तितस 2:2 - याम्फु

² ठाॽपा वडाङ्‌पसाजि टाङ्‌बामि निवा अधिनबेॽ युङ्‌हेघुबा, नुबा लेहेघुबा, मोबा बिस्‍वासबेॽ पक्‍कामा, नम्‍नमनुङ्‌बा, हुङ्‌जाहेघुबा लिमे लुनुङ इःडाजे।

तितस 2:2 Iomraidhean Croise

मरकुस 5:15

माहा लेङ्‌खुबा याॽमिजिडे़ॽ मो मङे़ॽमा चापडे़ॽ नाङ्‌डुखुबा याॽमि नुबोक्‍नुङ येसुमि के़क्‍पेॽ पेम्‍बॽआ खाङ्‌डोक्‍टुजि। मोबा खोजि बेॽलो खरि मिन्‍नुङ किस्‍सिडामि।

लुका 8:35

बेॽलो याॽमिजि इमा पिक्‍खाडे़ लुनुङ खाङ्‌सिॽ येसुबेॽ लेस्‍सामि। मङे़ॽमा चाबे़ॽ चुङ्‌जाबॽआ मो याॽमि नुबोक्‍नुङ्‌सो चेॽ चाङ्‌नुङ येसुमि के़क्‍पेॽ पेम्‍मे़ॽनिङ्‌सिबॽआ खाङ्‌डोक्‍टुजि। इघा खा खाङ्‌नुङ माहाजि चोप खरि मिनामि।

एप्‍पा चोङ्‌सा 24:25

तर पावलडे़ॽ खा इःघे़ॽमाबेॽ इडोॽ लुसु, “निवाहाङ्‌मि धारमिक आग्‍याडे़ॽ लुडिडोॽ योम्‍बोक ले़ःॽमा खे़हा, कानिङ्‌मि निवा नुबा योम्‍बोकपेॽ टिमा खे़हानुङ, निवाहाङ्‌मि न्‍यायमि याक लेम्‍मे़ॽनिङ्‌सिये” लुमाबेॽ फेलिक्‍सडे़ॽ किस्‍सिसाङ पावल लुसु, “हागो हे़न खडे, हाइखा खा वागिया सिङ्‌आ इःमा सिॽहोङ के़ए़न्‍ने़।”

रोमि 12:3

निवाहाङ्‌डे़ॽ का ले़ःॽपॽआ अनुग्‍रहाबाङ के़ॽ हे़निङ लुनिम्‍ने़, हे़निङे़ॽ टाङ्‌बा इन्‍डोक्‍मा मिॽमा खे़ये, मोबाङ बेॽए ए़ॽमिडानुमे, तर निवाहाङबेॽ बिस्‍वास ले़ःॽखुबाजि पिबॽआ बरदान इन्‍डोक बेॽलो टुये मोडोक्‍रेॽ मिडानुमे।

१ कोरिन्‍थि 15:34

होसियार पेम्‍मा खे़ये, इगो खा चाहिँ नुबा ले़ये हागोएम्‍बाङ पाप ए़ले़टानुमे। हे़निङ्‌बेॽ इन्‍डोक जनाडे़ॽको निवाहाङ्‌नोॽ मे़लेडिॽटानुमे। हे़निङ नेम्‍माबेॽ सिॽमेॽमामि लागिनोॽ के़ॽ इगो खा लुनिम्‍ने़।

१ कोरिन्‍थि 9:25

पिम्‍मामि लागि भाग लाघुबे़ॽ चोप खाबेॽ टाङ्‌बा अधिनबेॽ युङ्‌मा खे़ये। माहाजिडे़ॽ नास लिघे़ये इनाम चुप्‍मामिनोक्‍सो मोडोॽ ले़न्‍डुजे, तर कानिङे़ॽ चाहिँ इन्‍डोक्‍पेॽसो नासि लिनिबा इनाम चुप्‍मामि इडोॽ ले़न्‍डुङ्‌मा।

२ कोरिन्‍थि 5:13

कानिङ निवा मे़ॽनिङ्‌हाजि ले़न्‍डिङ्‌माहोङ हे़निङ्‌मि लागिनोॽ ले़न्‍डिङ्‌मा। कानिङ निवानुङ्‌हाजि टुन्‍डिङ्‌माहोङ हे़निङ्‌मि लागिनोॽ टुन्‍डिङ्‌मा।

गलाति 5:23

ए़डेम्‍मा लिमा, टाङ्‌बा अधिनबेॽ युङ्‌मा, इडोक्‍हा योम्‍बोकमि बिरोधबेॽ इमाङ्‌सो नियम माॽआ।

फिलिप्‍पि 4:8

इघा खामि ए़क्‍साङ्‌बेॽ, के़हा वावानिसानुङ नानुसाजि लुनिम्‍ने़, इमाङ खा चाइबमा ले़ये, इमाङ खा नेन्‍जामारोमा ले़ये, इमाङ खा आदरनुङ्‌मा ले़ये, इमाङ खा न्‍यायनुङ्‌मा ले़ये, इमाङ खा चोखो ले़ये, इमाङ खा नम्‍नम ले़ःॽमारोमा ले़ये, इमाङ खा ओहाङ ले़ःॽमारोमा ले़ये, इमाङ खा सारोनोॽ नुबा ले़ये इघा चोप खा निवाबेॽ युक्‍सानुमे।

१ थेस्‍लोनिकि 5:6

मोडोगे़ॽ कानिङ हाइखाजिडोॽ इम्‍मा फे़न्‍निबा, तर टाङ्‌बा चङ्‌खो पेन्‍नुङ चेन्‍दुबा लिनुङ पेम्‍मा खे़ये।

१ थेस्‍लोनिकि 5:8

तर कानिङ्‌गो लेन्‍डामि पसाजि ले़ःॽपॽआसे़ॽ टाङ्‌बा अधिनबेॽ युङ्‌मा खे़ये। कानिङे़ॽ बिस्‍वासनुङ नम्‍नममि हाङ्‌डाङ पाताडोॽ चाङ्‌मा, मोबा मुक्‍ति चाहिँ चे़क्‍चिमि टोपिडोॽ ओम्‍मा।

१ तिमोथि 1:10

बेभिचारिजि, वडाङ्‌पसानुङ वडाङ्‌पसा बेभिचार ले़ःॽखुबाजि, याॽमि खुनुङ लाघे़ॽखुबाजि, रेम्‍डेॽखुबाजिनुङ ने़ॽनिहा खामि गबाहि पिघुबाजि, मोबा नुबा सिक्‍छेमि टेडिघरिक योम्‍बोक ले़ःॽखुबाजिमि लागि टोङ्‌बॽआ ले़ये।

१ तिमोथि 1:14

काबेॽ कानिङ्‌मि परभुमि अनुग्‍रहा के़ॽलो युङ्‌बेॽटा, मोबा खिरिस्‍टबेॽ टुये बिस्‍वासनुङ नम्‍नमसो खोसे़ॽनोॽ का पिसिङा।

१ तिमोथि 1:2

काङ्‌मिडोॽमा बिस्‍वास काप्‍खुबा चइबानोॽ पसाडोॽमा तिमोथि हे़न इगो पत्‍रा साप्‍मे़ॽनिङ्‌सिन्‍ने़। निवाहाङ पाबानुङ कानिङ्‌मि परभु येसु खिरिस्‍टडे़ॽ हे़न अनुग्‍रहा, किरपानुङ सान्‍ति पिरो।

१ तिमोथि 1:5

कानिङे़ॽ पिबॽआ सिक्‍छेडे़ॽ नम्‍नम ले़ःॽखुसे़ॽचुमे खा इःये। इगो चाहिँ चोखो निवा, नुबानुङ मङे़ॽमा लेमे निवा चाइबानोक्‍मा बिस्‍वासबाङ लेङ्‌इये।

१ तिमोथि 3:11

माहाजिमि बनिमाजिसो मोडोक्‍नोॽ आदरनिया, हाइखा याॽमिजि मे़इःजाघुबा, तर टाङ्‌बामि निवा अधिनबेॽ युङ्‌हेघुबानुङ चोप खाबेॽ बिस्‍वासनुङ्‌मा लिमा खे़ये।

१ तिमोथि 3:2

मोडोगे़ॽ मन्‍डलिमि पास्‍टर आप्‍टिक मे़ॽनिङ्‌मा लिमा खे़ये, खो इक्‍कोरेॽ फुङ्‌सया ले़ःॽखुबा, खो टाङ्‌बामि निवा नुबा योम्‍बोक्‍पेॽ टिहेघुबा, बुजाकिनुङ आदरनुङ्‌मा लिमा खे़ये। चबाङ्‌जि नुरोॽ ले़ःॽखुबानुङ याॽमिजि नुरोॽ इःॽलेघुबा लिमा खे़ये।

१ तिमोथि 3:4

खो टाङ्‌बामि खिम नुरोॽ ले़चाहेघुबा, मोबा खोम पसाजि नुरोॽ तह टिहेघुबा लिमा खे़ये।

१ तिमोथि 3:8

मोडोक्‍नोॽ डिकनजि आदरनुङ्‌हा याॽमि लिमा खे़म्‍मे। खोजि चइबानोॽहा खा इःॽखुबाजि, इनुङ टोप्‍टे़ॽवा मे़उङ्‌खुबा लिमा खे़ये, याङ्‌मि लोभ मे़ले़ःॽखुबा लिमा खे़ये।

१ तिमोथि 5:1

टाङ्‌बाङ टुम्‍मि याॽमिजि ए़ॽयोबाजे, खोजिगो टाङ्‌बामि पाबाजिडोक्‍नोॽ नुरोॽ लुसाजे। मोबा टाङ्‌बाबाङ पाक्‍लोक्‍हा याॽमिजि निसाजिडोक्‍नोॽ नुरोॽ लुसाजे।

तितस 1:13

इगो चइबानोॽ ले़ये, मोडोगे़ॽ माहाजि मारे योबाजे। मोबा माहाजिमि बिस्‍वास बोलियो लिरो।

तितस 1:8

खो चाबाङ्‌जि सेवा ले़ःॽखुबानुङ नुबा योम्‍बोक नेन्‍जाखुबा, टाङ्‌बामि निवा नुबा योम्‍बोकपेॽ टिघुबा, मे़रेम्‍डेॽखुबा, चोखो निवानुङ्‌मा, निवा टिनुङ योम्‍बोक ले़ःॽखुबा लिमा खे़ये।

तितस 2:7

हे़न आमटाङ्‌बा चोप नुबा योम्‍बोकपेॽ खोजिमि लागि नमुना लिसे। मोबा निवादाङ्‌बानुङ भरोसानुङ्‌मा लिसे।

फिलेमोन 1:9

के़ए़ नम्‍नमडे़ॽ ले़ःॽमे़ॽ हे़न बिन्‍ति ले़न्‍ने़। का ठाॽपा पावल, मोबा खिरिस्‍ट येसुमि लागि से़क्‍सिघे़ॽपॽआ इक्‍को कैदि याॽमि,

१ पत्‍रुस 1:13

मोडोगे़ॽ योम्‍बोक ले़ःॽमामि हे़निङ्‌मि निवा पोरोगानुमे। होसियार ले़टानिङे मोबा परभु येसु लेम्‍माबेॽ चुप्‍मिये आसिसबेॽ पुरा भरोसा ले़टानुमे।

१ पत्‍रुस 4:7

चोप खा नासि लिमे याक के़क्‍पेॽनोॽ लेम्‍बेटे़। मोडोगे़ॽ हे़निङ टाङ्‌बा अधिनबेॽ युङ्‌नुङ होसियार पेम्‍मा खे़ये। इडोॽ हे़निङे़ॽ पारथना ले़ःॽहेन्‍डानुमे।

१ पत्‍रुस 5:8

होसियार ले़ःॽनुङ चङ्‌खो पेनानिङे, हे़निङ्‌मि सतुर दियाबलसडे़ॽ असा चुप्‍नुङ चाबेमे लुनुङ किबाडोॽ वोसाङ किॽयु मिॽयु योक्‍मे़ॽसिन्‍डुए।

२ पत्‍रुस 1:6

हे़निङ्‌मि निवाबेॽ टाङ्‌बा अधिनबेॽ युङ्‌मे बोल येडानुमे, मोसोक्‍पेॽ स्‍थिरनुङ्‌हाजि लिसानिङे, स्‍थिरसोक्‍पेॽ भक्‍ति येडानुमे