Acts 11:22 - Bible Ni Thothup

²² Me yan murung’agen e re bugithin ney nge mada’ ngak girdi’en e galesiya nu Jerusalem, ma aram miyad l’oeg Barnabas nge yan nga Antiok.

Acts 11:22 Iomraidhean Croise

Acts 11:1

Pi apostel nge pi’in walagey ni girdi’en Kristus u gubin yang u Judea e rrung’aged ni pi’in gathi yad piyu Israel e ku errogon nike yag ngorad fare Thin rok Got.

Acts 11:19

Pi’in nib mich Jesus u wun’rad e ra weargad ni bochan fare gafgow ntay ngorad ko fa ngiyal’nem nthang e fan rok Stefen riy. Boch i yad e yan nge mada’ nga Fonicia nge nga Cyprus, nge nga Antiok, ni kemus ni piyu Israel e yad be weliy murung’agen Jesus ngorad i yan.

Acts 11:20

Machane boch e pi’in ke mich Jesus u wun’rad, ni pi’in pumo’on nrabad u Cyprus ngu Cyrene, e ranod nga Antiok mu ku ra weliyed e Thin rok Got ngak e pi Gentile ni aram e yad be machibnag ngorad fare Thin Ni Bfel’ ni murung’agen Jesus.

Acts 11:26

Ma fa’ani pir’eg, me fek ngarbow nga Antiok. Ma reb e duw ni ur mu’ulunggad girdi’en e galesiya u rom ngu’ur machib nigew e girdi’ ni pire’. U rom u Antiok e ir e som’on nni pining girdi’en Kristus ngak e pi’in ke mich Jesus u wun’rad.

Acts 11:27

Gonap’an e re ngiyal’ i n’em e yan boch e profet u Jerusalem nga Antiok.

Acts 15:2

Me baraba’ Paul nge Barnabas ngar lulu’aged e pi cha’nem e thin nib gel u murung’agen e re bugithin ney, miyad be puluwnag urngin ban’en ni nge yan i m’ug e bin ni ir; ma aram min turguy ni Paul nge Barnabas nge boch fa pi’inem ni yad bay u Antiok e ngranod nga Jerusalem ngar guyed e pi apostel nge pi’in pi’ilal u murung’agen e re bugithin ney.

Acts 15:22

Ma aram me cheag e pi apostel nge pi’in pi’ilal ko galesiya, nge girdi’en e galesiya ni polo’ miyad turguy ngar mel’eged boch e girdi’ rorad ngar l’oeged yad ngranod nga Antiok ni yad Paul nge Barnabas. Miyad duwgiliy Judas, ni ku yima pining ni Barsabbas, nge Silas ni l’agruw ni’ nma tay urngin girdi’en Kristus farow.

Acts 18:22

Ma fa’ani taw nga Cesarea me yan nga Jerusalem nge fingichiy girdi’en e galesiya riy, me yan u rom nga Antiok.

Acts 6:5

Ma urngin gathon fare ulung ni fel’ u wun’rad e tin ke yog fapi apostel; ma aram miyad mel’eg Stefen, ni be’ nib mo’on nrib mich Jesus u wan’ ma ba sug ko fare Kan Nthothup, ma ku errogon Filip, nge Prokorus, nge Nikanor, nge Timon, nge Parmenas, nge Nikolaus ni be’ u Antiok, ni gathi ir be’ u Israel, machane me pig nge un ko ba’ rok yu Israel e taliw.

Acts 8:14

Fapi apostel ni yad bay u Jerusalem e rrung’aged nike thap e thin rok Got ngak e girdi’ nu Samaria; ma aram miyad l’oeg Peter nge John ngranow ngorad.

Acts 9:27

Ma aram me yib Barnabas i ayuweg nge fek i yan ngak fapi apostel, me weliy ngorad rogon nike guy Saul Somol u daken e kanawo’, ma ke welthin Somol ngak. Miki weliy ngorad rogon nike machib Saul u fithingan Jesus u lan yu Damaskus nda i rus.

Galatia 2:11

Fa’ani yib Peter nga Antiok, mu gu puwan’ ngak u fithik’ e girdi’, ya ri yan i gagiyel nrib oloboch e n’en nike rin’.

1 Thessalonika 3:6

Ere chiney e ke sul Timothy romed ngomad, ma ke fek murung’agmed i yib nri gamad ba’adag ni nggu rung’aged, ni murung’agen rogon nib mich Kristus u wun’med nge rogon nrib t’uf romed Kristus nge girdi’. Ke weliy ngomad ni gubin ngiyal’ ma gimed ma leam nagmad ni gimed ba felfelan’ ngay, ma gimed ba’adag ni ngam guyed gamad ni bod rogon ni gamad ba’adag ni ngug guyed gimed.