Acts 10:2 - Bible Ni Thothup

² Ir be’ nma liyor ngak Got u wan’; me ir nge urngin e girdi’ nu tabinaw rok e yad ma meybil ngak Got. Ma ayuweg piyu Israel ni pi’in gafgow, ma yugu ma meybil ngak Got.

Acts 10:2 Iomraidhean Croise

Genesis 18:19

Kug mel’eg ni fan e nge ta’chiylen ngak pifak ni pumo’on nge pi’in owchen ni ngu’ur folgad ko tin kugog, ni aram e ngu’ur rin’ed e tin nib mat’aw nge tin nib yal’uw. Ma aram e ra gu rin’ ngak urngin e tin kugog ni bay gu rin’ ngak.”

1 Kings 8:43

ma ga motoyil ko meybil rok. Mu telim ngak u tharmiy ni tafnam, ma ga rin’ e tin ke wenignag ngom ni ngam rin’, ya nge urngin e girdi’ ko pi nam nu fayleng miyad nangem mu ur pired ni bay madgum u wun’rad ni bod rogon e tirom e girdi’. Miyad nang ni re Tempel ney ni kug toy e irera’ e gin ni ngu’un liyor ngom riy.

2 Kronicles 6:33

ma ga motoyil ko meybil rorad. U tharmiy ko gin ga ma par riy, e ngam motoyil riy ngorad ma ga pi’ ngorad e n’en ni yad be ning ngom’, ya nge yag ni nangem urngin e girdi’ nu fayleng ngar folgad rom, ni bod rogon ni be rin’ e girdi’ rom nu Israel. Ma aram e yad ra nang nre Tempel ney ni ku gu toy e irera’ e gin ngu’un liyor ngom riy.

BABYOR NI JOB 1:1

Immoy be’ nib mo’on ni Job fithingan, ni i par ko nam nu Uz. I par ni be liyor ngak Got ma ba yul’yul’ ngak. I par ni ir be’ nib manigil ma be ayuw ni nge dabi rin’ ban’en nib kireb.

BABYOR NI JOB 1:5

Nap’an ni yad ra mu’u reb e mur me reb e rran riy nri kab kadbul me od Job nge li’ e gamanman nge pi’ ni maligach ngak Got ni fan e nge n’ag Got fan e denen rok pifak ngar machalboggad. Gubin yay ni i rin’ ni aray rogon, ya be leamnag nrichey ma ke denen bagayad ni gomanga keyog bbugithin nib tagan ngak Got, ni gathi ri aram rogon ni leamnag.

Psalms 102:15

Bayi rus e pi nam ngak SOMOL; gubin e pilung nu fayleng e bay rrusgad nga gelngin.

Psalms 119:2

Nge falan’ e pi’in yad ma folwok ko tin keyog, ni pi’in yad ma fol rok u polo’ i lanin’rad.

Psalms 25:5

Mfil ngog ngu’ug par ni gu ba yal’uw ko thin rom; ya gur e Got rog, ni ga ma aywegeg. Pagan’ug ngom ni gubin ngiyal’.

Psalms 41:1

Nge falan’ e pi’in ma magfan’rad ko pi’in gafgow; ya SOMOL e ra aywegrad ko ngiyal’ nike yib e oloboch ngorad.

Psalms 55:17

Kadbul, misiw’, nge nep’ gun’gun’ rog nge gel’gel’ e be yan ngak ngalang, mra rung’ag lungug.

Psalms 86:3

Mu runguyeg, ya gur e Got rog; gu be meybil ngom nib polo’ e rran.

Psalms 88:1

SOMOL ni Got, ni ta’ayuw rog, gu be yor ngalang ni polo’ e rran, me nep’ mu gub nga p’eowchem.

Eklesiastes 7:18

Ngam pilo’ riy ni l’agruw. Fa’anra bay madgun SOMOL rom, ma dabisiy nra fel’ rogom.

Isaiah 59:19

Fanangmus ko ngak nge mada’ ko ngal ni gubin e girdi’ riy ni bayi rus ngak nga feni gel gelngin. Bay yib ni bod ba lul’ ni be gireng e ran riy, ma bod bang i nifeng nib almarin.

Daniel 6:10

Fa’ani nang Daniel ni kan sayin ko fare gi babyor, me yan nga tabinaw. Ma bay ba senggil ko thal ni lang ko naun rok nib sap e winda riy nga Jerusalem. Bod ni ku ma rin’ ni gubin e rran, ma garbug nga but’ u langan e winda rok nib mab nge meybil ngak Got ni dalip yay u reb e rran.

Daniel 6:16

Me pi’ fare pilung e thin ni nga ni fek Daniel nganin’ ngalan fare low ni tafen e layon. Me ga’ar ngak Daniel, “Fare Got rom ni ir e ri ga be pigpig ngak u fithik’ e yul’yul’, e ir e nge ayuwegnem.”

Daniel 6:20

Ma fa’ani chugur ngay, me tolul u fithik’ e magafan’ ni ga’ar, “Daniel, ni tapigpig rok fare Got ni be par nib fos! Mog, ke yag rok fare Got nri ga ma pigpig ngak u fithik’ e yul’yul’ ni nge ayuwegnem rok fapi layon?”

Daniel 6:26

Gu be yog ni ga’ngin e gin gu ma gagiyegnag e nge par gubin e girdi’ riy ni bay madgun fare Got rok Daniel u wun’rad ma ngu’ur liyorgad ngak: “I ir ba Got ni be par nib fos ma bayi gagiyeg ni dariy n’umngin nap’an. Ma gagiyeg rok e dariy e n’en nra rin’ me yag nni kirebnag, ma gelngin e dariy e n’en nra rin’ me mus.

Matthew 25:17

Ma ku aram rogon e n’en ni rin’ fare tapigpig ni fa’ani pi’ l’agruw biyu’ e salpiy ni wasey ngak ni ki yagnag reb e l’agruw biyu’ riy.

Luke 18:1

Ma aram me yog Jesus ngorad e re fanathin ni ba’aray ni be fil ngorad ni gubin ngiyal’ ma ngu’ur meybilgad ma ri dabi ngochngochan’rad.

Luke 2:25

Ma aram e immoy be’ nib mo’on ni be par u lan yu Jerusalem ni Simeon fithingan; ni ir be’ ni bfel’ ni bay madgun Got u wan’, ni be sonnag yu Israel ni ngan chuwegrad ko gafgow ni yibe tay ngorad. Ma bay fare Kan Nthothup rok,

Acts 10:22

Me lungurad, “I kapten Kornelius e ke l’oegmad. I ir be’ ni bfel’ nma meybil ngak Got mma tay urngin e girdi’ nu Israel fan. Keyog ba engel rok Got ngak ni nge non ngom ngam man nga tabinaw rok, nge yag ni rung’ag e tin bay ni ngamog ngak.”

Acts 10:31

me ga’ar, Kornelius! Ke rung’ag Got e meybil rom, ma manang e maruwel ni kam tay ni ga be ayuweg e pi’in gafgow.

Acts 10:35

En ni bay madgun Got u wan’ ma be rin’ e tin nib mat’aw e ra i par ni bfel’ u wan’ Got ndemturug ko be’ u kun nam.

Acts 10:4

Me lik’ath ngak fare engel nike tamdag me ga’ar, “Be mang?” Me fulweg fare engel ni ga’ar, “Got e bfel’ u wan’ e meybil rom nge maruwel ni kam tay ni ga be ayuweg e pi’in gafgow, ma be leam nigem.

Acts 10:7

Ma aram me yan fare engel ni yib i non ngak, me pining Kornelius l’agruw i tapigpig rok nge ba salthaw, ni be’ nma liyor ngak Got u wan’ ni ir bagayad fa pi’in yad ma pigpig ngak Kornelius.

Acts 11:14

Ya ir e bayi weliy boch e thin ngom ni aram e re thin ni bayi thapegem ngak Got nge urngin e girdi’ nu tabinaw rom.’

Acts 13:16

Me sak’iy Paul ngalang, me non nga pa’ me tabab ko welthin ni ga’ar, “Gimed e pi’in gadad piyu Israel nge urngin e pi’in gathi yad piyu Israel ni bay u roy ni yad ma meybil ngak Got: Mu telmed ngog!

Acts 13:26

“Pi walageg, ni gimed owchen Abraham, nge gimed urngin e pi’in gathi gimed piyu Israel ni gimed bay u roy ni gimed ma meybil ngak Got: re thin rok Got ney ni murung’agen rogon min thap ngak Got e gadad e kan pi’ ke yib ngodad!

Acts 13:50

Machane me pingeg piyu Israel laniyan’ e pumo’on ni be tay murung’agen e re binaw nem nge pi’in ni ppin ni tolang ni gathi yad piyu Israel ma yad ma meybil ngak Got, ngar tababgad i gafgownag Paul nge Barnabas, miyad therbegrow ko nug rorad.

Acts 18:8

Mi Krispus, ni ir e ma yog e thin u lan tafen e mu’ulung, e mich Somol u wan’, ni ir nge urngin e girdi’ u tabinaw rok; ma bo’or e girdi’ u lan yu Korinth ni rung’ag e re thin nem ni murung’agen Jesus, me mich Jesus u wun’rad min tawfe nagrad.

Acts 2:5

Ma bay boch piyu Israel ni yad be par u Jerusalem e ngiyal’nem, ni pumo’on ni yad ma tiyan’rad ko Motochiyel ni karbad u urngin e nam nu fayleng ngaram.

Acts 22:12

“Ma bay be’ nib mo’on u rom ni Ananias fithingan, ni be’ nma liyor ngak Got mma fol ko Motochiyel rodad, ma urngin piyu Israel ni yad ma par u lan yu Damaskus ni yad ma tayfan.

Acts 8:2

Ma boch e girdi’ ni yad ba yul’yul’ ngak Got e ra k’eyged Stefen ni yad be dololoy’nag.

Acts 9:11

Me ga’ar Somol ngak, “Mu fal’eg rogom ngam man ko fare pa’ i kanawo’ ni Kanawo’ nib Kiy fithingan, ma ga yan ko naun rok Judas ngam fith murung’agen be’ nib mo’on ni yib u Tarsus ni Saul fithingan. Ya be meybil,

Acts 9:31

Ma aram mfini pir’eg girdi’en e galesiya e gapas u lan yu Judea ni ga’ngin ngu Galile ngu Samaria. Me ayuweg fare Kan Nthothup girdi’en fare galesiya nge yib gelngirad ma yad be yo’or i yan, nu ur pired ni yad be rin’ e tin nib m’agan’ Somol ngay ma yad be tayfan.

Acts 9:36

Ma bay be’ ni bpin u Joppa ni Tabitha fithingan, ni be’ nib mich Jesus u wan’. (Mi Dorkas fithingan ko thin ni Greek, ni fan e re ngachal nem e ba gamanman ni dir.) Ma par ni tin ni bfel’ e be rin’ ma be ayuweg e pi’in gafgow.

Kolose 4:2

Dab mpaged e meybil, mu tiyan’med ko ngiyal’ ni gimed be meybil riy, ma gimed be pining e magaer ngak Got.

1 Thessalonika 5:17

mu um meybilgad ni gubin ngiyal’,

James 1:5

Machane fa’anra dariy e gonop rok bigimed, ma nge wenignag ngak Got, ye ir e ra pi’ ngak; yi Got e ba gol ngak urngin e girdi’.

Joshua 24:15

Fa’anra der magan’med ngay ni ngam pigpiggad ngak SOMOL, me ere mu duwgiliyed e daba’ e re got ni ngu’um pigpiggad ngak, ko pi got ni i pigpig pi chitamangimed ngorad u lan e nam nu Mesopotamia, ara pi got rok e pi Amorite, ni nam rorad e gimed be par riy e chiney. Machane gag nge girdi’ ko birog e tabinaw e ngu’ug pigpiggad ngak SOMOL.”

Revelation 15:4

Somol, i mini’ e dabi yib madgum ngak? Mini’ e en nra siyeg ni nge dabi weliy murung’agem nib sorom? Ya kemus ni go’ gur e gab thothup. Ya urngin e nam ni bay rabad ngar ted fam miyad siro’ ngom u p’eowchem, ya ngongol rom nib mat’aw e urngin e girdi’ ni kar guyed.”