1 Samuel 26:12 - Bible Ni Thothup

¹² Ma aram me fek David fare sarey nge fare tafen e ran u charen lolugen Saul, mranow Abishai. Dariy be’ ni guy fa nang e n’en ke buch ma ku dariy be’ ni od — yad gubin ni go’ yad bmol, ni bochan e SOMOL e ke k’aring bang i chuchuw ngorad nib gel.

1 Samuel 26:12 Iomraidhean Croise

Genesis 15:12

Ma nap’an ni be yan ni nge aw e yal’, me mol Abram, me yib e tamdag ngak nib gel.

Genesis 2:21

Me gagiyegnag SOMOL ni Got fare mo’on ngari mol, ma nap’an ni be mol me fek reb e yumiyaw rok fare mo’on me ning e ufin ngay.

Ester 6:1

Re nep’ nem e deyag ni mol e en ni pilung, me yog ni ngan fek babyoren e re nam nem ngan be’eg ngak.

Isaiah 29:10

I SOMOL e ke k’ar chuchuw ngom, ni be n’en ni ngam mol ni dabki od oram. Fapi profet e ngar manged owchen e girdi’, machane Got e ke ning owchrad.

1 Samuel 24:4

Me lungurad ngak David, “Irera’ e ngiyal’ ni ngam og ngak! Ya keyog SOMOL ngom ni bayi pi’ e to’ogor rom ngalan pa’am ngam rin’ e tin ni ga ba’adag ngak.” Me pach David i yan nge th’ab bang ko fare mad rok Saul nib n’uw nde nang Saul.

1 Samuel 26:13

Ma aram me th’ab David riy nga barba’ fare loway nge yan nga daken fare burey, nike palog boch,

1 Samuel 26:7

Aram e re nep’ ni yan David nge Abishai ngalan e gin kanpag fapi tent ko pi salthaw rok Saul riy miyow pir’eg Saul ni be mol u lukngun fapi tent ni bay e sarey rok u charen lolgen nib rog nga but’. Ma be mol Abner nge fare ulung i salthaw ni kar liyeged Saul.