Acts 11:24 - Bible Ni Thothup

²⁴ Ma cha’nem i Barnabas e be’ ni bfel’ nib sug ko fare Kan Nthothup ma ba pagan’ ngak Jesus. Ma bo’or e girdi’ nra manged girdi’en Somol.

Acts 11:24 Iomraidhean Croise

2 Samuel 18:27

Me ga’ar fa’anem ni be matanag, “Cha’ ni ba’aram nib m’on e be mil ni bod rogon e mil rok Ahimaaz.” Me ga’ar David ni Pilung, “I ir be’ ni bfel’, ma thin ni bfel’ e be fek i yib.”

Psalms 112:5

Ba felfelan’ e en nib gol ko tin ma pi’ ni ku yira fulweg ngak, en nib yul’yul’ u rogon nma siyobay.

Psalms 37:23

I SOMOL e ma pow’iy be’ ngi i yan ko kanawo’ ni nge yan riy, ma be yororiy e en ni bfel’ u wan’.

Proverbs 12:2

I SOMOL e bfel’ u wan’ e girdi’ nib manigil, machane ma gechignag e pi’in yad ma t’arliben e kireb.

Proverbs 13:22

Girdi’ nib manigil e ra pi’ e gayog rok nga pa’ pifak e pi’in pifak, machane gayog rok e pi tadenen e ra yan ngak e pi’in nib mat’aw.

Proverbs 14:14

Girdi’ ni kireb e ra sul taban e kireb rorad ngorad. Girdi’ nib manigil e yad ra fek puluwon e gafarig rorad ni bfel’.

Matthew 12:35

Ya be’ ni bfel’ e ma fek e tin ni bfel’ ban’en ko tin ni bfel’ nike kunuy; ma be’ nib kireb e ma fek e tin nib kireb ban’en ko pin’en nib kireb nike kunuy.

Matthew 19:17

Me fulweg Jesus ni ga’ar, “Mang ni ga be fitheg u murung’agen e n’en ni bfel’? Ri ta’abe’ e bay ni ir e bfel’. Ere mfol ko fapi motochiyel ni fa’anra gab adag ni ngam man ko yafos.”

Luke 23:50

Ma bay be’ nib mo’on ni Josef fithingan, ni be’ ko binaw nu Arimathea ni bay u lan yu Judea, ni ir be’ ni bfel’ ma yima tayfan, ma be sonnag e ngiyal’ ni bayi taw e gagiyeg rok Got. Yugu aram rogon ni ir reb i girdi’en fare ulung ko pilung, machane de fel’ u wan’ e n’en ni kar turguyed nge n’en ni kar ngongliyed.

John 7:12

Ma bo’or e girdi’ ni i kathkathnag murung’agen u fithik’ e pi girdi’ nem ni aram urngin; ni be yog boch e girdi’ ni be lungurad, “Cha’nem e be’ ni bfel’.” Ma boch e girdi’ e lungurad, “Danga’, ya be bannag e girdi’.”

Acts 11:21

Ma be yodorom ma bay gelngin Somol ni be un ngorad, ma bo’or e girdi’ ni mich Jesus u wun’rad ngar piggad ngar manged girdi’en Somol.

Acts 2:4

Mi yigo’o sugnagrad e Kan Nthothup miyad tabab ko numon nlungun boch e nam, ni bod rogon nike muruwliyrad fare Kan Nthothup ni ngar nonod.

Acts 2:47

ma yad be pining e magaer ngak Got, ma yad be par ni yad bfel’ u wan’ urngin e girdi’. Ma gubin e rran ni be puthuy Somol ko re ulung rorad nem e pi’in kafin ra thapgad ngak Got.

Acts 24:16

Ere gu ma guy rogon ni gubin ngiyal’ ni ngu’ug par u p’eowchen Got nge girdi’ ndariy ban’en ni be magawonnag lanin’ug u puluwog.

Acts 5:14

Machane i yo’or e girdi’ ni i mun ko re ulung nem — ni yu ulung i pumo’on nge ppin ni pi’in ke mich Somol u wun’rad.

Acts 6:3

Ere gimed e pi walagmad u daken Jesus e ngam mel’eged medlip ni’ u fithik’med ni gimed manang ni yad ba sug ko fare Kan Nthothup ma yad ba gonop, ma gadad tayrad ni yad e nge milfan e gaf ney e maruwel ngorad.

Acts 6:5

Ma urngin gathon fare ulung ni fel’ u wun’rad e tin ke yog fapi apostel; ma aram miyad mel’eg Stefen, ni be’ nib mo’on nrib mich Jesus u wan’ ma ba sug ko fare Kan Nthothup, ma ku errogon Filip, nge Prokorus, nge Nikanor, nge Timon, nge Parmenas, nge Nikolaus ni be’ u Antiok, ni gathi ir be’ u Israel, machane me pig nge un ko ba’ rok yu Israel e taliw.

Acts 6:8

I Stefen ni be’ nib mo’on ni ba ga’ e ayuw nike tay Got ngak ma ke pi’ Got gelngin e i ngongliy bogi maang’ang ni ba ga’ nge bogi n’en ni un ngat ngay u fithik’ e girdi’ i yan.

Acts 9:31

Ma aram mfini pir’eg girdi’en e galesiya e gapas u lan yu Judea ni ga’ngin ngu Galile ngu Samaria. Me ayuweg fare Kan Nthothup girdi’en fare galesiya nge yib gelngirad ma yad be yo’or i yan, nu ur pired ni yad be rin’ e tin nib m’agan’ Somol ngay ma yad be tayfan.

Roma 15:15

Machane u lan e gi babyor ney e da gu tamdag ni nggu puguran boch ban’en ngomed. Da gu tamdag ni bochan e ke pi’ Got mat’wug

Roma 5:7

Rib mo’maw’ ni nge pi’ be’ e pogofan rok nge yim’ ni fan ngak be’ nib mat’aw. Sana rayag ni nge pi’ be’ e pogofan rok nge yim’ ni fan ngak be’ ni bfel’.