1 Samuel 19:1 - Bible Ni Thothup

¹ Me weliy Saul ngak Jonathan ni fak nge urngin e pi tolang ko salthaw rok nike m’ay i leamnag rok ni nge li’ David. Machane Jonathan e rib t’uf David,

1 Samuel 19:1 Iomraidhean Croise

Genesis 37:18

Fa’anra guyed nga orel ndawori chugur ngorad, miyad t’ar liybean ngar turguyed ni ngar li’ed ngem’,

2 Samuel 4:8

Mranow ra dagew fare llug ngak David ni Pilung nu Hebron me lungurow ngak, “Ba’aray lolugen Ishbosheth, ni fare mo’on ni fak e en ni to’ogor rom i Saul, ni i guy rogon ni nge li’em nga mum’. Daba’ e ke pagem SOMOL i gur Pilung ni ngam fulweg taban e kireb rok Saul nge pi’in owchen.”

1 Samuel 18:1

Tomuren nike mu’ Saul nge David ko welthin, ma ri adag Jonathan ni fak Saul daken David nge yan i par ni kari t’uf rok ni bod rogon feni t’uf rok ir.

1 Samuel 18:25

me yog Saul ngorad ni nge lungurad ngak David, “N’en ni be finey e en ni pilung ni ngam pi’ ngak ni puluwon e chi pin ni fak nem ni ngam leay e ra’ay yang i biyach u dal’ ra’ay i Filistine ni kam li’rad, ni aram e ke fulweg ngak e pi to’ogor rok taban e kireb ni kar ngongliyed ngak.” (Aray rogon kanawo’en ni leamnag Saul ni nge li’ e pi Filistine David.)

1 Samuel 18:3

Me m’ag Jonathan e fager ngak David ni ngar pirew ndariy e rofen ni nge kireb thilrow, ni bochan e rib t’uf David rok.

1 Samuel 18:8

Me dabuy Saul e ren’em, me par ni kari damumuw. Me ga’ar, “Yad be yog ni David e ke li’ yu ragag i biyu’, mi gag e kemus ni yu biyu’. Ere n’en ni kabay ni nge rin’ David e nge mang pilung.”

1 Samuel 18:9

Me par ni kari awan’ ngak David e rofen nem i yan nga m’on.

1 Samuel 19:2

ma aram me cheal nge weliy ngak David ni ga’ar, “Chitamag e be guy rogon ni nge thang e pogofan rom. Ere wenig ngom, mu ayuw gabul ni kadbul; mu guy rogon ngam man mmith ngabang ma ga par riy.

1 Samuel 20:1

Me mil David u Nayoth ni bay u lan yu Ramah, nge yan ngak Jonathan nge yan i ga’ar ngak, “Ba mang e kug rin’? Ba mang e ren’en nib kireb ni kug ngongliy? Mang e kug bucheg rok e chitamam ni er fan nike leamnag ni nge li’eg nggum’?”

1 Samuel 20:19

Ma ra langilath ma aram e kari nnang nda mmoy; ere mman ko fa gin’en ni mman mmith ngay fa yanem, ma ga mith nga fon fare ulung i malang ni bay u rom.