1 Peter 1:16 - Bible Ni Thothup

¹⁶ Ya be ga’ar e babyor nib thothup, “Thingar mpired ni gimed ba thothup, ya gub thothup.”

1 Peter 1:16 Iomraidhean Croise

Isaiah 35:8

Bayi sum ba pa’ i kanawo’ ni ba ga’ riy, ni fithingan ni bay u nog e “Kanawo’en e Thothup.” Dariy ba tadenen nra yan u daken e re kanawo’ nem; girdi’ ni be yan u daken e re kanawo’ nem e dakuriy be’ nib balyang nra waliyrad ko kireb.

Levitikus 11:44

I Gag SOMOL ni Got romed, ere thingar mu ted gimed ni gimed ba tabgul, ni bochan e gub thothup.

Levitikus 11:45

Ya Gag SOMOL e gu fekmed nga wuru’ yu Egypt ya nge yag ni nggu mang Got romed. Thingar mu thothupgad, ya gub thothup.

Levitikus 19:2

ni nge ga’ar ngak e girdi’ nu Israel, “Ngam pired ni gimed ba thothup, ya Gag SOMOL ni Got romed e gu ba thothup.

Levitikus 20:7

Mu pi’ed gimed ngalan pa’ag mi gimed par ni gimed ba thothup ni bochan e Gag SOMOL e Got romed.

Amos 3:3

Rayag ni milekag l’agruw ni’ u ta’bang ndar weliyew ni ngar mada’ gow?