1 Peter 1:22 - Bible Ni Thothup

²² Me ere chiney e kam machalbog niged gimed ni fan e kam folgad ko tin nib riyul’, ma gimed be par nrib t’uf romed e pi’in ni gimed nike mich Kristus u wun’rad ni bod gimed, mra bigimed ma ngari t’uf rok bigimed u polo’ i laniyan’.

1 Peter 1:22 Iomraidhean Croise

John 15:17

Ere ba’aray e n’en ni ir e nggu ning chiylen ngomed ni be lungug: nge bigimed me t’uf bigimed rok.”

John 15:3

Ma gimed e kan mu’ i tamilangnag owchemed, ni aram e kam be’echgad ni bochan fapi thin ni kug weliy ngomed.

John 17:17

Mu fil ngorad e tin nib riyul’, ni er e thin rom ngam pingegrad ngay ngar pired ni girdi’em.

John 17:19

Nggu pi’eg ngom ni bochrad, ni fan e ngkur manged girdi’em.

Acts 15:9

De taydad ni gadad ba thil rorad; ya n’ag fan e denen rorad ni fan e mich Jesus u wun’rad.

Acts 6:7

Ma aram mi i wear e thin rok Got i yan. Ma be yo’or pi gachalpen Jesus i yan, ma bo’or e prist ni pig lanin’rad nge mich Jesus u wun’rad.

Roma 1:5

U daken Kristus e fal’eg Got wa’athag riy ni nggu mang reb e apostel ni fan ngak Kristus, ni bochan e nggu pow’iy e girdi’ u urngin e nam nge mich Kristus u wun’rad miyad fol rok.

Roma 2:8

Ma boch e girdi’ e kemus ni yad e yad be fineyrad, ma kar n’iged e tin nib mat’aw yad be rin’ e tin nib kireb: yad e bayi pu’og Got e gechig nge damumuw rok nga dakenrad.

Roma 8:13

Ya fa’anra um ngongolgad nrogon nib m’agan’ e dowef romed ngay ma gimed ra yim’; machane fa’an gimed ra li’ ngem’ e ngongol romed nib denen nga gelngin fare Kan ni Thothup, ma gimed ra fos.

2 Korinth 6:6

U daken lanin’mad nib machalbog, nge tin nib tamilangan’mad riy, nge gumaen’, nge rogon ni gamad ba gol e kug daged gamad riy ni gamad e tapigpig rok Got; ngu daken fare Kan Nthothup, ngu daken rogon nriyul’ nib t’uf e girdi’ romad,

Galatia 3:1

Gimed yu Galatia ni balyang! I mini’ e ke pig ngomed? Ya ri gowa gimed be guy, nni weliy rogon e yam’ ni tay Jesus Kristus u daken e kuruth!

Galatia 5:5

Machane gadad e be l’agan’dad ngak Got ni ir e nge mat’awnagdad ngak; ni ireray e ren’en ni ir e gadad be sonnag ni nge yag ngodad u gelngin e Kan Nthothup rok Got ni be maruwel u fithik’ e michan’ rodad ngak Kristus.

Galatia 5:7

Um mon’oggad i yan! Me ere mini’ e talegmed ndab ku um folgad ko tin riyul’? U rogon ni tuwesriymed?

Efesus 4:3

Mu athamgiliyed ngu’um pired ni gimed ta’ab girdi’ ni fare Kan Nthothup e ke pi’ ngomed u daken fare gapas ni ir e ke m’agmed nga ta’bang.

Filippi 1:9

Ere ba’aray e meybil rog ngak Got ni fan ngomed: gu be yibil ngak Got ni ngi i gel feni t’uf Got nge girdi’ romed i yan, mi gimed nang e bin riyul’ i fan e thin rok Got nge yag ni ngam nanged e tin nib mat’aw ko tin nde mat’aw,

1 Thessalonika 3:12

Rogon ni nge t’uf bigimed rok bigimed nge rogon ni nge t’uf urngin e girdi’ romed, e Somol e nge ayuwegmed riy nge gel i yan nge yan i par ni bod gelngin ni gimed ba t’uf romad.

2 Thessalonika 1:3

Pi walagmad ni girdi’en Kristus, thingar ug pininged e magaer ngak Got ni gubin ngiyal’ ni bochmed! Rib mat’aw ni nggu rin’ed ni aray rogon, ya ba papey ni be ilal e michan’ romed ngak Kristus, ma rogon nib t’uf bigimed rok bigimed e be ga’ i yan.

2 Thessalonika 2:13

Pi walagmad ni girdi’en Kristus, thingar gu pininged e magaer ngak Got ni gubin ngiyal’ ni bochmed, ni gimed e pi cha’nir ni gimed ba t’uf rok Somol. Ya Got e mel’egmed ni gimed e som’on ni ngam thapgad ngak Got u gelngin fare Kan ni Thothup ngu daken e michan’ romed ko tin nib riyul’, me ngongliymed ngam manged girdi’en nib thothup.

1 Timothy 1:3

Gub adag ni ngam par u lan yu Efesus, ni bod rogon ni gu wenignag ngom ni ngam rin’ ko fa ngiyal’nem ni gu be yan nga Macedonia. Bay boch e girdi’ u wur ni yad be machibnag boch ban’en ni gathi ir, ere thingar mog ngorad ni ngar talgad.

1 Timothy 1:5

Fan e re bugithin ney ni kugog ngom e bochan e nge yagnag e t’ufeg nma yib ko gum’ircha’ nib machalbog, ma ma yib u lanin’uy ni der yog ngom gur be’ ni kam rin’ ban’en nib kireb, ma ma yib ko bin nib riyul’ i rogon nib mich Kristus u wun’uy.

1 Timothy 4:12

Dab mu pag be’ nge darifan nigem ni bochan e ka gab pagel, machane ngam dag ngak e pi’in nib mich Kristus u wun’rad rogon e ngongol nib m’agan’ Got ngay ni ngam dag ngorad u rogon e thin ni ga ma yog, ngu rogon pangim, ngu rogon nib t’uf Got nge girdi’ rom, ngu rogon nib mich Kristus u wun’um, ngu rogon ni gab machalbog.

1 Timothy 5:2

ma ku er rogom ngak e pi’in ni puwelwol ni gowa yad pi chitinam, ma ku errogon e ngongol rom, ngak e pi’in nrugod ni ngar pired ni gowa yad pi walagem ni ppin nib machalbog lanin’um ngorad.

2 Timothy 1:14

Fare Kan Nthothup ni be par u fithik’dad e gelngin e ngam ayuweg ngay fa pin’en ni bfel’ ni fa’an kan pag fan ngom.

Hebrews 11:8

Michan’ rok Abraham ngak Got e ir e pow’iy Abraham nge fol ko thin ni yog Got ngak fa ngiyal’nem, nge yan ni be lek ba nam ni keyog Got ni bayi pi’ ngak. I pag e nam rok nge yan nde nang e gin’en ni be sor ngay.

Hebrews 13:1

Um pired ni ra bigimed ma ba t’uf bigimed rok nrogon e walag nma par u fithik’ Kristus.

Hebrews 5:9

Ma fa’ani yan i par ni kari fel’ rogon ni bochan e gafgow ni tay, me par ni ir e be thapeg e girdi’ ngak Got ngar pired rok ndariy n’umngin nap’an, ni urngin e pi’in yad be fol rok,

Hebrews 6:10

Yi Got e gathi ba laniyan’. Gathi bayi pag talin e maruwel ni kam ngongliyed, ara rogon nib t’uf romed ni kam daged ni bochan e ayuw ni kam pi’ed ma kigimed be pi’ ngak e pi’in ni gimed ni girdi’en Kristus.

Hebrews 9:14

Ere fa’anra ireray rogon nib riyul’ e re bugithin ney, me ere ka ba ga’ e tin ni ngongliy racha’en Kristus! Ya fare Kan Nthothup ni bay i par ndariy n’umngin nap’an e ayuweg nge pi’ ir ni maligach ni bfel’ ngak Got. Racha’en e ir e ra be’echnag lanin’dad ko ngongol ndariyfan, nge yag nda pigpiggad ngak fare Got ni be par nib fos.

James 1:21

Ere mu n’iged urngin e ngongol romed nib golong ni kam mechamgad riy nge urngin i pangimed nib kireb. Mpired u tan pa’ Got ma gimed be fol ko thin rok nike yung nga lanin’med, ya ireray e ren’en nra i ta’med rok Got.

James 4:8

Mu chugurgad ngak Got, me chugur ngomed. Pi tadenen, mmalukniged pa’med! Gimed e pi’in ni gimed be dake moding niged gimed, mu klinniged lanin’med!

1 Peter 1:2

I mel’egmed Got ni Chitamangiy nrogon nike mu’ i turguy u wan’, ni nge ngongliymed fare Kan Nthothup rok ngam pired ni gimed ba thothup, ma gimed be fol rok Jesus Kristus me be’ech nagmed racha’en. Ngi i ayuwegmed Got ma be pi’ e gapas nga lanin’med nge yan i mus ngarogon.

1 Peter 2:17

Mi gimed tayfan urngin e girdi’, ma nge t’uf romed e picha’ ni gimed nike mich Got u wun’rad, nge yib madgun Got u wun’med, mi gimed tayfan e en ni ir e Emperor ni ga’.

1 Peter 3:1

Ma ku er rogomed pi leengiy nthingar um folgad rok pi figirngimed, ni fan e fa’anra bay boch i yad ndawori mich e thin rok Got u wun’rad mrayag ni nge mich u wun’rad ni bochan pangimed. Ma aram e dakuriy fan bbugithin ni ngmogned ngorad,

1 Peter 3:20

ni pi kan nem e aram e picha’ ni ur moyed ko biney e tamilang ma da ur folgad rok Got ko fa ngiyal’nem ni i son nagrad Got riy u fithik’ e gumaen’, ni fa ngiyal’ i n’em ni i toy Noah fare ark riy. Ri in e girdi’ e ranod ngalan e re ark nem — ni yad meruk u gubin — e ra folgad nde li’rad e ran.

1 Peter 3:8

Ere thingari gimed gubin ni nge ta’reb rogon e leam romed mu um runguyed gimed; me bigimed me t’uf rok bigimed nrogon e pi’in ni walag ni girdi’en Kristus, mu um pired ni bfel’ e thin romed ngomed ma ba sobut’ lanin’med ngomed.

1 Peter 4:17

Ya ke taw nga nap’an ni nge tabab e pufthin, ma pi’in girdi’en Got e yad e som’on ni ngan pufthin nagrad. Ere fa’anra gadad e nge tabab rodad, ma uw rogon nra yan i mus ngak e pi’in nder pagan’rad ko fare Thin Ni Bfel’?

1 Peter 4:8

Ma ren’en ni ir e th’abi ga’ fan u fithik’ urngin ban’en e ngari bigimed me t’uf rok bigimed, ya rogon nib t’uf be’ rok be’ e ra upunguy bo’or e denen.

2 Peter 1:7

ma yan nga laniyan’ Got ni gimed be tay e ngam puthuyed ngay rogon nib t’uf bigimed rok bigimed nrogon e pi’in kar walaggad u daken Kristus; ma rogon nib t’uf bigimed nrogon e pi’in kar walaggad u daken Kristus e ngam puthuyed e t’ufeg ngay.

1 John 3:11

Ya thin rok Got ni kam rung’aged ko tabolngin e ba’aray rogon: thingari bagadad me t’uf rok bagadad.

1 John 3:23

Ba’aray e tin ni yog ni ngad rin’ed: ni aram e nge pagan’dad nga fithingan Fak ni Jesus Kristus me bagadad me t’uf rok bagadad, ni bod rogon ni yog Kristus ngodad ni ngu’ud rin’ed.

1 John 4:12

Dariy be’ ni ka’a guy Got; ma fa’anra bagadad ma ba t’uf rok bagadad, ma aram e be par Got u fithik’dad, ma rogon ni gadad ba t’uf rok nike af ngodad e ke ilal u fithik’dad ke yan i aw ngarogon ni kari fel’.

1 John 4:20

Fa’anra ga’ar be’, “Ba t’uf Got rog”, machane be fanenikay walagen ni girdi’en Kristus, ma be lifith l’ugun. Ya dabiyag ni nge t’uf Got rok, ni be’ nder guy ni fa’anra de t’uf rok walagen ni girdi’en Kristus ni be’ ni be guy.

1 John 4:7

Pi tafager rog ni gimed ba t’uf rog, nge bagadad me t’uf rok bagadad, ya rogon ni nge t’uf Got rodad nge girdi’ e yib rok Got ngodad. En nib t’uf Got rok nge girdi’ e ir be’ ni fak Got, ma manang Got.

Revelation 2:4

Machane ba’aray e n’en ndabug rom: da kug t’uf rom e chiney ni bod fenag t’uf rom ko som’on.