Acts 10:20 - Bible Ni Thothup

²⁰ Ere mfal’eg rogom ngam man nga but’, ma dab mmaruwar ko ngam un ngorad fa danga’, ya gag e kug l’oegrad.”

Acts 10:20 Iomraidhean Croise

Isaiah 48:16

“Mu chugurgad ngog ngam rung’aged e n’en ni gu be yog. Aram ko tobolngin e ug non nib tamilang ma gubin ngiyal’ ni ug gagiyegnag nge yib i m’ug e thin rog nib rriyul’.” (I SOMOL Ni Th’abi Tolang e ke pi’ gelngin ngog e chiney ma ke l’oegneg.)

Mark 16:15

Me ga’ar ngorad, “Mmarod nga gubin yang u fayleng, ngam machib niged e Thin Ni Bfel’ ngak urngin e girdi’.

Acts 10:21

Ma aram me yan Peter nga but’ me ga’ar ngak fapi pumo’on, “I gag fare mo’on ni gimed be gay. Mang ni kambad?”

Acts 11:12

Me yog fare Kan Nthothup ngog ni nge dab ku ug maruwar u wun’ug ko nggu un ngorad fa dangay. Ma nel’ i girdi’ ni ba’aray ni walagdad ma girdi’en Kristus e ku errogon nra uned ngog nggu warod nga Cesarea, ma gamad gubin ni gu warod ngalan e naun rok Kornelius.

Acts 13:4

Fare Kan Nthothup e l’oeg Barnabas nge Saul ngranow, miyow yan u rom nga Selucia miyow af nga barkow u rom ngranow ko donguch nu Cyprus.

Acts 8:26

Me non ba engel rok Somol ngak Filip ni ga’ar, “Mu fal’eg rogom ngam sor ko yimuch ko fare pa’ i kanawo’ ni yan u Jerusalem nga Gaza.” (Re pa’ i kanawo’ nem e dakunir yan riy.)

Acts 9:15

Me ga’ar Somol ngak, “Mman, ya kug turguy ni nge pigpig ngog, ni ir e nge fek fithingag i yan ngak e pi’in gathi yad piyu Israel nge pi’in pilung, nge ngak e girdi’ nu Israel.

Acts 9:17

Ma aram me yan Ananias, nge yan ngalan fare naun nge yan i tay pa’ nga daken Saul. Me ga’ar, “Saul ni walageg, i Somol e ke l’oegeg — ni aram Jesus, ni ir e mu guy u daken e kanawo’ ko ngiyal’ ni ba’aram ni ga be yib ngaray. Ke l’oegeg ku gub ni fan e ngki yag ni mu guy ban’en me suguyem fare Kan Nthothup.”

James 1:6

Machane thingari pagan’med ngak Got ko ngiyal’ ni gimed ra wenignag ban’en ngak, ma dabi maruwaran’med rok; ya cha’ nra maruwaran’ rok e bod ba ley i n’ew u maday nnifeng e be mithmitheg ma be yannag.