तितस 2:13 - याम्फु

¹³ कानिङे़ॽ ले़ःॽपॽआ आसा पुरा लिमे याकमि राम हुङ्‌इन्‍डुङ्‌मे। मो याक कानिङ्‌मि महान निवाहाङ्‌नुङ कानिङ मुक्‍ति पिघुबा हाङ्‌बा खिरिस्‍टडे़ॽ बेॽए मान चुप्‍मिन्‍डुए।

तितस 2:13 Iomraidhean Croise

मत्‍ति 16:27

इन्‍ढोङ्‌होङ याॽमिमि पसा टाङ्‌बामि पाबामि महिमानुङ टाङ्‌बामि थाङ्‌सिरिदुतजिनुङ लेङ्‌इये। मोडोक्‍पेॽ खोसे़ॽ चोप याॽमिजि खोजिडे़ॽ ले़ःॽपॽआ योम्‍बोकडोॽमा इनाम पिन्‍डुजे।

मत्‍ति 25:31

“इन्‍डोक्‍पेॽ याॽमिमि पसा थाङ्‌सिरि दुतजिनुङ बेॽए महिमाबेॽ उङ्‌इये, मोबा खो टाङ्‌बामि महिमानुङ्‌मा हाङ्‌पेन्‍ढामबेॽ पेङ्‌इये।

मत्‍ति 26:64

येसुडे़ॽ मो लुसु, “इँहिॽ हे़ने़ॽनोॽ लुबेसु। तरसो हे़निङ लुनिम्‍ने़, हागोएम्‍बाङ ए़क्‍साङ हे़निङे़ॽ याॽमिमि पसा चोप्‍पा एप्‍पा सक्‍तिदाङ्‌बा निवाहाङ्‌मि चुप्‍थिङ्‌लाम पेम्‍बॽआ, मोबा नान्‍द्‌रुङ्‌मामि खिम्‍मिॽवाबेॽ उङ्‌मे़ॽसिबॽआ खाङ्‌डोॽइन्‍डानुमे।”

मरकुस 14:62

येसुडे़ॽ लुसु, “इँहिॽ कानोॽ ले़ङे, मोबा इक्‍याक हे़निङे़ॽ याॽमिमि पसा चोप्‍पाङ बेॽएम्‍मा निवाहाङ्‌मि चुप्‍थिङ्‌लाम पेम्‍बॽआनुङ नान्‍द्‌रुङ्‌माबेॽहा खिम्‍मिॽवानुङ उङ्‌मे़ॽनिङ्‌सिबॽआ खाङ्‌डोइन्‍डानुमे।”

मरकुस 8:38

मोबा इघा बिस्‍वास मे़ॽनिङ्‌हा पापिनुङ बेभिचार ले़ःॽखुबा पुस्‍ताबेॽहा असा असे़ॽ कानुङ, मोबा के़ए़ बचनबेॽ बिस्‍वास ले़ःॽमा ङेसिम्‍मे, ए़क्‍साङ का याॽमिमि पसासो निवाहाङ पाबामि महिमा लानुङ थाङ्‌सिरि दुतजिनुङ लेम्‍माबेॽ माहा याॽमिजिनुङ ङेसिङे।”

एप्‍पा चोङ्‌सा 24:15

खोजिमिडोक्‍नोॽ धरमिजिनुङ पापिजि सिघे़ॽनुङ फेरि हिङ्‌बोॽइम्‍मे लुमे खामि आसा काबेॽसो टुये।

रोमि 15:13

आसा पिघुबा निवाहाङ्‌डे़ॽ हे़निङ्‌मि बिस्‍वासबाङ हाङ्‌हाङ्‌नुङ सान्‍ति बेॽलो येॽपेॽरो। मोडोक्‍नोॽ पबित्‍रा होङ्‌निवामि सक्‍तिडे़ॽ हे़निङ्‌मि आसा छना वाबोक्‍लो।

रोमि 5:5

मोबा कानिङे़ॽ चुप्‍पॽआ मो आसाडे़ॽ निरास टोङ्‌निबा, इन्‍ढोङ्‌होङ निवाहाङ्‌डे़ॽ कानिङ पिबॽआ पबित्‍रा होङ्‌निवाबाङ खोमि नम्‍नम कानिङ्‌मि निवा इॽठुप युङ्‌बेटे़।

रोमि 8:18

इगो हिङ्‌मवाबेॽ आङ्‌बॽआ दुःख खेःबाङ ए़क्‍साङ कानिङे़ॽ चुप्‍मिये महिमा चाहिँ बेॽए ले़ये।

१ कोरिन्‍थि 1:7

मोडोगे़ॽ कानिङ्‌मि परभु येसु खिरिस्‍टमि राम खाङ्‌साङ हुङ्‌माबेॽ हे़निङ इमाङ बरदानमिसो खाँचो सिॽनिबा।

२ कोरिन्‍थि 4:4

खोजिमि टुम्‍बेॽ लुमाहोङ बिस्‍वास मे़ले़ःॽखुबा याॽमिजिमि लेमे निवानोॽ मक्‍खाम्‍डेमबेॽए मङे़ॽमा चाप सैतानडे़ॽ मिक्‍सुरुम्‍बा टोङ्‌बेटे़। मोडोगे़ॽ खिरिस्‍ट लुबॽआ निवाहाङ्‌मि नरिङ ले़ये लुमे खा खोमि महिमानुङ्‌मा सुसमाचार माहाजिडे़ॽ लेहेसुजिने।

२ कोरिन्‍थि 4:6

“सेन्‍जुगुपमि रुम्‍बेॽ जोति लिरो” लुघुबा निवाहाङ्‌डे़ॽनोॽ खोमि जोति कानिङ्‌मि निवाबेॽ युङ्‌बेटे़। मो जोतिबाङ निवाहाङ इन्‍डोक बेॽलो ओहाङ्‌नुङ्‌मा ले़ये लुमे खा कानिङे़ॽ लेन्‍डुङ्‌मे़। चइबानोॽ मो जोति चाहिँ येसु खिरिस्‍टबाङ खाङ्‌मुटे़।

कलस्‍सि 1:23

चइबानोॽ हे़निङ टाङ्‌बामि बिस्‍वासबेॽ दिगोनुङ बोलियो लिसानिङे। हे़निङे़ॽ खेम्‍बॽआ सुसमाचारमि आसाबेॽ सानिङ पेनानिङे। इगो सुसमाचारनोॽ सिरिस्‍टिबेॽहा चोप याॽमिजि खेम्‍मेॽपॽआ ले़ये। इगो सुसमाचार खेम्‍मेॽमामि लागिनोॽ का पावल सेवाक लिटिङे।

कलस्‍सि 1:27

इगो लेमा छॽइये खा हाइखा जातिजिबेॽ बेॽलो महान ले़ये। मो खा टाङ्‌बामि याॽमिजि खाङ्‌मुमामि निवाहाङ्‌डे़ॽ से़ङ्‌इटे़। इगो लेमा छॽइये खा चाहिँ खिरिस्‍ट हे़निङ्‌बेॽ टुये लुमे खा ले़ये, खो महिमामि आसा ले़ये।

कलस्‍सि 1:5

इगो चाहिँ हे़निङ्‌मि लागि थाङ्‌सिरिबेॽ युङ्‌बॽआ आसाडे़ॽ ले़ःॽमे़ॽ इडोक्‍मा बिस्‍वासनुङ नम्‍नम ले़ए़टानुमे। इगो आसामि टुम्‍बेॽ याक्‍लोबाङ्‌नोॽ हे़निङे़ॽ चाइबानोक्‍मा बचन, अथबा सुसमाचारबेॽ खेम्‍इटानुमे।

कलस्‍सि 3:4

खिरिस्‍ट कानिङ्‌मि हिङ्‌मवा ले़ये। खो खाङ्‌मुमाबेॽ हे़निङ्‌सो खोनुङ्‌नोॽ सोरि महिमाबेॽ खाङ्‌मुन्‍डानिङे।

२ थेस्‍लोनिकि 2:16

कानिङ्‌मि परभु येसु खिरिस्‍टडे़ॽनुङ पाबा निवाहाङ्‌डे़ॽ कानिङ नम्‍नम ले़टा मोबा खोमि अनुग्‍रहाबाङ इन्‍डोक्‍पेॽसो रुक्‍खे़ॽनिहा आसानुङ हौसला पिसा।

२ थेस्‍लोनिकि 2:8

मोबा ए़क्‍साङ मो ब्‍यबस्‍था पालना मे़ले़ःॽखु खाङ्‌मुये। मोबा परभु येसुमि बचनडे़ॽ नासि ले़न्‍डुए मोबा खो लेम्‍माबेॽ उज्‍यालो जोतिमि सक्‍तिडे़ॽ मो नासि लेन्‍डुए।

१ तिमोथि 1:1

कानिङ मुक्‍ति पिघुबा निवाहाङ्‌नुङ आसा पिघुबा येसु खिरिस्‍टडे़ॽ आग्‍या पिडिडोॽ का पावल खोमि एप्‍पा चोङ्‌सा लिसिङ।

२ तिमोथि 1:2

के़ए़न्‍नोॽ पसाडोॽमा तिमोथि हे़न इगो पत्‍रा साप्‍मे़ॽनिङ्‌सिन्‍ने़। कानिङ्‌मि निवाहाङ पाबानुङ परभु येसु खिरिस्‍टडे़ॽ अनुग्‍रहा, किरपानुङ सान्‍ति हे़न पिरो।

२ तिमोथि 4:1

निवाहाङ्‌मि पोम्‍बेॽ मोबा सिघे़ॽपॽआजिनुङ हिङ्‌रिकजिमि न्‍याय ले़ःॽसिॽ लेङ्‌खुबा खिरिस्‍ट येसुमि पोम्‍बेॽ मोबा खिरिस्‍ट लेङ्‌इये खानुङ खोमि राज्‍य निवाबेॽ मिॽसाङ के़ॽ हे़न इडोॽ आग्‍या ले़न्‍ने़,

२ तिमोथि 4:8

हागोगो के़ॽ निवाहाङ्‌मि पोम्‍बेॽ ले़ःॽपॽआ नुबा योम्‍बोकमि धारमिक मुकुट चुप्‍मे बेला लेङ्‌इटे़। मो मुकुट न्‍याय ले़ःॽखुबा परभुडे़ॽ नुबा बेलाबेॽ का पिये, इगो मुकुट कारेॽनोॽ ने़ॽनि, खोमि रामबेॽ नुरोॽ राम्‍साङ खोमि राम खाङ्‌खुबा धरमि याॽमिजि चोपनोॽ खोसे़ॽ पिन्‍डुजे।

तितस 1:2

मो बिस्‍वासनुङ निवा चाहिँ ए़ॽसिघे़ॽमे हिङ्‌मवामि आसबेॽ टुये, मोबा इन्‍डोक्‍पेॽसो मे़रेम्‍डेॽखुबा निवाहाङ्‌डे़ॽ याक्‍लोएम्‍बाङ कानिङ इगो हिङ्‌मवा पिनिम्‍ने़ लुनुङ हेन्‍ज्‍रुङ ले़ए़टुए।

तितस 1:4

इक्‍को बिस्‍वासबेॽ टुये के़ए़ चाइबमा पसाडोॽमा तितस, निवाहाङ पाबानुङ मुक्‍तिदाङ्‌बा खिरिस्‍ट येसुबाङ अनुग्‍रहानुङ सान्‍ति।

तितस 3:4

तर इन्‍डोक्‍पेॽ, कानिङ्‌मि मुक्‍ति पिघुबा निवाहाङ्‌मि नम्‍नावानुङ नम्‍नम खाङ्‌मुसा।

हिब्‍रु 9:28

मोडोक्‍नोॽ बेॽलो याॽमिजिमि पाप नास ले़ःॽमामि खिरिस्‍टसो इक्‍खेॽ बलि लिसा। खो फेरि लेम्‍माबेॽ पापबाङ आम्‍लाङ पिमामि ने़ॽनि, तर खोमि राम खाङ्‌नुङ हुङ्‌घुबाजि मुक्‍ति पिसिॽ लेङ्‌इये।

१ पत्‍रुस 1:3

कानिङ्‌मि परभु येसु खिरिस्‍टमि पाबा निवाहाङ्‌मि ओहाङ लिरो। येसु खिरिस्‍ट सिबॽआबाङ हिङ्‌बोक्‍खुबा निवाहाङ्‌मि महान नम्‍नावाडे़ॽ कानिङ चोङ हिङ्‌मवा पिसा, मोडोगे़ॽ सिघे़ॽनिये आसा कानिङे़ॽ चुप्‍मिटुङ्‌मे़।

१ पत्‍रुस 1:7

नास लिनुङ खे़ये सुनानोक्‍सो मिडे़ॽ हिॽनुङ निखुर टोङ्‌मामि जाँच ले़ःॽमा खे़येहोङ हे़निङ्‌मि बिस्‍वासगो मो सुनाबाङ्‌सो इन्‍डोक बेॽलो मोलनुङ्‌मा ले़ये। मोडोगे़ॽ हे़निङ्‌मि इगो बिस्‍वास पक्‍का ले़येन्‍डे ले़ःॽनिबा लुनुङ खाल खालहा दुःखनुङ खेःबाङ जाँच लिये। इडोॽ ले़ःॽमाबेॽ हे़निङ्‌मि बिस्‍वास पक्‍का लियेनुङ येसु खिरिस्‍ट लेम्‍मा यिडे़ॽ हे़निङे़ॽ ओहाङ, महिमानुङ आदर चुप्‍मिन्‍डानुमे।

२ पत्‍रुस 1:1

का सिमोन पत्‍रुस येसु खिरिस्‍टमि सेउतेनुङ एप्‍पा चोङ्‌साडे़ॽ इगो पत्‍रा साप्‍मिटुङे। के़ॽ इगो पत्‍रा कानिङ्‌मि निवाहाङ्‌नुङ मुक्‍तिदाङ्‌बा येसु खिरिस्‍टमि धारमिक खाबाङ कानिङे़ॽ चुप्‍पॽआडोॽमा बेॽलो मुल्‍यनुङ्‌मा बिस्‍वास चुप्‍खुबा चोपजिमि लागि साप्‍मे़ॽनिङ्‌सिनुङे।

२ पत्‍रुस 3:18

तर कानिङ्‌मि परभुनुङ मुक्‍तिदाङ्‌बा येसु खिरिस्‍टमि अनुग्‍रहानुङ निवाबेॽ छना बेॽलो लिघडानिङे। खोमि हागोनुङ सानिङ महिमा लिरो। आमेन।

१ युहन्‍ना 4:14

निवाहाङ पाबाडे़ॽ टाङ्‌बामि पसा मक्‍खाम्‍डेमबेॽहा याॽमि मुक्‍ति पिसिॽ पाङ्‌बॽआ कानिङे़ॽ खाङ्‌डोक्‍टुङ्‌मा मोबा मो खामि साक्‍छि पिन्‍डुङ्‌मा।

यहुदा 1:21

हे़निङ निवाहाङ्‌डे़ॽ ले़ःॽपॽआ नम्‍नमबेॽ सानिङ हिक्‍सानिङे, मोबा परभु येसुमि अनुग्‍रहाबाङ चुप्‍मिये ए़स्‍सिमे हिङ्‌मवा हुक्‍सानुमे।

परकास 1:7

खाक्‍सानुमे, येसु खिम्‍मिॽवाबेॽ उङ्‌मे़ॽनिङ्‌सिये। चोबे़ॽ खो खाङ्‌डोक्‍इन्‍डुजे, खो खाक्‍खुबाजिडे़ॽसो खाङ्‌डोक्‍इन्‍डुजे, इगो मक्‍खाम्‍डेमबेॽहा चोप जातिजिडे़ॽ सोक ले़न्‍डुजे। इडोक्‍नोॽ लिरो, आमेन।