Acts 11:23 - Bible Ni Thothup

²³ Fa’ani taw me guy rogon nike ayuweg Got fapi girdi’, me felan’ me tay ir ngorad ni yad gubin ni ngu’ur pired ni yad ba yul’yul’ ma yad bmuduwgil ngak Somol u polo’ i lanin’rad.

Acts 11:23 Iomraidhean Croise

2 Kings 18:6

Ba yul’yul’ ngak SOMOL ma dariy bangyal’ nde fol rok, ya ri i ayuweg urngin e tin ke tay SOMOL chiylen ngak Moses.

Psalms 17:3

Ga manang lanin’ug. Kamub ngog nnep’; ka mu sikeng nigeg ni polo’ ma dam pir’eg ba ar ar ni kireb u fithik’ag. Da gur ma yog ban’en nib kireb,

Proverbs 23:15

Fakag, fa’an ga ra gonop, ma ra gu felfelan’.

Proverbs 23:28

Yad be son nigem ni bod e moro’ro’ nma og ngak e girdi’ nge fek ban’en rorad, ma yad tapgin ni pire’ e pumo’on ndakurir yul’yul’gad ngak le’engirad.

Daniel 1:8

Me duwgiliy Daniel u wan’ ndabi kay e ggan ma dabi unum e wayin ni yibe pi’ ngorad u tafen e en ni pilung, ya ra rin’ mra par ndaki machalbog nrogon ko yalen rorad yu Judah. Me wenig Daniel ngak Ashpenaz ni nge ayuweg,

Matthew 16:24

Me ga’ar Jesus ngak pi gachalpen, “Fa’anra ba’adag be’ ni nge un ngog, ma thangri pag talin ir, nge fek e kuruth rok nge lekeg.

Mark 2:5

Me guy Jesus gelngin e pagan’ rorad ngak, me ga’ar ngak fare mugutgut, “Fakag, ke m’ayfan e denen rom.”

John 15:4

Mpired ni gimed ba peth ngog, mu gu par ni gub peth ngomed. Fa’anra dab mpired ni gimed ba peth ngog ma dabiyag ni nge yib wom’engimed, ni bod rogon pa’ngin e grape ndabiyag ni nge yib wom’ngin ni fa’anra dabi par nib peth nga kenggin.

Acts 13:43

Ma fa’ani wear e girdi’ ko fare mu’ulung, ma bo’or piyu Israel nge pi’in gathi yad piyu Israel ni kar piggad kar uned ko ba’ rok piyu Israel e taliw nra uned ngak Paul nge Barnabas. Me welthin fa gal apostel ngorad ni yow be pi’ e athamgil nga lanin’rad ni ngu’ur pired ni yad be toer ko runguy rok Got ngorad.

Acts 14:22

Miyow ayuweg e pi’in ke mich Jesus u wun’rad ngar pi’ew e athamgil nga lanin’rad ni ngu’ur pired ni yad ba yul’yul’ ko en ni ir e ke mich u wun’rad. Miyow fil ngorad ni lungurow, “Thingar darod u fithik’ bo’or e gafgow ma gadad yan ko gin nsuwon Got.”

Acts 14:26

miyow af nga barkow u rom ngar sulow nga Antiok, ni aram e gin nni pi’row riy nga pa’ Got ni nge ayuwegrow ko fare maruwel ni ba’aram ni ir e kar mu’nigew e chiney.

Acts 15:40

me duwgiliy Paul Silas ni nge un ngak, ma pi walagrow ni aram girdi’en Kristus e ra yibiliyed yow ngak Got ni nge ayuwegrow nge mu’ miyow yan.

Acts 20:24

Machane kug finey ni pogofan rog e dariy rogon ngog, ni fan e nge yag ni gu mu’nag e maruwel ni kan pag fan ngog mu gu mu’nag e maruwel ni Somol Jesus e ke pi’ ngog ni nggu rin’, ni aram e nggu weliy ngan nang fare Thin Ni Bfel’ ni murung’agen feni t’uf e girdi’ rok Got.

Acts 20:32

“Ma chiney e nggu pag famed ngak Got nge thin rok ni murung’agen feni t’uf e girdi’ rok. Ya rayag rok ni nge yal’uweg pangimed i yan ma be gel nagmed me pi’ ngomed e f’oth romed ko tin be cha’riy ni fan ngak urngin e girdi’ rok.

Acts 4:36

Mi Josef, ni ir reb e Levite nni gargelnag u Cyprus, mma pining e pi apostel Barnabas ngak (ni fan e re ngachal ney e “Be’ nma Pi e Athamgil nga Lanin’uy”),

Roma 12:8

Ma fa’anra salap ni pi’ Got ngodad e ngad pi’ed e athamgil nga laniyan’ e girdi’, me ere thingar da rin’ed ni aram rogon. En nra pi’ boch e tin bay rok ban’en ngak boch e girdi’ e thangri rin’ u fithik’ e gol; en ni ba ga’ lungun u puluwon e girdi’ e thangri maruwel nib gel; ma en nra gol ngak e girdi’ e thangri rin’ u fithik’ e felfelan’.

1 Korinth 15:58

Ere pi walageg ni girdi’en Kristus, um pired ni gimed bmuduwgil. Gubin ngiyal’ ma ngu’um muruwliyed e maruwel romed ni fan ngak Somol, ya gimed manang ni pigpig ni gimed be tay ngak Somol e gathi ra yan i aw nib m’ayfan.

2 Korinth 1:17

Gimed be finey ni re bugithin ney ni kug leamnag e be maruwar u wun’ug? Fa’anra gu turguy ban’en ni nggu rin’ ma gimed be finey ni kug leamnag ni kemus ni gag e nge fel’ ngog ma kug duwgiliy u wun’ug ni nggog e “Kefel’, kefel’ ” nge “Danga’, danga’ ” u ta’ab ngiyal’?

2 Korinth 6:1

Gamad be maruwel Got u ta’bang ni gamad be wenig ngomed ni be lungumad: ke yag ngomed e tow’ath ni pi’ Got, ere thingar dab mpaged nge maadab.

Deuteronomy 10:20

Ngu’um pired ni bay madgun SOMOL ni Got romed u wun’med ma kemus ni ir e ngu’um liyorgad ngak. Ma gimed be par ni gimed ba yul’yul’ ngak ma kemus ni fithingan e ngu’um micheged bbugithin ngay.

Deuteronomy 30:20

Nge t’uf romed SOMOL ni Got romed, nga um folgad rok ma gimed be par ni gimed ba yul’yul’ ngak, ni fan e gimed nge pi’in owchemed e nge yag ni mu pired nib n’uw nap’med u lan e re nam ni ba’aram ni micheg ngak pi chitamangimed ni kakrom ni bayi pi’ ngorad, ni aram Abraham nge Isak nge Jakob.”

Kolose 1:6

Fare Thin Ni Bfel’ e be yib wenegan ni bfel’ ngak e girdi’ ma be wear u fayleng i yan, ni bod rogon ni wear romed ni ka nap’an e chirofen ni som’on ni mu rung’aged rogon gelngin ni be runguy Got e pi’in nib tadenen ngari tamilangan’med riy.

2 Timothy 3:10

Machane kamfol ko machib ni gu be yog, nge pangig, nge n’en ni gu be nameg ko biney e tamilang; ma kam fal’eg i yaliy rogon ni gu be par nib mich Kristus u wun’ug, nge fenag gumaen’, nge rogon nib t’uf Got rog nge girdi’, nge rogon ni gu ma k’adan’ug,

Joshua 22:5

Nopa’med ni ngam folgad ko fare motochiyel ni pi’ Moses ngomed: nge t’uf SOMOL ni Got romed, mi gimed rin’ e tin nib mag’an ngay, mi gimed fol ko pi motochiyel rok, mi gimed par ni gimed ba yul’yul’ ngak, mi gimed pigpig ngak u polo’ i gumircha’med ngu polo’ i lanin’med.”

Joshua 23:8

Ya n’en ni ngam rin’ed e ngam yul’yul’gad ngak SOMOL, ni bod rogon ni ku’um rin’ed ke mada’ ko chiney.

1 Peter 5:12

Kug yoloy e re gi babyor ney nib ngoch ngomed ni Silvanus e ke ayuwegneg riy, ni kug tay ni ir reb i walagdad nrib yul’yul’. Gub adag ni nggu pi’ e athamgil nga lanin’med, mu gu weliy ngomed kanawo’en nma ayuwegdad Got. Ere mpired u fithik’ e re ayuw ney ni gimed bmuduwgil.

1 John 2:28

Er rogon, pifakag, mpired u fithik’ Kristus, nge dab da tamdaggad ko ngiyal’ nra yib i m’ug riy me siy da mithgad rok ni bochan e tamra’ rodad ngak ko fare Rran nra yib riy.

3 John 1:4

Dariy ban’en nrib gel e felfelan’ nra pi’ ngog ko bin ni nggu rung’ag murung’agen pifakag ni yad be fol ko tin riyul’.

Jude 1:4

Ya boch e girdi’ ndariyfan Got u wun’rad e karbad ra maathukgad nga fithik’dad ndad nanged, kar pingeged e thin rok Got ngabang, ni murung’agen e runguy rok, ya nge yib e tawey rorad ko ngonglen e darngal ni yad be rin’, ma kar n’iged Jesus Kristus, nike mus ni ir e Masta nge Somol rodad. Kab kakrom me weliy e babyor nib thothup murung’agen e re gechig ney ni kar girngiyed nga dakenrad.