1 Peter 3:6 - Bible Ni Thothup

⁶ I Sarah e aram rogon; i fol rok Abraham mi i pining Sarah Abraham ni ga’ar “Masta rog.” Gimed e chiney e kam manged bogi ppin ni pifak ni fa’anra um rin’ed e tin ni bfel’ ma damur tamdaggad nga ban’en.

1 Peter 3:6 Iomraidhean Croise

Genesis 18:12

Me minmin Sarah rok nike ga’ar u wan’, “Chiney e kari gu pilibthir ndabkiyag ni gu diyennag e bitir, gur ngku gu pirew e pumo’on rog ni bod ni ku gub rugod? — ya ku er rogon ni figirngig e ke pilibthir.”

Genesis 18:15

Me ga’ar Sarah, “Da gu minmin.” I mithag ni bochan e ke tamdag. Me fulweg SOMOL ni ga’ar, “Kam minmin.”

Psalms 45:11

Fare pilung e ra yim’ ni bochan fanam pidorang; i ir e masta rom, ere thingar um fol rok.

Isaiah 57:11

I SOMOL e ga’ar, “Mini’ e tiney e got nike k’aring e marus ngomed, ni gimed be ban nigeg ma kug chuw u lanin’med? Fan ni dakmur liyorgad ngog e bochan e ke n’uw nap’an ni kug th’ab gulngag?

Acts 4:19

Machane me fulweg Peter nge John ngorad ni lungurow, “Gimed e ngam turguyed ko bin ngan e bmat’aw u p’eowchen Got, ko ngan fol romed ara ngan fol rok Got.

Judges 19:26

Be tatamilang me yib fare bpin i aw nga but’ u taga’ mab rok fare pilibthir, ko gin bay e pumo’on rok riy. I fel’ fine tamilang ma kabay fare pin u rom.