तितस 1:2 - याम्फु

² मो बिस्‍वासनुङ निवा चाहिँ ए़ॽसिघे़ॽमे हिङ्‌मवामि आसबेॽ टुये, मोबा इन्‍डोक्‍पेॽसो मे़रेम्‍डेॽखुबा निवाहाङ्‌डे़ॽ याक्‍लोएम्‍बाङ कानिङ इगो हिङ्‌मवा पिनिम्‍ने़ लुनुङ हेन्‍ज्‍रुङ ले़ए़टुए।

तितस 1:2 Iomraidhean Croise

मत्‍ति 25:34

मोबा हाङ्‌बाडे़ॽ टाङ्‌बामि चुप्‍थिङ्‌लामबेॽहाजि लुन्‍डुजे, ‘आबानिङे, के़ए़ पाबाबाङ आसिस चुप्‍खुबाजि! मक्‍खाम्‍डेम सिरिस्‍टि लिबॽआबाङ हे़निङ्‌मि लागि पोरोक्‍नुङ युङ्‌बॽआ राज्‍यबेॽ अधिकार ले़टानुमे।

मत्‍ति 25:46

मोबा इघाजि इन्‍डोक्‍पेॽसो सिघे़ॽनिबा मिबेॽ सिॽइम्‍मे, तर धरमिजिडे़ॽ इन्‍डोक्‍पेॽसो सिघे़ॽनिये हिङ्‌मवा चुप्‍मिन्‍डुजे।”

मरकुस 10:17

येसु मो ठाउँबाङ खे़ॽपेसिॽ पोरोक्‍माबेॽ इक्‍को याॽमि पिन्‍जानुङ खोमि सराङ्‌बेॽ उःक्‍मानुङ इडोॽ लुसु, “हे नुबा गुरु, ए़स्‍सिमे हिङ्‌मवा टोक्‍मामि लागि के़ॽ इमाङ ले़ःॽमा खे़ये ?”

मरकुस 10:30

सये गुना बेॽलो चुप्‍मिन्‍डुए। खेःनुङ चुङ्‌जामा खेःरेॽ ने़ॽनि खोसे़ॽ पाबा मामा, पसाजि, वावानिसाजि, नानुसाजिनुङ खिम जग्‍गा इगो हिङ्‌मवाबेॽनोॽ चुप्‍मिन्‍डुए मोबा ए़क्‍साङ्‌ए ए़स्‍सिमे हिङ्‌मवासो चुप्‍मिन्‍डुए।

युहन्‍ना 10:28

माहाजि के़ॽ ए़ॽसिमे हिङ्‌मवा पिनुङ्‌हाजि। मोबा खोजि इन्‍डोक्‍पेॽसो नासि लिमिनेनुङ असे़ॽसो काबाङ खोजि ङाप्‍खे़ॽहेसुजिने।

युहन्‍ना 17:2

इन्‍ढोङ्‌होङ हे़ने़ॽ खो पिबॽआ चोप याॽमिजि खोसे़ॽ ए़ॽसिमे हिङ्‌मवा पिहेसुजिरो लुनुङ चोप याॽमिजिसोक्‍पेॽ खो अधिकार पिटुए।

युहन्‍ना 17:24

“पाबा, के़ॽ मिॽइनुङे, हे़ने़ॽ का पिबॽआजि कानुङ्‌नोॽ सोरि टुमिरो, मोबा हे़ने़ॽ का पिबॽआ के़ए़ महिमा खोजिडे़ॽ खाङ्‌डोक्‍टुजिरो। मो महिमा चाहिँ मक्‍खाम्‍डेम सिरिस्‍टि लिमा याक्‍लोएबाङ्‌नोॽ हे़ने़ॽ का नम्‍नम ले़ःॽपॽआसे़ॽ पिबॽआ ले़टे़।

युहन्‍ना 5:39

हे़निङे़ॽ धारमिक नेॽचिरा योॽइन्‍डानुमे इन्‍ढोङ्‌होङ मोसे़ॽनोॽ हे़निङ ए़ॽसिमे हिङ्‌मवा पिये लुनुङ मिॽइन्‍डानुमे। मो धारमिक नेॽचिराडे़ॽ काङ्‌मि टुम्‍बेॽ लुये।

युहन्‍ना 6:54

काङ्‌मि हिङा चाघुबानुङ काङ्‌मि हरि उङ्‌घुबाडे़ॽ ए़स्‍सिमे हिङ्‌मवा चुप्‍मिन्‍डुएनुङ ए़क्‍साङ्‌ए याकपेॽ के़ॽ खो हिङ्‌बोइनुङे।

युहन्‍ना 6:68

मोबा सिमोन पत्‍रुसडे़ॽ लुसु, “हे परभु, कानिङ असाबेॽ खे़ॽमे ? हे़नबेॽरेॽ ए़स्‍सिमे हिङ्‌मवा पिघु बचन टुये।

एप्‍पा चोङ्‌सा 15:18

लुनुङ परभु निवाहाङ्‌डे़ॽ लुये। खोसे़ॽ बेॽलो याक्‍लो इगो खा इःबॽआ ले़टे़।

रोमि 1:2

मो सुसमाचारमि टुम्‍बेॽ निवाहाङ्‌डे़ॽ याक्‍लोएम्‍बाङ्‌नोॽ खोमि अगमबक्‍ताजिबाङ पबित्‍रा धारमिक नेॽचिराबेॽ हेन्‍ज्‍रुङ हे़म्‍बॽआ ले़टे़।

रोमि 16:25

हागो कानिङ चोबे़ॽ निवाहाङ्‌मि आदरनुङ ओहाङ ले़ःॽमा। के़ॽ खिरिस्‍टमि टुम्‍बेॽ परचार ले़ःॽपॽआ खानुङ सुसमाचारबाङ खोसे़ॽ हे़निङ बिस्‍वासबेॽ बोलियो टोङ्‌हेये। इगो सुसमाचार निवाहाङ्‌डे़ॽ बेॽलो निङ याक्‍लोएबाङ चुम्‍नुङ युङ्‌बॽआ ले़टा।

रोमि 2:7

इन्‍डोक जनाडे़ॽ नुबा योम्‍बोक सानिङ ले़न्‍डुजेनुङ निवाहाङ्‌मि महिमा, इजेत, ए़ॽसिमे हिङ्‌मवा योॽइन्‍डुजे, माहाजि निवाहाङ्‌डे़ॽ एॽसिमे हिङ्‌मवा पिन्‍डुजे।

रोमि 5:2

मोबा खोसे़ॽ कानिङ बिस्‍वासबाङ निवाहाङ्‌मि अनुग्‍रहाबेॽ लाजे़टे़। आइ कानिङे़ॽ मो अनुग्‍रहाबाङ आम्‍लाङ चुप्‍मिटुङ्‌मे, मोबा निवाहाङ्‌मि महिमाबेॽ सोरि लिडोक्‍इन्‍डिङ्‌मा लुमे आसाबेॽ कानिङ साप्‍थाङ्‌इन्‍डिङ्‌मे़।

रोमि 5:21

मोडोक्‍पेॽनोॽ पापडे़ॽ याॽमिजिबेॽ सिमवा लेस्‍सा, मोसे़ॽ याॽमिजिबेॽ अधिन ले़टिडोक्‍नोॽ आइ निवाहाङ्‌मि अनुग्‍रहाडे़ॽ अधिन ले़ःॽमे़ॽनिङ्‌सिन्‍डुए। मो अनुग्‍रहाडे़ॽ कानिङ निवाहाङ्‌मि पोम्‍बेॽ धरमि ठरबा ले़ःॽनुङ परभु येसु खिरिस्‍टबाङ सिघे़ॽनिये हिङ्‌मवा चुप्‍मिन्‍डुङ्‌मे।

रोमि 5:4

योङ आङ्‌हेमे बोलडे़ॽ कानिङ नुबा बानि बेहोराबेॽ परिपक्‍का टोङ्‌इये, मोबा मोसे़ॽनोॽ कानिङ्‌बेॽ मुक्‍तिमि आसा लेङ्‌इये।

रोमि 6:23

इन्‍ढोङ्‌होङ पापमि नमयाक चाहिँ सिमवा ले़ये, तर निवाहाङ्‌डे़ॽ खिरिस्‍ट येसु परभुबाङ कानिङ मोडोक्‍नोॽ पिमे बरदान चाहिँ ए़ॽसिमे हिङ्‌मवा ले़ये।

कलस्‍सि 1:27

इगो लेमा छॽइये खा हाइखा जातिजिबेॽ बेॽलो महान ले़ये। मो खा टाङ्‌बामि याॽमिजि खाङ्‌मुमामि निवाहाङ्‌डे़ॽ से़ङ्‌इटे़। इगो लेमा छॽइये खा चाहिँ खिरिस्‍ट हे़निङ्‌बेॽ टुये लुमे खा ले़ये, खो महिमामि आसा ले़ये।

१ थेस्‍लोनिकि 2:15

माहा यहुदिजिडे़ॽनोॽ परभु येसुनुङ अगमबक्‍ताजि सेॽनेसुजि मोबा कानिङ्‌सो यिगामि। अक्‍खाजिमि योम्‍बोगे़ॽ निवाहाङ हाःप्‍मेटुजे, मोबा चोप याॽमिजिमि टेडिघरिक याॽमि लिटामे।

१ थेस्‍लोनिकि 5:8

तर कानिङ्‌गो लेन्‍डामि पसाजि ले़ःॽपॽआसे़ॽ टाङ्‌बा अधिनबेॽ युङ्‌मा खे़ये। कानिङे़ॽ बिस्‍वासनुङ नम्‍नममि हाङ्‌डाङ पाताडोॽ चाङ्‌मा, मोबा मुक्‍ति चाहिँ चे़क्‍चिमि टोपिडोॽ ओम्‍मा।

१ तिमोथि 6:12

हे़ने़ए़ बिस्‍वासमि लागि नुरोॽ ङे ले़टेनुङ ए़ॽसिघे़ॽमे हिङ्‌मवा नुरोॽ जोगा ले़टे। इन्‍ढोङ्‌होङ इगोमि लागिनोॽ हे़न निवाहाङ्‌डे़ॽ के़ए़टे़। मोडोक्‍पेॽ हे़ने़ॽ खिरिस्‍टबेॽ टुये बिस्‍वासमि टुम्‍बेॽ बेॽलो साक्‍छिजिमि पोम्‍बेॽ लुटुए।

१ तिमोथि 6:19

इडोॽ खोजिडे़ॽ ए़क्‍साङ्‌ए चाइबमा हिङ्‌मवामि लागि याङ्‌सरावा सुप्‍सुजिरो। खोजिमि लागि मो ए़क्‍साङ्‌ए हिङ्‌मवामि नुबा जग लिये। मोबारेॽ खोजिडे़ॽ ए़क्‍साङ्‌ए चाइबमा हिङ्‌मवा चुप्‍मिन्‍डुजे।

२ तिमोथि 1:1

खिरिस्‍ट येसुबेॽ टुये हिङ्‌मवामि हेन्‍ज्‍रुङ्‌मि टुम्‍बेॽ खेम्‍मेॽमामि निवाहाङ्‌डे़ॽ मिॽपॽआडोॽ परभु येसु खिरिस्‍टमि एप्‍पा चोङ्‌सा लिमा से़न्‍बॽआ का पावलबाङ,

२ तिमोथि 1:9

निवाहाङ्‌डे़ॽनोॽ कानिङ पापबाङ छुट्‌कारा ले़ःॽनुङ खोमि पबित्‍रा याॽमि लिमामि से़न्‍इटे़। कानिङे़ॽ नुबा योम्‍बोक ले़ःॽपॽआसे़ॽको ने़ॽनि तर खोमटाङ्‌बामि योजनानुङ अनुग्‍रहाडे़ॽ कानिङ पापबाङ छुट्‌कारा ले़टा। इगो अनुग्‍रहा याक्‍लोनोॽ येसु खिरिस्‍टबेॽ कानिङ पिबॽआ ले़टे़।

२ तिमोथि 2:10

मोडोगे़ॽ निवाहाङ्‌डे़ॽ से़म्‍बॽआ याॽमिजिडे़ॽ खिरिस्‍ट येसुबेॽ टुये इन्‍डोक्‍पेॽसो रुक्‍खे़ॽनिबा महिमानुङ्‌मा मुक्‍ति चुप्‍टुजिरो लुनुङ के़ॽ इघा दुःखनुङ खेः आङ्‌मे़ॽनिङ्‌नुङे।

२ तिमोथि 2:13

कानिङ अबिस्‍वासि ले़न्‍डिङ्‌माहोङ्‌सो, खो चाहिँ बिस्‍वास ले़ःॽमारोमा ले़ये, इन्‍ढोङ्‌होङ खोसे़ॽ खोमदाङ्‌बा इन्‍कार ले़ःॽहेसुनिबा।

२ तिमोथि 2:15

हे़न ङेम्‍मा सिॽनिबा पाप्‍निबानुङ निवाहाङ्‌मि बचन नुरोॽ इःॽखुबा योम्‍बोकदाङ्‌बा लिसे, हेरो निवाहाङ्‌मि पोम्‍बेॽ नेन्‍जारोमा लिसे।

तितस 2:13

कानिङे़ॽ ले़ःॽपॽआ आसा पुरा लिमे याकमि राम हुङ्‌इन्‍डुङ्‌मे। मो याक कानिङ्‌मि महान निवाहाङ्‌नुङ कानिङ मुक्‍ति पिघुबा हाङ्‌बा खिरिस्‍टडे़ॽ बेॽए मान चुप्‍मिन्‍डुए।

तितस 2:7

हे़न आमटाङ्‌बा चोप नुबा योम्‍बोकपेॽ खोजिमि लागि नमुना लिसे। मोबा निवादाङ्‌बानुङ भरोसानुङ्‌मा लिसे।

तितस 3:7

मोबा खोमि अनुग्‍रहाडे़ॽ कानिङ निवाहाङ्‌मि पोम्‍बेॽ धरमि लिहेसिङ्‌मा। मोबा कानिङे़ॽ आसा ले़ःॽपॽआ ए़ॽसिघे़ॽमे हिङ्‌मवा चुप्‍हेघुबाजिसो लिहेसिङ्‌मा।

१ युहन्‍ना 2:25

खोसे़ॽ कानिङ पिनिम्‍ने़ लुनुङ हेन्‍ज्‍रुङ हे़म्‍बॽआ खा चाहिँ, ए़ॽसिमे हिङ्‌मवा ले़ये।

१ युहन्‍ना 5:20

निवाहाङ्‌मि पसा लेस्‍सा, मोबा खोसे़ॽ कानिङ चाइबमा निवाहाङ लेमाराप्‍टा। इगो खा कानिङे़ॽ लेन्‍डुङ्‌मे़। हागो येसुडे़ॽ ले़ःॽमे़ॽ कानिङ ए़ॽसिमे हिङ्‌मवा पिघुबा चाइबमा निवाहाङ्‌मि याॽमिजि लिटिङ्‌मा।

यहुदा 1:21

हे़निङ निवाहाङ्‌डे़ॽ ले़ःॽपॽआ नम्‍नमबेॽ सानिङ हिक्‍सानिङे, मोबा परभु येसुमि अनुग्‍रहाबाङ चुप्‍मिये ए़स्‍सिमे हिङ्‌मवा हुक्‍सानुमे।

परकास 13:8

मोबा सेॽनेबॽआ थुमाडे़ॽ खोमि हिङ्‌मवामि नेॽचिराबेॽ मक्‍खाम्‍डेम सिरिस्‍टि लिबॽआबाङ्‌नोॽ माहाजिमि निङ मे़न्‍साप्‍टिॽ। माहाजि चोबे़ॽ मो जिवातमि पुजा ले़न्‍डुजे।

परकास 17:8

हे़ने़ॽ खाङ्‌बॽआ मो जिवात याक्‍लो इकखेॽ टुसे़, तर आयु माॽआये। मो सानिङ्‌मि लागि नासि लिमामि अतल कुन्‍डाबाङ मिॽटु के़ॽसिॽपोरोइटे़। मोबा मक्‍खाम्‍डेम सिरिस्‍टि लिबॽआबाङ हिङ्‌मवामि नेॽचिराबेॽ निङ मे़साप्‍पॽआजिडे़ॽ मो सिघे़ॽपॽआ जिवात फेरि हिङ्‌रिक लिबॽआ खाङ्‌नुङ खरि मिङ्‌इम्‍मे। इन्‍ढोङ्‌होङ मो याक्‍लो हिङ्‌रिक ले़टे़, तर आइ माॽआये सिघे़टे़, फेरि खाङ्‌मुये।