Acts 11:29 - Bible Ni Thothup

²⁹ Pi’in gachalpen Jesus e ra turguyed ni nge bagayad me pi’ urngin e tin nrayag rok ngar ayuweged e pi’in walagrad ni girdi’en Kristus ni yad be par u Judea.

Acts 11:29 Iomraidhean Croise

Galatia 2:10

Machane kemus nn’en nra wenig niged ngomow e ri dab gu pagew talin e pi’in gafgow ni yad bay u fithik’rad, nri ireram e ren’en ni ug athamgiliy ngu’ug rin’.

1 Korinth 13:5

en nib t’uf Got rok nge girdi’ e de kireb daken, ara kemus ni ir e ma leamnag ir, ara ba papey e damumuw ngak; ma en nib t’uf Got rok nge girdi’ e der ma aw nga laniyan’ e n’en nib kireb ni kan rin’ ngak;

Acts 11:26

Ma fa’ani pir’eg, me fek ngarbow nga Antiok. Ma reb e duw ni ur mu’ulunggad girdi’en e galesiya u rom ngu’ur machib nigew e girdi’ ni pire’. U rom u Antiok e ir e som’on nni pining girdi’en Kristus ngak e pi’in ke mich Jesus u wun’rad.

Acts 11:1

Pi apostel nge pi’in walagey ni girdi’en Kristus u gubin yang u Judea e rrung’aged ni pi’in gathi yad piyu Israel e ku errogon nike yag ngorad fare Thin rok Got.

Acts 4:34

Me yan i par e re ulung rorad nem ndakuriy be’ riy ni be gafgow u ban’en. Pi’in bay e binaw ntaferad ara naun e bayi n’en miyad pi’ ni chuway’, mra feked e salpiy riy i yib

Nehemiah 5:8

me lungug, “Ka aram nap’an i yib ni gadad ma guy rogon ngu’ud chuw’iyed e girdi’ rodad ni Jew nni pi’rad nchu’way nga boch e nam. Ma chiney e gimed be suruy e girdi’ romed ni ngar pi’ed yad ni chuway’ ngomed, ni gimed e ku girdi’ rorad!” Me th’ab fapi tayugang’ gulungrad ni dakuriy ban’en ni kiyag ni ngarogned.

Ezra 2:69

Gubin e tin nrayag rorad ni ngar pi’ed ma yi go’ ra pi’ed kore marwelney, gubin e tin nra pi’ed u gubin e yan i mada’ ko 1,030 e pawn e gol, nge 5,740 e pawn e silber, nge 100 e mad nib n’uw ni madan e prist.

John 2:2

ma ku errogon Jesus nge pi’in gachalpen ni ki yib e pong ngorad ni ngranod ngar uned ko re madnom ko mabgol nem.

Acts 1:15

In e rran nga tomuren me mu’ulung e pi’in ke mich Jesus u wun’rad, ni gonap’an yad ra’ay nge rliw’ u gubin, me sak’iy Peter ngalang ni nge welthin.

Acts 6:1

Munmun ma aram e be yo’or pi gachalpen Jesus i yan, me yib i malu’ag thin piyu Israel ni pi’in yad ma non ni thin ni Greek nge pi’in nni gargelegrad u Israel. Tin ni ba’aram e girdi’ nu Israel ni yad ma non ni Greek e rogned ni tirorad e ppin ni pi’in ke yim’ figirngirad e gubin e rran ni yira f’oth ban’en ma yibe pagrad.

Acts 9:19

me abich nge mu’ me sul gelngin. Me par Saul rok e pi’in gachalpen Jesus u lan yu Damaskus ni in e rran.

Acts 9:25

Machane me reb e neap’ me fek e pi’in kar folgad ngak Saul fa’anem i Saul ngar ted ngalan ba dug ngan nguchuruy nga but’ u ba winda ko yoror ni malang ko re binaw nem.

Acts 13:52

Ma pi’in gachalpen Jesus ni yad bay u Antiok e ra suggad ko felfelan’ nge fare Kan Nthothup.

Acts 14:20

Machane fa’ani mu’ulung e pi’in ke mich Jesus u wun’rad ngak, me sak’iy nge sul ngalan fare binaw. Me reb e rran riy miyow yan Barnabas nga Derbe.

Acts 14:22

Miyow ayuweg e pi’in ke mich Jesus u wun’rad ngar pi’ew e athamgil nga lanin’rad ni ngu’ur pired ni yad ba yul’yul’ ko en ni ir e ke mich u wun’rad. Miyow fil ngorad ni lungurow, “Thingar darod u fithik’ bo’or e gafgow ma gadad yan ko gin nsuwon Got.”

Acts 24:17

“Nga tomuren in e duw ni ug milekag i yan nda gu moy u Jerusalem, mu gu sul nga Jerusalem ni kug fek bogi salpiy ni nggu pi’ ngak e girdi’ ko nam rog ni girdi’en Kristus mu gu pi’ bogi maligach.

Matthew 25:17

Ma ku aram rogon e n’en ni rin’ fare tapigpig ni fa’ani pi’ l’agruw biyu’ e salpiy ni wasey ngak ni ki yagnag reb e l’agruw biyu’ riy.