1 Peter 2:8 - Bible Ni Thothup

⁸ Ma ku bayang e babyor nib thothup e be ga’ar, “Ireray fare malang ni bayi tun ay e girdi’ ngay, ni fare war ni bayi dol’ nagrad.” Kar dol’gad ni bochan e de michan’rad ko thin rok Got; aram e tin ke leamnag Got ngorad.

1 Peter 2:8 Iomraidhean Croise

BABYOR NI JOB 23:14

Ra tay nga tagil’ e tin ni tanomnag ni fan ngog; re tanom nem e ri ta’reb u fithik’ yooren e pi tanom rok;

Exodus 9:16

Ma bochan gelngig ni ngam guy aram fan ni kug pagem ndab mum’, ya nge wear buguwag nga urngin yang u fayleng.

Isaiah 37:26

“Amog, dawor mu rung’ag ni gag e gu tanomnag gubin e pin’ey ni kab kakrom? Ma gag e gu gagiyegnag ni nge yodro’ e chiney. I gag e gu pi’ gelngim ni ngam gathay e pi binaw ni kan yororiy ni fan ko mael.

Isaiah 57:14

I SOMOL e ga’ar, “Ngan pag e girdi’ rog nge sul ngog. Ngan chuweg urngin e tin be dubchey u kanawo’ rorad! Ngan fal’eg e kanawo’ ngan felfal’eg rogon nge par!

Isaiah 8:14

Bochan e ri gu ba thothup ma aram fan ni gu bod ba malang ni nge tun ay e girdi’ ngay; gu bod ba wup ni bayi aw e girdi’ nu Judah ngu Israel ngay nge girdi’ nu Jerusalem.

Luke 2:34

Me yibiliyrow Simeon ngak Got me ga’ar ngak Maria, ni chitiningin fachi tir, “Re tir ney e Got e ke duwgiliy ni ir e bo’or e girdi’ nu Israel ni nge mul ni bochan, ma bo’or e nge thap ngak Got; me ir e bayi mang ba pow ni yib rok Got ni bo’or e girdi’ ni bayi non nib togopluw ngay,

Roma 9:22

Ere ta’reb rogon e ren’ey ko n’en nike rin’ Got. Be finey ni nge dag e damumuw rok ya nge dag gelngin ngan guy. Ere rib gumaen’ ni be k’adan’ rok e pi’in yad be k’ar damumuw ngak ni bay tapgin ni nge kirebnagrad.

1 Korinth 1:23

Ma gadad e gadad be weliy murung’agen Kristus nni kuruthnag, ni bbugithin ndabun piyu Israel ma thin ko balyang u wan’ e pi’in gathi yad piyu Israel;

2 Korinth 2:16

Ma rogon u wan’ e pi’in kar maloggad e bon ban’en nra nim’ ngay; ma rogon u wan’ e pi’in kar thapgad ngak Got e bon ban’en nra yagnag e yafos. Ere mini’ e rayag rok e mit ney e maruwel?

Galatia 5:11

Pi walageg ni gimed girdi’en Kristus, mangfan ni kayi be gafgow nigeg ni fa’an manga ku gu be machibnag ndabisiy ni ngan maad’adnag e pi’in pumo’on? Fa’an mang e ba riyul’ e re bugithin ney, me ere machib ni gu be tay ni murung’agen e kuruth rok Kristus e dabi kirebnag laniyan’ boch e girdi’.

1 Thessalonika 5:9

Ya Got e de turguydad ni ngad gafgowgad ko damumuw rok, ya ngad thapgad ngak u daken e Somol rodad i Jesus Kristus,

1 Peter 2:6

Ya babyor nib thothup e be ga’ar: “Kug mel’eg ba malang nri ba ga’ fan, ni ir e kug tay ni ir e re malang ni ba ga’ fan u Zion; ni en nra michan’ ngak e ri dabi kireban’.”

1 Peter 2:7

Re malang ney e ba ga’ fan ngomed e pi’in ke mich u wun’med; machane pi’in ndawori mich u wun’rad e ku errogon ni be yog e babyor nib thothup ni be ga’ar: “Fare malang ni dabun e pi’in yad ma toy e naun ya ra fineyed ndariyfan e yan i aw ni aram e re malang ni ir e ba th’abi ga’ fan.”

2 Peter 2:3

Pi tamchib nem ni go’ bogi ban’en e yad ba chogow ni salpiy, ma bay yo’or e salpiy rorad ni puluwrad ko machib ni yad be yog ngomed, ni machib ni yad e sum rorad. Machane En ni nge pufthin nagrad e ke fal’eg rogon ke par, ma En ni nge kireb nagrad e be par ni be od!

Jude 1:4

Ya boch e girdi’ ndariyfan Got u wun’rad e karbad ra maathukgad nga fithik’dad ndad nanged, kar pingeged e thin rok Got ngabang, ni murung’agen e runguy rok, ya nge yib e tawey rorad ko ngonglen e darngal ni yad be rin’, ma kar n’iged Jesus Kristus, nike mus ni ir e Masta nge Somol rodad. Kab kakrom me weliy e babyor nib thothup murung’agen e re gechig ney ni kar girngiyed nga dakenrad.