तितस 1:8 - याम्फु

⁸ खो चाबाङ्‌जि सेवा ले़ःॽखुबानुङ नुबा योम्‍बोक नेन्‍जाखुबा, टाङ्‌बामि निवा नुबा योम्‍बोकपेॽ टिघुबा, मे़रेम्‍डेॽखुबा, चोखो निवानुङ्‌मा, निवा टिनुङ योम्‍बोक ले़ःॽखुबा लिमा खे़ये।

तितस 1:8 Iomraidhean Croise

लुका 2:25

मोडोक्‍पेॽ सिमियोन निङ ले़ःॽखुबा याॽमि यरुसलेमबेॽ पेने़। खो धरमि ले़टे़, निवाहाङ्‌मि खा नुरोॽ खेम्‍खुबा ले़टे़। खोसे़ॽ इस्‍राएलिजि मुक्‍ति पिघुबा इक्‍को याॽमि ले़ङ्‌इये लुनुङ राम खाङ्‌मे़ॽनिङ्‌सिडुए। खोनुङ पबित्‍रा होङ्‌निवा टुसे़।

एप्‍पा चोङ्‌सा 24:25

तर पावलडे़ॽ खा इःघे़ॽमाबेॽ इडोॽ लुसु, “निवाहाङ्‌मि धारमिक आग्‍याडे़ॽ लुडिडोॽ योम्‍बोक ले़ःॽमा खे़हा, कानिङ्‌मि निवा नुबा योम्‍बोकपेॽ टिमा खे़हानुङ, निवाहाङ्‌मि न्‍यायमि याक लेम्‍मे़ॽनिङ्‌सिये” लुमाबेॽ फेलिक्‍सडे़ॽ किस्‍सिसाङ पावल लुसु, “हागो हे़न खडे, हाइखा खा वागिया सिङ्‌आ इःमा सिॽहोङ के़ए़न्‍ने़।”

१ थेस्‍लोनिकि 2:10

हे़निङ बिस्‍वासिजिनुङ टुमाबेॽ कानिङ पबित्‍रा, धरमिनुङ आप्‍टिक मे़ॽनिङ पेनिङ्‌मा। इगो खामि लागि साक्‍छि निवाहाङ्‌नुङ हे़निङ्‌नोॽ टुन्‍डानिङे।

१ तिमोथि 3:2

मोडोगे़ॽ मन्‍डलिमि पास्‍टर आप्‍टिक मे़ॽनिङ्‌मा लिमा खे़ये, खो इक्‍कोरेॽ फुङ्‌सया ले़ःॽखुबा, खो टाङ्‌बामि निवा नुबा योम्‍बोक्‍पेॽ टिहेघुबा, बुजाकिनुङ आदरनुङ्‌मा लिमा खे़ये। चबाङ्‌जि नुरोॽ ले़ःॽखुबानुङ याॽमिजि नुरोॽ इःॽलेघुबा लिमा खे़ये।

१ तिमोथि 4:12

हे़न वेन्‍जा ले़ःॽपॽआसे़ॽ हे़न असे़ॽसो हेला मे़ले़ःॽहेमिरो। तर नुबा खारेॽ यामुमे, नुबा चाल चलन, नम्‍नम, बिस्‍वासनुङ चोखो हिङ्‌मवा हिङ्‌नुङ बिस्‍वासिजिमि लागि इघा खाबेॽ हे़न नमुना लिसे।

१ तिमोथि 6:11

तर तिमोथि हे़न निवाहाङ्‌मि याॽमि, इघा चोप खालहा मङे़हा खाबाङ ओ पेम्‍मे। मोबा निवाहाङ्‌मि पोम्‍बेॽ नुबा लिमे, निवाहाङ आदर पिमे, निवाहाङ्‌बेॽ बिस्‍वास ले़ःॽमे, नम्‍नम ले़ःॽमे, धैरिय ले़ःॽमे, ए़डे़म्‍मा लिनुङ पेम्‍मे इघा चोप खाबेॽ निवा टिसे।

२ तिमोथि 2:22

मोडोगे़ॽ वेन्‍जा टुमाबेॽ लेङ्‌इहा मङे़हा लालचाबाङ ओः पेने। मोबा चोखो निवाडे़ॽ परभुमि निङ लाघुबा धरमि याॽमिजिनुङ सोरि बिस्‍वास, नम्‍नमनुङ सान्‍तिबेॽ पेने।

२ तिमोथि 3:3

असासो नम्‍नम मे़ले़ःॽखुबाजि, आम्‍लाङ मे़म्‍पिघुबाजि, याॽमिजिमि मङे़हा खा खिडिखुबाजि, मङे़हा चालनुङ्‌हाजि, दुस्‍टाजिनुङ नुबा खा मे़नेन्‍जाखुजि लिम्‍मे, टाङ्‌बा अधिनबेॽ मे़युङ्‌हेघुबा ले़म्‍मे।

तितस 2:7

हे़न आमटाङ्‌बा चोप नुबा योम्‍बोकपेॽ खोजिमि लागि नमुना लिसे। मोबा निवादाङ्‌बानुङ भरोसानुङ्‌मा लिसे।

१ युहन्‍ना 3:14

कानिङे़ॽ लेमा खे़ये, कानिङ्‌गो सिघे़ये हिङाबाङ हिङ्‌रिक हिङ्‌मवाबेॽ सेम्‍बेटिङ्‌मा, इन्‍ढोङ्‌होङ कानिङे़ॽ बिस्‍वासि वावानिसानुङ नानुसाजि नम्‍नम ले़न्‍डुङ्‌मा। असे़ॽ बिस्‍वासि वावानिसानुङ नानुसाजि नम्‍नम ले़टुजिने माहाजि सिमवामि अधिनबेॽ सानिङ टुम्‍मे।

१ युहन्‍ना 5:1

येसुनोॽ खिरिस्‍ट ले़ये लुनुङ बिस्‍वास ले़ःॽखुबाजि चोप निवाहाङ्‌मि पसाजि ले़म्‍मे। असे़ॽ निवाहाङ पाबा नम्‍नम ले़न्‍डुए, मोसे़ॽ निवाहाङ्‌मि पसासो नम्‍नम ले़न्‍डुए।