ba’adag daken e pi’in ndabuy dakenrad u lan binaw ni mus ko abich ni be un ngorad ngay!”

John 18:28

Ri kab kadbul miyad fek Jesus u tafen Kaifas nga tafen e en ni ir e am. Ma de yan piyu Israel ngalan fare naun ntafen e am ni be’ u Roma, ya yad ba’adag ni ngar pired ni yad bbe’ech u yalen e Motochiyel rorad, ni bochan e nge yag nra uned i kay e ggan ko madnom ni Paluk’af.

Acts 10:23

Me yog Peter ngorad ni ngarbad nga naun, miyad par u rom e neap’ nem. Me reb e rran riy me fal’eg rogon nge un ngorad; ma boch pi walagrad ni girdi’en Jesus u rom u Joppa e ra uned ngorad ngranod.

Acts 10:28

Me ga’ar ngorad, “Gimed manang faram ni be’ u Israel e de mat’aw ko ba’ rok e taliw ni nge yan i guy ara i cheag ngak be’ ni gathi be’ u Israel. Machane Got e ke dag ngog nthingari dab ku ug leamnag be’ ni de be’ech ara ba alit ni rogon ni bay ko Motochiyel.

Acts 10:32

Mol’oeg be’ nge yan nga Joppa nge pining be’ nib mo’on ni Simon fithingan, ma ku yima pining Peter ngak. Ir ba milekag ni be par u tafen Simon ni be’ nma fal’eg rogon keru’ e gamanman, ni bay e tabinaw rok u to’oben e day.

Acts 10:48

Me yog ni ngan tawfe nagrad nga fithingan Jesus Kristus. Ma aram miyad wenig ngak Peter ni nge par rorad ni in e rran.

1 Korinth 5:11

N’en ni ir e gu be yog e dab um cheggad ngak be’ ni be yog ni ir reb i walagey ni girdi’en Kristus machane be ngongliy e ngongol ko darngal, ara ba chogow, ara ma tayfan mma meybil ngak e liyos nma meybil boch e girdi’ ngay, ara ma t’ar e thin nga daken e girdi’, ara be’ nib tamu’un rrum, ara ma th’ab e motochiyel. Mus ni ngam par nga but’ ngam un ngak e mit i girdi’ nem ko abich ma dab mu rin’.

Galatia 2:12

U m’on riy ndawori taw boch e girdi’ ngaram ni James e ke l’oegrad, ma i un Peter ngak e pi’in gathi yad piyu Israel ko abich, ni pi’in kar manged pi walagdad ni bochan e kar manged girdi’en Kristus. Ma fa’ani taw e pi girdi’ nem ngaram, me tal ni daki un ngorad ko abich, ni fan e be tamdag ngak piyu Israel ni pi’in yad ba’adag ni ngan maad’adnag e pi’in pumo’on ni gathi yad piyu Israel.

2 John 1:10

Fa’anra yib be’ ngomed ni gathi tin ni fil Jesus ngodad e ke fek i yib, ma dab mu pininged nga tabinaw romed; ni mus ni nge lungumed ngak, “Nge yib e gapas gom,” ma dab mogned ngak.