तितस 2:8 - याम्फु

⁸ हे़ने़ॽ इःॽमाबेॽ चाइबमानुङ ठिक खा इःडाजे, मोबा असे़ॽसो सिःक्‍चाडोक्‍टुजिने। मोबा कानिङ्‌मि सतुरजिडे़ॽ कानिङ्‌मि टेडिघरिक्‍हा खा इमाङ्‌सो मे़चुप्‍नुङ ङेसिमाबेॽ सिॽइम्‍मे।

तितस 2:8 Iomraidhean Croise

मरकुस 12:17

मोबा येसुडे़ॽ माहाजि इडोॽ लुसुजि, “कैसरमि थोक कैसरनोॽ पिसानुमे मोबा निवाहाङ्‌मि थोक निवाहाङ्‌नोॽ पिसानुमे।” माहाजि येसुमि इडोक्‍मा खा खेम्‍नुङ खरि मिनामि।

मरकुस 12:28

मोबेॽ इक्‍को यहुदि धारमिक नियम इःॽखुबा याॽमिसो टुसे़। मोबेॽ येसुडे़ॽ सदुकिजि नुरोॽ लुबॽआ खेम्‍नुङ खोसे़ॽसो येसु सिप्‍सु, “हे गुरु, निवाहाङ्‌मि आग्‍याबेॽ चोप्‍पाङ बेॽए आग्‍या चाहिँ हाम्‍बेन्‍डे ?”

मरकुस 12:32

इगो खा खेम्‍नुङ मो यहुदि धारमिक नियम इःॽखुबाडे़ॽ येसु लुसु, “चइबानोॽ हे़ने़ॽ नुरोॽ इःसु, हे़ने़ॽ लुबॽआडोक्‍नोॽ निवाहाङ्‌गो इक्‍कोरे टुये, खोबाङ हाइको असासो माॽआम्‍मे।

मरकुस 12:34

मो याॽमि निवादाङ्‌बा लिनुङ इःबॽआ खा खेम्‍नुङ येसुडे़ॽ लुसु, “हे़न निवाहाङ्‌मि राज्‍यमि के़क्‍पेॽनोॽ टुये।” मोबा ए़क्‍साङ असे़ॽसो येसु इमाङ्‌सो मे़सिम्‍हेसुजि।

लुका 13:17

येसुमि इडोक्‍मा खा खेम्‍नुङ बिरोध ले़ःॽखुबा याॽमिजि नेम्‍मा सिट्‌टामि। हाइखा याॽमिजि चाहिँ आक्‍टोक्‍मा खरिमा योम्‍बोक खाङ्‌नुङ साप्‍थाक्‍सामि।

२ थेस्‍लोनिकि 3:14

कानिङे़ॽ इगो पत्‍राबेॽ साप्‍पॽआ खाडोॽ मे़ले़ःॽखुबा याॽमिजि नुरोॽ लेयुङ्‌मे़नुङ, माहाजिनुङ लङ्‌गाम ए़ले़ःॽमे खो खोमटाङ्‌बा ङेम्‍मा सिॽइये।

१ तिमोथि 5:14

मोडोगे़ॽ के़ॽ सल्‍लाह पिनिम्‍ने़, राङ्‌मिॽ राङ्‌मिॽमाजिडे़ॽ चाहिँ फुङ्‌सया ले़ःॽनुङ पसाजि टोक्‍नुङ नुरोॽ खिम बेबहार ले़ःॽचामिरो। मोडोॽ ले़ःॽमाहोङ्‌रेॽ कानिङ्‌मि सतुरजिडे़ॽ कानिङ बिरोध ले़टोक्‍टुजिने।

१ तिमोथि 6:3

आढाजि मे़ॽनोक्‍हा सिक्‍छे इःॽखुबा टुम्‍मेनुङ कानिङ्‌मि परभु येसु खिरिस्‍टमि बचननुङ निवाहाङ्‌मि भक्‍ति ले़ःॽमे सिक्‍छे खेप्‍सुजिने।

तितस 3:14

कानिङ्‌मि याॽमिजिडे़ॽ योम्‍बोक मे़ॽनिङ्‌मा खाबेॽ हिङ्‌मवा ए़ॽटिसुजिरो तर नुबा योम्‍बोक्‍पेॽ हिङ्‌मवा टिसुजिरो इडोॽ ले़ःॽमाहोङ खोजिडे़ॽ हाइखाजिसो पिहेन्‍डुजे।

१ पत्‍रुस 2:12

अयहुदिजिमि रुम्‍बेॽ हे़निङ्‌मि चाल चलन नुबा लिरो। याॽमिजिडे़ॽ हे़निङ मङे़हाजि लुमिहोङ्‌सो हे़निङ्‌मि नुबा योम्‍बोक खाङ्‌डोगुजिरो, न्‍यायमि याकपेॽ माहाजिडे़ॽ निवाहाङ्‌मि ओहाङ ले़टुजिरो।

१ पत्‍रुस 2:15

इन्‍ढोङ्‌होङ हे़निङे़ॽ ले़ःॽपॽआ नुबा योम्‍बोकडे़ॽ उम्‍बरिङ याॽमिजिमि याबुक योङ उक्‍मेॽपॽआ निवाहाङ्‌डे़ॽ नेन्‍जोन्‍डुए।

१ पत्‍रुस 3:16

तर इगो खा इःमाबेॽ ए़डे़म्‍मा लिनुङ आदरनुङ यामुसानिङे। हे़निङ्‌मि नुबानुङ मङे़ॽमा लेमे निवा चोखो युक्‍सानुमे। मोडोॽ ले़ःॽमाबेॽ हे़निङे़ॽ खिरिस्‍टियानजिडे़ॽ ले़ःॽपॽआ चाल चलन खाङ्‌नुङ हे़निङ्‌मि बदनाम ले़ःॽखुबाजि ङेम्‍माबेॽ सिॽइम्‍मे।