1 John 1:9 - Bible Ni Thothup

⁹ Ma fa’an gadad ra weliy e denen rodad ngak Got mrayag ni ngad pagan’gad ngak, ya tin nib mat’aw e ra rin’ — ya ra n’ag fan u wan’ e denen rodad me be’ech nagdad u urngin e kireb ni kad ngongliyed.

1 John 1:9 Iomraidhean Croise

1 Kings 8:30

Mu telim ko meybil rog nge meybil rok e girdi’ rom ko ngiyal’ ni yad ra sap ko gin’ey ngar meybilgad. Mu telim ngomad u tafnam u tharmiy ngam n’ag fan u wun’um e denen romad.

1 Kings 8:47

ma ngam motoyil ko meybil rok e girdi’ rom. Ma fa’anra yad ra kalngan’rad u lan e re nam nem ngar pi’ed keru’rad ko kireb ngar meybilgad ngom nga rogned ngom gelngin e kireb ni ur ngongliyed, me gur SOMOL e ngam rung’ag e meybil rorad.

Nehemiah 1:6

SOMOL, mu changar ngog ngam telim ko meybil rog ni gu be tay ni rran nge nep’ ni fan ngak e tapigpig rom ni er yu Israel. Nggog ngom ni gamad piyu Israel e gamad be denen. Pi chitamngig ni kakrom e ur denengad ma ku er rogog.

Psalms 19:12

Dariy be’ nrayag ni nge guy e kireb rok; SOMOL, mu chuwegeg u fithik’ e kireb rog nib mith.

Psalms 32:5

Ma aram mu gu weliy e denen rog ngom; da gu mithag rom e tin kireb ni ku gu rin’. Gu turguy u wun’ug ni nggu weliy e pi denen rog ngom, ma ga n’ag fan urngin e kireb rog.

Exodus 34:7

Tin gu ma micheg e gu ma tay u gil’ ni bokum 1000 e mfen, ma gu ma n’ag fan u wan’ug e kireb nge denen rok e girdi’; machane dab gu pag ni dab ggechignag pifakay nge pifak pifakay nge mada’ ko bin dalip nge aningeg e mfen, ni bochan e denen nike ngongliy pi chitamangirad.”

Proverbs 28:13

Dabi fel’ rogon e yafos rom ni fa’anra ga be guy rogon ni ngam mithag e pi denen rom. Mu puwofaynag ma ga pithig pa’am riy; me wurngan’ Got ngom.

Isaiah 45:21

Mu feked e oloboch romed i yib nga tafen e puf oloboch, me puruy’ e pi’in ta ayuw u tafen e puf oloboch. I mini’ kakrom e i yi’iynag e n’en ni nge taw ngay? Gathi Gag fare SOMOL, ni fare Got ni ayuweg e girdi’ rok? Dakuriy yugu reb e got ngabang.

Jeremiah 3:13

Kemus ni ngamog ni rriyul’ ni gur e ba kireb e rom ma rriyul’ ni ku’um togopluw ngak SOMOL ni Got rom. Mog nga tamilang ni tanggin urngin e gik’iy nib galunglung ma um t’ufeg yug boch e got nu bang riy ni da kum fol ko tin gog. I Gag SOMOL e gu be non.

Jeremiah 33:8

Bay gu be’ech nagrad ko pi denen ni ur ngongliyed nib togopluw ngog, ma bay gu n’ag fan e denen nge kireb rorad.

Lamentations 3:23

Nib k’akling ni bod e kadbul, nib mich ni bod e yal’ nra for ngalang.

Ezekiel 36:25

Bay gu atngiy e ran nib machalbog nga dakenmed nggu machalbog nagmed u urngin e meybil ni um ted ko pi liyos romed nge urngin ban’en nike taymed ni kam kirebgad u p’eowcheg.

Ezekiel 37:23

Dab ku ra ta’ay niged yad ko fapi liyos ni sunsonogor bi’id ara ra alit niged yad ko denen. Bay gu pithigrad ko yupa’ i kanawo’ ni yad ma denen riy ngu’ur n’igedgag. Bay gu machalbog nagrad; bay ra manged girdi’ rog, mu gu mang Got rorad.

Zekariah 9:9

Gimed e girdi’ nu Zion, mfelfelan’gad, mfelfelan’gad! Gimed e girdi’ nu Jerusalem, mu garus niged e felfelan’! Mu sapgad, pilung romed e be yib ngomed! Be yib nib felfelan’ ya ma gel ko pi to’ogor rok, machane ba sobut’an’, ma ke yib nike af nga daken ba dongki, ke af nga daken ba fak e dongki.

Matthew 3:6

Miyad weliy e denen rorad me tawfe nagrad John u lan e lul’ ni Jordan.

Mark 1:5

Ma bo’or e girdi’ nranod ko nug nu Judea nge binaw nu Jerusalem ngaram ni ngar motoyilgad ngak John. Miyad weliy e denen rorad me tawfe nagrad u lan e lul’ ni Jordan.

Luke 22:57

Machane me mithag Peter ni aram rogon ni ga’ar, “Bpin, i mus nga owchen ma da gu nang!”

John 17:25

Chitamag ni gab mat’aw! Girdi’ nu fayleng e dawor ra nanged gur, machane gag e gu manangem, ma tiney e girdi’ e kar nanged ni gur e kam l’oegeg ku gub.

Acts 19:18

Bo’or e pi’in ke mich Jesus u wun’rad nrabad ngrogned u fithik’ e girdi’ ni yo’or e tin nib kireb ni ur rin’ed.

Roma 3:26

machane chiney e ke rin’ ban’en ni fan ko denen nike ngongliy e girdi’ ni nge micheg nma mat’awnag e girdi’ ngak. Ireray kanawo’en nike dag Got ni ir be’ nib mat’aw mra mat’awnag ngak urngin e pi’in nra mich Jesus u wun’rad.

1 Korinth 1:9

I Got e nge pagan’uy ngak, ni Got ni ir e ke piningmed ni ngam chaggad ngak Jesus Kristus ni Fak, ni ir e Somol rodad.

1 Korinth 6:11

Bay boch i gimed ni immoy ni aram rogon. Machane ke n’ag Got fan e denen romed ke be’ech nagmed; ma ka ni pi’med ngak Got; ma ka ni mat’aw nagmed ngak Got u daken fithingan Somol Jesus Kristus ngu daken fare Kan Nthothup rok e Got rodad.

Efesus 5:26

I rin’ e ren’ey ni fan e nge pi’ girdi’en e galesiya nga pa’ Got u daken e thin rok u tomuren nike mu’ i maluknag ko ran ke be’ech,

Deuteronomy 7:9

Ri dab mpaged talin ni SOMOL ni Got romed e kemus ni ir e Got, ma rib yul’yul’. Bayi tay u gil’ fare m’ag nike ngongliy u thilmed nge Ir, mi i dag ngak reb e biyu e mfen e t’ufeg rok ni dabimus, ni pi’in ur pired nib t’uf SOMOL rorad ma yad be fol ko tin keyog ni ngu’ur rin’ed,

1 Timothy 1:15

Re bugithin ni ba’aray e rib riyul’, ma ngari mich u wun’uy me pagan’uy ngay: ni Kristus Jesus e yib ngaray nga fayleng ni nge thapeg e pi tadenen ngak Got. Me gag e th’abi kireb u fithik’rad,

Titus 2:14

I ir e pi’ ir ni bochdad ni fan e nge leagdad u fithik’ urngin e kireb me ngongliydad ngad manged ba ulung i girdi’ ni kad machalboggad nib mil fadad ngak me pasigan’dad ni ngad rin’ed e tin ni bfel’.

Hebrews 10:23

Ere ngad chichiiyed pa’dad ko ren’en ni ir e ke l’agan’dad ngay ni ir e gadad be weliy murung’agen, ya ba pagan’dad ngak Got nra rin’ e tin keyog.

Hebrews 11:11

Michan’ rok Abraham ngak Got e ir e ayuweg nge yag ni mang reb e matam ni yugu aram rogon nike pilibthir, ma ku errogon Sarah ndabkiyag ni nge diyen. I pagan’ Abraham ngak Got nra rin’ Got e tin keyog ni bay rin’ ngak Abraham.

Hebrews 6:10

Yi Got e gathi ba laniyan’. Gathi bayi pag talin e maruwel ni kam ngongliyed, ara rogon nib t’uf romed ni kam daged ni bochan e ayuw ni kam pi’ed ma kigimed be pi’ ngak e pi’in ni gimed ni girdi’en Kristus.

1 John 1:7

Machane fa’anra ud pired u fithik’ e tamilang — ni bod ir ni bay u fithik’ e tamilang — ma aram e kad ta’ab girdi’gad nike ta’reban’dad, ma racha’en Jesus ni Fak e ir e be be’ech nagdad u urngin e denen rodad.

Revelation 15:3

ni yad be yin’ fare tang rok Moses, ni ir fare tapigpig rok Got, nge fare tang rok fare Fak e Saf, ni ga’ar: “Somol ni Got, ni Gubin ma Rayag Rok, rib sorom ngarogon feni fel’ e ngongol rom! Me gur e Pilung rok gubin e nam, rib mat’aw ma ba riyul’ e tirom e kanawo’!