1 Samuel 16:16 - Bible Ni Thothup

¹⁶ Ere mog ngomad nggu warod gu gayed be’ ni manang rogon i chubeg e harp. Ma nap’an nra yib i ying e re kan nem nib kireb ngom ma rayag ni nge chubeg e re mo’on nem e harp rok ma ga sul nga rogom bayay.”

1 Samuel 16:16 Iomraidhean Croise

Genesis 41:46

Guyey e duw yangren Josef ko ngiyal’ ni ba’aram ni pigpig ngak Farao, ni pilung nu Egypt. I milekag Josef u lan e nam nu Egypt i yan.

1 Kings 10:8

Rib fel’ wa’athan e pi le’engim, ma rib fel’ wa’athan e pi tapigpig rom ni gubin ngiyal’ ni yad be par rom ngu’ur rung’aged e thin rom nib gonop!

2 Kings 3:15

Mu pi’ ba girdi’en e musik ngog e chiney.” Nap’an ni be chubeg fare girdi’en e music e harp rok, me yib gelngin SOMOL nga daken Elisa,

1 Samuel 10:5

Ma aram e ngam man ko fare burey rok Got ni bay u lan yu Gibeah, ko gin be par e Filistine riy. Ma bay mmada’nag ba ulung i profet u langan e garog ko binaw ni karbad ko fare altar u daken e burey, ni bay girdi’en e musik nga m’on rorad ni yad be chubeg tatelin e musik ni harp, nge drum, nge ngal, nge lyre. Ma yad be churu’ ma yad be tolul.

1 Samuel 16:14

Fare gelngin SOMOL e chuw rok Saul, me pi’ SOMOL ba kan nib kireb nge yib i ying ngak Saul ngi i gafgownag.

1 Samuel 16:15

Me ga’ar e tapigpig rok ngak, “Kug nanged nike pi’ SOMOL ba kan nib kireb ke ying ngom be gafgow nigem.

1 Samuel 16:17

Me ga’ar Saul ngorad, “Mu gayed be’ nib mo’on ni ba salap i chubeg e harp ngam feked i yib ngog.”

1 Samuel 18:10

Ma reb e rran riy me gagiyegnag Got ba kan nib kireb nge yib i ying ngak Saul, ngi i tolul u lan e naun rok ni bod be’ nike aliliy. Me chubeg David tatelin e musik rok ni harp, ni bod nma rin’ ni gubin e rran, ma bay ba sarey u pa’ Saul.

1 Samuel 19:9

Me reb e rran me gagiyegnag SOMOL ba kan nib kireb nge yibi ying ngak Saul. Ma bay Saul nike par nga but’ u lan e naun rok ni bay e sarey rok u pa’, ma bay David u rom ni be musik ko harp rok.