Acts 1:14 - Bible Ni Thothup

¹⁴ Miyad ngongliy reb e ulung ngu’ur meybilgad ni yad e pi’in ni ppin, nge Maria ni chitiningin Jesus, nge pi pumo’on ni walagen Jesus.

Acts 1:14 Iomraidhean Croise

Matthew 12:46

Ka be non Jesus ngak fapi girdi’ me taw e chitiningin nge pi walagen. Miyad sak’iy u wuru’ e naun, miyad yog ni yad ba’adag ni ngar nonod Jesus.

Matthew 21:22

Fa’anra bmich Got u wun’med ma demturug e n’en ni gimed ra ning ngak ko meybil romed mrayag ngomed.”

Matthew 27:55

Ma immoy bogi ppin ni pire’, ni yad be changar u orel ngaram nra uned ngak Jesus u Galile ngu’ur ayuweged.

Mark 15:40

Ma ku errogon bogi ppin ni ur moyed u rom ni yad be changar u orel ngaram, ni bay Salome nge Maria Magdalene, nge Maria ni chitiningin e bin bitir e James, nge Joses u fithik’rad,

Mark 16:1

Ma nap’an ni m’ay e Sabbath me chuw’iy Maria Magdalene nge Salome, nge Maria ni chitiningin James e florida, ni ngranod ra liyfed nga downgin Jesus.

Luke 11:13

Yugu ireyer fanmed kireb, ma gimed manang rogon ni ngam pi’ed e tin ni bfel’ ban’en ngak pifakmed. Ere en ni Chitamangiy ni bay u tharmiy e ri ra pi’ fare Kan Nthothup ngak e pi’in yad ra ning ngak!”

Luke 18:1

Ma aram me yog Jesus ngorad e re fanathin ni ba’aray ni be fil ngorad ni gubin ngiyal’ ma ngu’ur meybilgad ma ri dabi ngochngochan’rad.

Luke 23:49

Ma urngin e pi’in nri yad manang Jesus, nib mu’un fapi ppin ngay nra uned ngak u Galile e ra sak’iygad u orel ngu’ur guyed e pin’ey.

Luke 23:55

Ma fapi ppin nra uned ngak Jesus u Galile e ra uned ngak Josef ngar guyed fare low nge rogon nni yan ni tay Jesus ngalan.

Luke 24:10

Ma pi ppin nem e Maria Magdalene, nge Joanna, nge Maria ni chitiningin James; ni yad nge ku boch e ppin ni un ngorad e ra weliyed e pin’ey ngak fapi apostel.

Luke 24:33

Ka chingiyal’ nem miyow sak’iy ngar sulow nga Jerusalem, miyow pir’eg fa ragag nge ta’reb pi gachalpen Jesus ni kar mu’ulunggad yugu boch i gachalpen

Luke 24:53

mu ur pired u lan e Tempel ni yad be pining e magaer ngak Got.

Luke 8:20

Ma aram me ga’ar be’ ngak Jesus, “Ba sak’iy e chitinam nge pi walagem ni pumo’on u wean ni yad be guyem.”

Acts 2:1

Ma fa’ani taw ko chirofen ni Pentekost, me mu’ulung urngin e pi’in nib mich Jesus u wun’rad nga ta’bang.

Acts 2:42

Ma ur pired ni be machib nagrad e pi apostel, ma yad be par nike ta’reban’rad, ma yad be abich ma yad be meybil u ta’bang.

Acts 2:46

Gubin e rran ni ur mu’ulunggad ngalan e Tempel, ma yad be abich u ta’bang u tabinaw rorad i yan, ni yad be kay e ggan ni bay rorad u fithik’ e felfelan’ ngu fithik’ e sobut’an’,

Acts 6:4

Ma gamad par nggu yunuyed e meybil nge maruwel ko machib.”

Roma 12:12

Mpired ni be l’agan’med ngak Got nge mang ir e i tay med ni gimed ba felfelan’, mu um pired nib gum’an’med u fithik’ e tin be yib ngomed ni gimed be gafgow riy, mu um meybilgad ni gubin ngiyal’.

1 Korinth 14:13

En nma welthin nthin ndawor ni rung’ag ma da nnang fan e thangri meybil ngan pi’ ngak gelngin ni nge yag ni weliy fan e n’en ni be yog.

Efesus 6:18

Mu rin’ed urngin e pin’ey u fithik’ e meybil, ngu’um weniggad ngak Got nge ayuwegmed. Gubin ngiyal’ ni ngu’um meybilgad nrogon ni be pateg fare Kan Nthothup nga lanin’med. Ireray fan ni ngar mu tedan’med ma dab mpaged gimed; gubin ngiyal’ ni ngu’um yibiliyed urngin e girdi’ rok Got.

Kolose 4:2

Dab mpaged e meybil, mu tiyan’med ko ngiyal’ ni gimed be meybil riy, ma gimed be pining e magaer ngak Got.