तितस 1:9 - याम्फु

⁹ इगो सिक्‍छे कानिङे़ॽ इःॽपॽआडोक्‍नोॽ लिमा खे़ये, मोबा कानिङ बिरोध ले़ःॽखुबाजिमि गल्‍तिसो खाङ्‌मुहेमामि लागि टाङ्‌बे़ॽ चुप्‍पॽआ चाइबानोक्‍मा सिक्‍छेबेॽ राम्‍खुबानुङ हाइखाजिसो इडोक्‍मा सिक्‍छे पिनुङ बोल पिहेखुबा लिमा खे़ये।

तितस 1:9 Iomraidhean Croise

एप्‍पा चोङ्‌सा 18:28

इन्‍ढोङ्‌होङ याॽमिजिमि पोम्‍बेॽ मोबेॽहा यहुदिजिनुङ काघुसे़ॽ चुनुङ माहाजिमि बिरोध ले़ःॽनुङ खोसे़ॽ धारमिक नेॽचिरामि खाबाङ येसु खिरिस्‍टनोॽ छुट्‌कारा पिघुबा ले़ये लुनुङ पक्‍का ले़ःॽपेॽटुजि।

१ कोरिन्‍थि 14:24

तर चोबे़ॽ अगमबानि इःमे़ॽनिङ्‌सिमाबेॽ अबिस्‍वासि अथबा बरदानमि टुम्‍बेॽ मे़लेघुबा याॽमि मोबेॽ टुहोङ्‌सो खोसे़ॽ खेम्‍बॽआ खाडे़ॽ टाङ्‌बा पापि ले़ङे़ले़ लुनुङ लेडोक्‍इन्‍डुए। मोबा मो अगमबानिबाङ मो याॽमि खोमटाङ्‌बानोॽ आप्‍टिकनुङ्‌मा लिये।

१ थेस्‍लोनिकि 5:21

तर अगमबानि नुरोॽ जाँच ले़टानुमे, मोबा नुबा खाबेॽ निवा टिसानुमे।

२ थेस्‍लोनिकि 2:15

मोडोगे़ॽ वावानिसानुङ नानुसाजि, बिस्‍वासबेॽ बोलियो लिनुङ पेनानिङे, मोबा कानिङे़ॽ हे़निङ इःॽपॽआ सिक्‍छेहोङ्‌सो अथबा कानिङ्‌मि पत्‍राबाङ लुबॽआ खाबाङ्‌होङ्‌सो हे़निङे़ॽ कानिङ्‌बाङ चुप्‍पॽआ सिक्‍छेडे़ॽ लुडिडोॽ नुरोॽ ले़टानुमे।

१ तिमोथि 1:10

बेभिचारिजि, वडाङ्‌पसानुङ वडाङ्‌पसा बेभिचार ले़ःॽखुबाजि, याॽमि खुनुङ लाघे़ॽखुबाजि, रेम्‍डेॽखुबाजिनुङ ने़ॽनिहा खामि गबाहि पिघुबाजि, मोबा नुबा सिक्‍छेमि टेडिघरिक योम्‍बोक ले़ःॽखुबाजिमि लागि टोङ्‌बॽआ ले़ये।

१ तिमोथि 1:15

“येसु खिरिस्‍ट पापिजि पापबाङ हिङ्‌मे़ॽसिॽ इगो मक्‍खाम्‍डेमबेॽ लेम्‍बॽआ” खा बिस्‍वासि चोबे़ॽ लेन्‍डुजे। इगो खा चाइबानोक्‍मा ले़येनुङ चोबे़ॽ पुरा बिस्‍वास ले़ःॽमा खे़ये।

१ तिमोथि 1:19

मोडोक्‍पेॽ हे़ने़ॽ आमटाङ्‌बामि बिस्‍वास, मोबा नुबानुङ मङे़ॽमा लेमे निवा नुरोॽ हुप्‌युङ्‌मे़। मो निवाडे़ॽ लुबॽआ खा मे़ङ्‌खे़म्‍खुबाजिडे़ॽ टाङ्‌बामि बिस्‍वासनोॽ मे़चोबेसुजि।

१ तिमोथि 4:9

इगो खा चाइबमानोॽ ले़येनुङ चोबे़ॽ खेम्‍नुङ मोडोक्‍नोॽ ले़ःॽमा खे़ये।

१ तिमोथि 6:3

आढाजि मे़ॽनोक्‍हा सिक्‍छे इःॽखुबा टुम्‍मेनुङ कानिङ्‌मि परभु येसु खिरिस्‍टमि बचननुङ निवाहाङ्‌मि भक्‍ति ले़ःॽमे सिक्‍छे खेप्‍सुजिने।

२ तिमोथि 1:13

येसु खिरिस्‍टबेॽ टुबॽआ बिस्‍वासनुङ नम्‍नमबेॽ हे़न के़ॽ पिबॽआ चइबाहा सिक्‍छे नुरोॽ पालना ले़ःॽनुङ नुबा नमुना लिसे।

२ तिमोथि 2:2

बेॽलो साक्‍छि पिघुबा याॽमिजिमि रुम्‍बेॽ हे़ने़ॽ काबाङ चिम्‍बॽआ सिक्‍छे, नुरोॽ इःॽलेघुबा हाइखा बिस्‍वासि याॽमिजिमि जिम्‍माबेॽ पिसाजे।

२ तिमोथि 2:25

खो टाङ्‌बामि बिरोधि याॽमिजि चानुये खाडे़ॽ चोप्‍हेखुबा लिमा खे़ये। मोडोक्‍होङ्‌रेॽ निवाहाङ्‌डे़ॽ खोजि पापि मरामबाङ टेआप्‍नुङ चाइबमा खा लेहेमे निवा पिन्‍डुजेन्‍डे,

२ तिमोथि 3:14

तर हे़न चाहिँ टाङ्‌बे़ॽ आयुरो चिम्‍बॽआ खानुङ बिस्‍वास ले़ःॽपॽआ चाइबमा खाबेॽ सानिङ्‌नोॽ निवा टिसे। हे़ने़ॽ लेन्‍डुहा, माहा खा असा असाबाङ हे़ने़ॽ चिङ्‌इटुहा।

२ तिमोथि 4:3

इन्‍ढोङ्‌होङ इडोक्‍मा याकसो लेङ्‌इये, मोडोक्‍पेॽ याॽमिजिडे़ॽ चाइबमा सिक्‍छे खेम्‍नोॽ खेप्‍सुजिने। माहाजि टाङ्‌बे़ॽ नेन्‍जाबॽआ खारेॽनोॽ खेम्‍मा मिङ्‌इम्‍मे मोबा टाङ्‌बे़ॽ नेन्‍जाबॽआ सिक्‍छे इःॽखुबाजि बेॽलो याॽमिजि सुम्‍इन्‍डुजे।

तितस 1:11

अक्‍खाजिमि योम्‍बोक से़क्‍मानोॽ खे़ये इन्‍ढोङ्‌होङ अक्‍खाजिडे़ॽको इःॽमानोॽ फे़न्‍निहा खा इःॽनुङ चोप खिमबेॽ खिमाचुमा ए़ङ्‌इटुजे। इघा चोप खा माहाजिडे़ॽ याङ टोङ्‌मामि लागिनोॽ इडोॽ ले़ए़टुजे।

तितस 2:1

तर हे़ने़ॽ चाहिँ टाङ्‌बे़ॽ चिम्‍बॽआ चाइबमा खारेॽ इःॽमे।

यहुदा 1:3

लङ्‌गामजि, कानिङ चोबे़ॽ चुप्‍पॽआ मुक्‍तिमि टुम्‍बेॽए खा हे़निङ साप्‍हाङ्‌मा बेॽलो मिॽटुङ। तर मोमि साटो निवाहाङ्‌मि भक्‍ति ले़ःॽखुबाजि सानिङ्‌मि लागि पिबॽआ बिस्‍वास जोगा ले़ःॽयुङ्‌मा खे़ये लुनुङ साप्‍हाङ्‌मा चाहिँ छना नुबा मिॽटुङ।

परकास 2:25

तर का मे़लेन्‍ङ्‌रो हे़निङे़ॽ काबेॽ ले़ःॽपॽआ बिस्‍वास बोलियो युक्‍सानुमे।

परकास 3:11

खेप्‍सानुमे, का चान्‍डोनोॽ लेङ्‌इङे़, हे़निङ्‌मि लागि युङ्‌बॽआ मुकुट असे़ॽसो मे़नाप्‍खे़ॽहेसुरो लुनुङ हे़निङ्‌नुङ टुहा बिस्‍वास नुरोॽ जोगा ले़ःॽयुक्‍सानुमे।

परकास 3:3

मोडोगे़ॽ हे़निङे़ॽ इमाङ खा खेम्‍नुङ बिस्‍वास ले़टानुमे मो नुरोॽ मिॽखाक्‍सानुमे। हे़निङे़ॽ चिम्‍बॽआ खा नुरोॽ पालना ले़टानुमे, मोबा पापि आनिबानि लेडानुमे। हे़निङे़ॽ मोडोॽ मे़ले़टानुमहोङगो हे़निङे़ॽ मे़मिॽपॽआ बेलाबेॽ का खुसुबाङ्‌डोॽ हाजोक्‍टोॽ लेङ्‌इङे़। का इन्‍डोक्‍पेॽ हे़निङ्‌बेॽ लेङ्‌इङे़ मो खा हे़निङे़ॽ लेसानुम्‍नि।