1 Samuel 15:6 - Bible Ni Thothup

⁶ Me pi’ e thin nge yan ko pi Kenite ni ga’ar, “Mu chuwgad rok e pi Amalek nir nge dab mu’ned ngorad ko yam’. Ya um golgad ngak piyu Israel ko fa ngiyal’nem nra chuwgad u Egypt.” Ma aram me chuw e pi Kenite u fithik’ e pi Amalek.

1 Samuel 15:6 Iomraidhean Croise

Genesis 15:19

nib mu’un e yungi binaw ni tafen fapi girdi’ ni kanog e Kenite ngorad, nge Kenizzite, nge Kadmonite,

Genesis 18:25

Rib mudugil ndab mu chagiy e pi’in ndawor ra ngongliyed e kireb ko pi’in yad ba kireb ngam thangefan rorad. Dabiyag! Dabiyag ni ngam rin’ ni er rogon. Ya ra yodor, me ere bay ni gechignag e pi’in ndawor ra ngongliyed e kireb nta’reb rogon ngak e pi’in kar ngongliyed e kireb. Dabiyag ni nge yodor. Tapufthin ko fayleng ni polo’ e ma ngongol nib yal’uw.”

1 Kronicles 2:55

(Yuke girdi’ ni ba’aray ni yad ba salap ko yol nge rogon i yoloy ya’an ban’en ni ur pired u lan yu Jabez: ni aram pi Tirath, Shimeath, nge Sukath. Yad e pi Kenite ni ur mabgolgad ko pi Rekabite.)

Exodus 18:19

Are chiney e nggu pi’ boch e fanow ni bfel’ ngom, me Got e ngi i par rom. Bmat’aw ni ngu’um man ni owchen e girdi’ nga p’eowchen Got, ma ga fek e tin yad ma lu’ag e thin riy i yan ngak.

Proverbs 9:6

Mu chuw u fithik’ e pi girdi’ nir ni gelan’, ma ga par ni dab mum’. Mu lek kanawo’en e llowan’.”

Numbers 16:34

Ma urngin e girdi’ nu Israel ni urmed u rom e ra milgad nnap’an nrung’aged lungun fapi girdi’ nra yorgad. Me tolul piyu Israel ni be lungurad, “Da milgad! Ya richey miki ful’dad e but’!”

Acts 2:40

Me wenig Peter ngorad ma bo’or yu bugithin ni yog ngorad ni be tay ir ngorad ni be ga’ar, “Mu lufed gimed ko gechig ni bay yib ngak e girdi’ nib kireb ko biney e mfen!”

2 Korinth 6:17

Me ere yog Somol ni ga’ar: Thingar mu chuwgad rorad, ngam pithiged gimed rorad. Ma dariy ban’en ni ngu’um rin’ed ko n’en nib alit, ma aram e gimed ra yib ngog.

2 Timothy 1:16

Nge runguy Somol girdi’en e tabinaw ku Onesiforus, ya bo’or yay nike pi’ e athamgil nga lanin’ug. Der tamra’ ngay ni gu bay u kalbus,

Revelation 18:14

Me ga’ar e pi’in nma folchuway’ ngak, “Urngin e pin’en ni bfel’ ni umum’ ni bochan ni nge yag ngom e ke yan nga bayang, ma urngin e fla’ab rom nge rama’em ni be galgal e dakuriy, ndab kum pir’eg bayay!”

Judges 1:16

Pi’in owchen e chitamngin e bpin rok Moses, ni aram e piyu Keni, e ra uned ngak e girdi’ rok Judah u Jeriko, ni fare binaw ko gek’iy ni palm, ngranod nga daken bangi ted ni bay ko yimuch u Arad u lan yu Judah. Miyad par u rom u fithik’ e piyu Amalek.

Judges 4:11

Ma ke n’uf Heber ni be’ nu Keni e tent rok nib chugur nga Kedesh, ma ba chugur ko fare ke gek’iy ni oak ni bay u Zaanannim, nike chuw u fithik’ e tin kabay e girdi’ nu Keni, ni yad e pi’in owchen Hobab, nib mo’on ni walagen le’engin Moses.

Judges 5:24

Re pin nth’abi fel’ wa’athan e Jael, ni le’engin Heber ni be’ nu Keni, ni ir e re pin nth’abi fel’ wa’athan u fithik’ e ppin ni yad ma par u lan e pi tent.

1 Samuel 15:5

Ma aram miyad yan e salthaw rok ko fare binaw nu Amalek ngranod ra mithgad ngalan ba lul’ nike m’ay e ran riy ni ngar oggad ko pi Amalek.

1 Samuel 27:10

ni ir e rayag ni fith ngak ni nge ga’ar, “Bu uw e gin mman ngay ko cham e yaney?” Ma aram e ra yog David ngak nike yan nga ley ni yimuch yu Judah fa gin nib milsuwon ko fare ke girdi’ rok Jerahmeel fa gin nma par e pi Kenite riy.

1 Samuel 30:29

ngu Rakal; nge ngak fare ke girdi’ rok Jerahmeel, nge ngak e pi Kenite,