Acts 1:26 - Bible Ni Thothup

²⁶ Tomuren e biney miyad girengiy nochi yang i ban’en ni bay e pow riy ni ir e nge duwgiliy bagayow fa gali ngachal. Ma re ngachal ni yan i muturug e Matthias, ma aram min uneg ko fare ragag nge ta’reb i apostel.

Acts 1:26 Iomraidhean Croise

1 Kronicles 24:5

Ma bochan ni bay e pi tolang u Tempel nge prist u fithik’ e pi’in owchen Eleazar nge Ithamar, min yarmiy ni nge fel’ rogon e maruwel ni rogon ni duwgil ko pow nni girengiy.

Nehemiah 10:34

Gamad e girdi’ ni prist nge Levite e gubin e duw ni bay gu yon’ed yochi malang nga but’ ni nge duwgil e re ke girdi’ ni nge pi’ e l’ud ni ngan urufiy fapi maligach ngay ni yibe pi’ ngak SOMOL ni Got rodad, ni rogon ni bay ko Motochiyel nthingar nrin’.

Nehemiah 11:1

Pi tayugang’ e ra pired u Jerusalem, ma tin kabay e girdi’ e ra girngiyed e pow ni nge duwgil reb e tabnaw u fithik’ yu ragag e tabnaw ni nge yan i par ngalan fare binaw nib thothup nu Jerusalem, me par e tin kabay u lan e yug binaw nge yochi binaw.

Proverbs 16:22

Gonop e ba athang’el ko yafos ngak e pi’in bay rorad, machane pi’in balyang e balyang rorad e ma girengiy e gechig nga dakenrad.

Proverbs 16:33

Girdi’ e yad ma girengiy e pow ni ngar nanged ko mang e bm’agan’ Got ngay, machane Got e ir e ma duwgiliy e fulweg riy.

Levitikus 16:8

U rom e nge girengiy e pow u l’agruw i malang, ni reb e bay e pow riy ni “fen SOMOL” ma reb e “fen Azazel.”

Jonah 1:7

Me ga’ar fapi sala, “Ngad girngiyed e pow ngad nanged e cha’ ni nga don’ed e kireb nga daken ko re riya’ ney ni keb ngodad.” Miyad rin’ ni aram rogon, me yan i m’ug ni Jonah.

Mark 6:30

Me sul fapi apostel ngak Jesus, miyad yog ngak e tin ni kar rin’ed nge tin ni kar machib niged ngak e girdi’.

Acts 1:23

Ma aram miyad yog l’agruw i pumo’on, ni aram Josef, ni yima pining Barsabbas ngak (ma ku yima pining Justus ngak), nge Matthias.

Acts 13:19

Me therbeg Got girdi’en medlip e nam ni immoy u daken e nam nu Kanaan, me fek e tirok’ e girdi’ nge tayrad ngay nge mang yad e mil suwon e gi nam nem ngorad.

Acts 2:14

Me sak’iy Peter ngalang nge fa ragag nge ta’reb i apostel, me tabab i welthin ngak fapi girdi’ ni aram urngin ni ba ga’ laman ni be ga’ar; “Gimed piyu Israel, nge gimed urngin e girdi’ ni gimed be par u lan yu Jerusalem, mmotoyilgad ngog mi gimed tedan’med ko tin ni nggu weliy.

Joshua 14:2

Ni bod rogon ni yog SOMOL ngak Moses, ni duwgil ko pow nni girengiy nge gagyelnag e yungin ni nge milfan ngak fa mereb nge balay e ganong u ba’ ni ngal e Jordan.

Joshua 18:10

I Joshua e girengiy e pow ni fan ngorad u lan yu Shiloh u p’eowchen SOMOL, ma tin kabay e ganong nu Israel e ra reb me pi’ bang e binaw u lan fare nam ngak.

Revelation 21:14

Ma fare yoror ko re binaw nem e ni ubung nga daken ragag nge l’agruw i malang, ni ir e kan yoloy fithingan fa ragag nge l’agruw i apostel rok fare Fak e Saf ngay.