1 तर हे़ने़ॽ चाहिँ टाङ्बे़ॽ चिम्बॽआ चाइबमा खारेॽ इःॽमे।
बेभिचारिजि, वडाङ्पसानुङ वडाङ्पसा बेभिचार ले़ःॽखुबाजि, याॽमि खुनुङ लाघे़ॽखुबाजि, रेम्डेॽखुबाजिनुङ ने़ॽनिहा खामि गबाहि पिघुबाजि, मोबा नुबा सिक्छेमि टेडिघरिक योम्बोक ले़ःॽखुबाजिमि लागि टोङ्बॽआ ले़ये।
आढाजि मे़ॽनोक्हा सिक्छे इःॽखुबा टुम्मेनुङ कानिङ्मि परभु येसु खिरिस्टमि बचननुङ निवाहाङ्मि भक्ति ले़ःॽमे सिक्छे खेप्सुजिने।
येसु खिरिस्टबेॽ टुबॽआ बिस्वासनुङ नम्नमबेॽ हे़न के़ॽ पिबॽआ चइबाहा सिक्छे नुरोॽ पालना ले़ःॽनुङ नुबा नमुना लिसे।
इगो सिक्छे कानिङे़ॽ इःॽपॽआडोक्नोॽ लिमा खे़ये, मोबा कानिङ बिरोध ले़ःॽखुबाजिमि गल्तिसो खाङ्मुहेमामि लागि टाङ्बे़ॽ चुप्पॽआ चाइबानोक्मा सिक्छेबेॽ राम्खुबानुङ हाइखाजिसो इडोक्मा सिक्छे पिनुङ बोल पिहेखुबा लिमा खे़ये।
इगो खा चइबानोॽ ले़ये। निवाहाङ्बेॽ बिस्वास ले़ःॽखुबाजिडे़ॽ नुबा योम्बोक्पेॽ निवा टिसानुमे लुनुङ हे़ने़ॽ इन्डोॽहोङ्सो इःॽपॽआ के़ॽ नेन्जानुङे। इघा नुबा योम्बोक ले़ःॽमाबेॽ हाइखाजिमि लागि सारो नुबानुङ फाइदामि खा लिये।
यामुमे बरदान चुप्खुबे़ॽ निवाहाङ्मि बचन यामुसुजिरो, सेवा ले़ःॽखुबे़ॽ निवाहाङ्मि सक्तिबाङ सेवा ले़टुरो। मोडोक्नोॽ येसु खिरिस्टबेॽ चोप खाबाङ निवाहाङ्मिन्नोॽ महिमा लिरो। सानिङ खोमिन्नोॽ चोप्पाङबेॽए आदरनुङ माहिमा लिरो। आमेन।
