1 Peter 1:10 - Bible Ni Thothup

¹⁰ Re kanawo’ ney ni ir e yira thap riy ngak Got e ir e i gay e pi profet; ya yad e ra yi’iy niged e re tow’ath ney ni bayi pi’ Got ngomed.

1 Peter 1:10 Iomraidhean Croise

Genesis 49:10

Fare sog ko pilung e dabi chuw rok Judah, ma ku dabi chuw fa lay i ren ni fen e gagiyeg u thilin e rifrif u ay; nge mada’ ko ngiyal’ ni bay yib e en ir e fen, ma bay i fol e girdi’ rok.

Proverbs 2:4

Mu changarnag ni bod feni almarin’ ni ga ra changarnag e silber fa boch e machaf nib mith.

Daniel 2:44

Ngiyal’ ni bayi gagiyeg e pi pilung nem, e aram e bayi sunumeg Got nu tharmiy reb e gagiyeg ndariy e rofen nra mus. Ma binem e gagiyeg e dariy be’ nra gel ngay bi’id, machane bayi thirif u but’ urngin e pi pilung nem nge gagiyeg ni yad be tay me mang fa birok e gagiyeg e i par ndariy n’umngin nap’an.

Daniel 9:3

Mu gu par ngu’ug meybil ngak SOMOL ni Got, ni gu be wenig ngak, ma ku gu pag e abich, ma ku gon’ e mad ni tutuw, ku gu wan gu par nga fithik’ e awat.

Haggai 2:7

Bay gu rurug gubin e pi nam, ma gubin e pi machaf rorad ni bay ni fek ngaray, nge sug fare Tempel ko pi manigil.

Zekariah 6:12

Mog ngak ni be yog fare SOMOL ni Gubin ma Rayag Rok ni be ga’ar, ‘Fare mo’on ni yima pining Fare Pa’ngin ngak e bayi dammal ko gin bay riy me toy bayay fare Tempel rok SOMOL.

Matthew 13:17

Mu ted fanmediyan ko re bugithin ni ba’aray! Bo’or e profet ma bo’or e girdi’ rok Got ni ur m’ad ni bochan ni ngar guyed e n’en ni gimed be guy, machane de yag, ma ku ur m’ad ni bochan ni ngar rung’aged e n’en ni gimed be rung’ag, machane dar rung’aged.

Matthew 26:24

Ya en ni Fak e Girdi’ e bay yim’ ni bod rogon nike yog e babyor nib thothup murung’agen, machane kari gafgow e re mo’on nem ni ir e bay yagnag e en ni Fak e Girdi’! Ya fa’an manga da ni gargelnag ma kabfel’!”

Luke 10:24

Ya nggog ngomed ni bo’or e profet nge pilung ni ur m’ad ni bochan ni ngar guyed e n’en ni gimed be guy, machane de yag, ma ku ur m’ad ni bochan ni ngar rung’aged e n’en ni gimed be rung’ag, machane dar rung’aged.”

Luke 24:44

Me ga’ar ngorad, “Ri ireray fa pin’em ni gu weliy ngomed nnap’an ni kug bay romed: ni urngin ban’en ni kan yoloy ni murung’ageg u lan babyoren e Motochiyel rok Moses, nge tin ke yoloy e pi profet, nge tin kan yoloy u lan babyoren e pi Psalm ni murung’ageg e thangri yib i m’ug nib riyul’.”

John 5:39

Gimed ma be’eg e babyor nib thothup; ya gimed be finey nu fithik’ e re thin nem e gimed ra pir’eg e yafos ndariy n’umngin nap’an riy. Ma pi thin nem ni gimed be be’eg e be weliy murung’ageg!

John 7:52

Miyad fulweg ni lungurad, “Ere mog, ku errogon gur ni mub u Galile? Ra mpoy e babyor nib thothup ma ga ra pir’eg riy ndariy reb e profet ni ka’a yib u Galile.”

Acts 10:43

Urngin e pi profet nra weliyed murung’agen, ni i lungurad e urngin e pi’in nra mich Jesus u wun’rad e ra bagayad mra n’ag Got fan e denen rok u daken gelngin fithingan Jesus.”

Acts 17:11

Ma girdi’ nu rom e de manan’rad ni bod e girdi’ nu Thessalonika nib manan’rad. Miyad motoyil ko thin rok Got ni kar uthmed telrad ngay, ma gubin e rran ni ur gayed u lan e babyor nib thothup ni ngar guyed ko rriyul’ e tin ke yog Paul fa.

Acts 28:23

Ma aram miyad yog Paul reb e yar, me yib bo’or i yad ko chirofen nem ko gin ni be par Paul riy. Kadbul nge yan i mada’ ko neap’ ni machibnag ngorad murung’agen e gagiyeg rok Got ma be pithig fan u wun’rad. Me guy rogon ni nge mich murung’agen Jesus u wun’rad ni be yog ngorad e tin nike yog e babyor nib thothup ni murung’agen ko gin ni ba’aram ni bay e Motochiyel rok Moses riy nge tin ni yoloy e pi profet.

Acts 7:52

Gur immoy ta’reb e profet ni pag pi chitamangimed ndar gafgow niged? Ra thanged e pogofan rok e pi’in nra feked e thin rok Got i yib ngorad ni Got e l’oegrad, ni kab kakrom me weliy Got ngorad murung’agen e wub ni bayi tay e Tapigpig rok ni be’ nib mat’aw. Me ere chiney e kam thanged e pogofan rok ni bochan e gimed e kam pi’ed kan li’.

Hebrews 11:13

Ma urngin e pi girdi’ ney nra m’ad nib mich Got u wun’rad; nde yag ngorad ko biney e tamilang e pin’en ni yog Got ni bayi pi’ ngorad, machane ra changargad ngam’on nib orel miyad guy e tin keyog Got ni bayi pi’ ngorad miyad felfelan’ ngay, mu ur daged ko ngongol rorad ni yad e girdi’ nu bang ma yad e milekag ni yad be par u roy u fayleng.

Hebrews 11:40

ya bay e tin ni kabfel’ ban’en ni kem’ay i leamnag rok Got ni fan ngodad, ni ngad cheaggad ngorad nge fel’ rogodad riy.

1 Peter 1:11

Ur guyed rogon ni ngar pir’eged e ngiyal’ nge rogon ni bay yib. Ya Kan ni Thothup rok Kristus ni immoy u fithik’rad e yog e re ngiyal’ i n’ey ni be yi’iynag e pi gafgow ni nge athamgiliy Kristus, nge fla’ab ni bay yib nga tomuren.

1 Peter 1:13

Mu fal’eged rogon lanin’med ni ngam ngongolgad. Mi gimed tiyan’med ngari l’agan’med ko tow’ath ni yira pi’ ngomed ko ngiyal’ nra yib i m’ug Jesus Kristus.