Acts 11:18 - Bible Ni Thothup

¹⁸ Fa’an rrung’aged e re bugithin ney, miyad tal ndakur thibthib niged Peter miyad pining e magaer nge sorok ngak Got ni be lungurad, “Ere ku errogon nike bing Got e wo’ ngak e pi’in gathi yad piyu Israel ni ngar kolgad ngan’rad ngar pi’ed keru’rad ko denen miyad fos!”

Acts 11:18 Iomraidhean Croise

Isaiah 11:10

Ra taw nga reb e rran me yib be’ nib pilung ko ganong rok Davib nib be’ech ni nge mang pow ngak e pi nam. Yad ra mu’ulung ngalan fare binaw ni pilung ngar tedfan.

Isaiah 60:21

Urngin e girdi’ rom ni bay ur rin’ed e tin nib mat’aw, Miyad tafnay e nam ndariy n’umngin nap’an. I gag e gu yungrad, i gag e gu sunumiyrad, Ya nggu dag feni sorog ngak urngin e girdi’.

Isaiah 61:3

Mu gu pi’ e felfelan’, ngak e pi’in ni kar pired u Zion nike kireban’rad, nge yan nga luwan e kireban’ rorad. Ba tang ko ogmagaer e nge yan nga luwan e gafgowan’. Bay ra boded yuke gek’iy ni SOMOL e yung. Yad gubin ni bay rin’ed e n’en ni bfel’, mi ni pining e sorok ngak Got ko n’en ke rin’.

Ezekiel 36:26

Bay gu pi’ ba gumircha’ nib be’ech ngomed nge reb e leam nib be’ech. Bay gu chuweg gumircha’med ni bod feni el e malang mu gu pi’ ngomed ba gumircha’ nma fol.

Ezekiel 47:22

ra par ni tafenmed ni dariy n’umngin nap’an. Girdi’ nu bang nma par u fithik’med ni kar fakyed e bitir u roy e ku yad ra un ko f’oth binaw u nap’an ni gimed ra f’oth. Ngan sap ngorad ni bod rogon nri yad girdi’en yu Israel ma yad ra un ko pi genong nu Israel ngar girngiyed e pow ni nge duwgil riy e an nge tafnay bang nge bang.

Zekariah 12:10

“Bay gu suguy laniyan’ e pi’in owchen David, nge tin kabay e girdi’ u Jerusalem ko kan nthothup ko wurengan’ nge kan nthothup ko meybil. Bay ra changargad ngak fa en kar yip’ed ko sarey ke yim’, miyad yornag ni bod be’ ni yornag be’ ni fak ni kari ma’agrag rok. Bay ra yorgad nrib gel ni bod be’ ni yornag e bin nganni’ e pagel u fak.

Matthew 9:8

Ma fa’ani guy e girdi’ ni aram rogon, miyad tamdag, miyad yog e sorok ngak Got ni bochan e ke pi’ gelngin ni aram rogon ngak e girdi’.

Acts 11:1

Pi apostel nge pi’in walagey ni girdi’en Kristus u gubin yang u Judea e rrung’aged ni pi’in gathi yad piyu Israel e ku errogon nike yag ngorad fare Thin rok Got.

Acts 14:27

Ma fa’anra tawgow nga Antiok miyow ulunguy girdi’en fare galesiya ngar weliyew ngorad urngin e tin nike rin’ Got u pa’row, nge rogon nike bing e kanawo’ ngak e pi’in gathi yad piyu Israel ni nge mich Jesus u wun’rad.

Acts 15:3

Miyad yan ni girdi’en e galesiya e ke l’oegrad, ma nap’an nranod u lan yu Fonicia nge yu Samaria miyad weliy ngak girdi’en e galesiya ko gali yang i nug nem rogon nike thap e pi’in gathi yad piyu Israel ngak Got; ma re bugithin ney e ba ga’ ba felfelan’ ni pi’ ngak urngin e tin ni ba’aram i girdi’en Kristus ni kar rung’aged.

Acts 20:21

Ma ri ta’reb rogon piyu Israel nge pi’in gathi yad piyu Israel nri gu ta’chiylen ngorad ni ngar pi’ed keru’rad ko denen ni yad be ngongliy ngar sapgad ngak Got, me mich e Somol rodad ni Jesus u wun’rad.

Acts 21:20

Fa’anra motoyilgad ngak nge mu’ miyad pining e sorok ngak Got ni yad gubin. Ma aram me lungurad ngak Paul, “Walagmad, ga manang ni bo’or i biyu’ e girdi’ nu Israel nike mich Jesus u wun’rad, ma yad gubin ni yad be tiyan’rad ko fare Motochiyel.

Acts 3:19

Ere mu kolgad ngan’med mi gimed pi’ keru’med ko denen mi gimed cheal ngak Got, nge yag ni chuweg e denen romed. Fa’anra mu rin’ed ni aray rogon,

Acts 3:26

Ma aram me duwgiliy Got ni gimed e som’on ni nge l’oeg e Tapigpig rok nge yib ngomed, nge ayuwegmed ni aram e nge ngongliymed ni gimed gubin ngam pi’ed keru’med ko kireb ni gimed be rin’.”

Acts 5:31

Mi Got e ke tolangnag ke tay nga ba’ ni mat’aw rok ni ir e nge yog e thin me ir e ngi i thapeg e girdi’ ngak Got, ma nge pi’ e tayim ngak e girdi’ nu Israel nu lan e re tayim nem e ngar pi’ed keru’rad ko kireb ni yad be rin’ me n’ag Got fan e denen rorad.

Roma 9:30

Ere mang e nga dogned? Nga dogned ni pi’in gathi yad piyu Israel ni bogni’ nda ur guyed rogon ni ngar mat’awniged yad ngak Got e mat’awnagrad Got ngak u daken e michan’ rorad ngak Jesus Kristus;

2 Korinth 3:18

Ma gadad ndawor ni upunguy ban’en nga owchedad e be gal ram’en Somol rodad nike af rok ngodad, ni gadad gubin ma be ga’ ram’en rodad i yan ma gadad be pig i yan nga ya’an e ren’en ni be gal ram’en rodad, ni fare Kan Nthothup rok Somol e be muruwliy e ren’ey.

2 Korinth 7:10

Ya re kireban’ nem ni maruwel Got ngay e ir e piliyeg lanin’med ngam thapgad ngak Got ere dabi kireban’ug ngay! Machane bin nu fayleng e kireban’ e ma fek e yam’ i yib ngodad.

Galatia 1:24

Ma aram miyad yog e sorok ngak Got ni bochag.

Joshua 22:30

Finehas ni fare prist nge fa ragag i mitethin rok piyu Israel ni yad, nge pi lolgen e tabnaw ko pi ganong u ba’ ni ngal, e rung’aged e n’en keyog e ganong rok Ruben, nge Gad, nge ley ni Ngek e Manasseh, me fel’ u wan’rad.