1 Peter 1:23 - Bible Ni Thothup

²³ Ya thin rok Got ni bay e yafos riy ma dabi m’ay bi’id e ke pingegmed kan gargelegmed bayay kam manged pifak reb e matam ni dabi yim’ bi’id;

1 Peter 1:23 Iomraidhean Croise

Jeremiah 23:28

Ra lik’ay reb e profet ma thangri yog ni lik’ay e ke tay, ma re profet nike rung’ag e thin rog ni kug weliy ngak ni nge yog e thangri weliy u fithik’ e yul’yul’. Ra ni puluweg kenggin e wheat nga wom’ngin ma mang e bfel’ ni bay u kenggin e wheat?

Levitikus 11:37

Ma fa’anra mul reb e pin’em nike yim’ nga daken e awoch ni yibe n’en ni ngan yung, ma fare awoch e ku ra par nib be’ech.

Malaki 2:3

Bay ggechig nag pifakmed mug gichiy owchemed nga fithik’ i t’ay e pi gamanman ni gimed ma maligach ngay, bay gu n’agmed nga fithik’ e tar.

Matthew 24:35

Tharmiy nge fayleng e bay chuw, ma thin rog e ri dabi math bi’id.

Luke 8:11

“Ba’aray fan fare fanathin: fapi awoch e aram e thin rok Got.

John 1:13

Dar manged pifak Got ni bod rogon nra sumgad ko girdi’, nni gargelegrad nib girdi’ e chitamangirad; machane Got e ir e en ni Chitamangirad.

John 1:3

Ni pa’ e sunumiy Got urngin ban’en ngay; dariy ban’en ni sunumiy Got nde un ngak ngar sunumiyew.

John 3:3

Me fulweg Jesus ni ga’ar, “Nggog e tin riyul’ ngom: ndariy be’ nrayag ni nge guy e gin nsuwon Got ni fa’anra dab ni gargelnag bayay.”

John 3:5

Me fulweg Jesus ngak ni ga’ar, “Nggog e tin riyul’ ngom, ndariy be’ nrayag ni nge yan ko gin nsuwon Got ni fa’anra dab ni gargeleg ko ran nge fare Kan ni Thothup.

John 6:63

En nma pi’ e yafos e aram fare Kan ni Thothup; ma bin kakrom i gimed e dariy ban’en ni bfel’ ni yib rok. Fapi thin ni kug weliy ngomed e yib rok fare Kan Nthothup ma re thin nem e ma pi’ e yafos.

Roma 1:23

yi Got ni dabi yim’ bi’id e kar paged ndarir siro’gad ngak ma darir meybilgad ngak, kar chealgad yad be tayfan ma yad be meybil ko liyos ni kan ngongliy ni bod ya’an e girdi’ nma yim’, nge arche’, nge gamanman, nge gamanman nma gararaw mma sirgig u but’.

Hebrews 4:12

Ya thin rok Got e ba fos ma bay gelngin nma maruwel. Ya kab m’uth ngabangi saydon ni ruw raba’ ma bm’uth. Ya ma yan nge yan i taw nga fithik’ i lanin’dad ko n’en ni gadad be leamnag, nge fithik’ e ul ul nge yil, ma ma pufthinnag e n’en ni yima yim’ ni bochan nge tin ni yima leamnag.

James 1:18

Mi ir e turguy u wan’ ni nge fakaydad u daken e thin rok nib riyul’, ni bochan e ngad pired ni gadad bm’on u fithik’ urngin e tin ni sunumiy ban’en ni tin ni bay e pogofan rok.

1 Peter 1:25

machane thin rok Somol e bay i par ni dabi m’ay bi’id.” Re thin nem e fare Thin Ni Bfel’ ni kan machibnag ngomed.

1 Peter 1:3

Ngad pininged e magaer ngak Got ni ir e Chitamngin e Somol rodad i Jesus Kristus! Ya bochan e ri be runguydad me pi’ e yafos nib be’ech ngodad ni fan e faseg Jesus Kristus ko yam’. Ireray fan ni kad nanged ni tin ke l’agan’dad ngay e bay yib i m’ug nib riyul’,

1 John 3:9

En kemang fak Got e dakir denen i yan, ya ke yib rarogon Got ngak; ma bochan i Got e kemang Chitamngin, ma aram fan ndabkiyag ni nge denen i yan.

1 John 5:18

Gadad manang ndariy be’ ni kemang fak Got ni kayigi pi’ nga daken be denen, ya en ni Fak Got e be ayuweg fa’anem, ma Fa’anem nib Kireb e dabkiyag ni nge rin’ ban’en ngak.