तितस 1:16 - याम्फु

¹⁶ माहाजि निवाहाङ लेन्‍डुङ्‌मे़गो काम्‍मे, तर खोजिमि योम्‍बोकडे़ॽ निवाहाङ सिच्‍चोन्‍डुजे। चिक्‍चि मिॽमारोहानुङ लुबॽआ खा मे़खेम्‍खुबा याॽमिजि इमाङ्‌सो नुबा योम्‍बोक ले़ःॽमा खेन्‍जोसुजिने।

तितस 1:16 Iomraidhean Croise

रोमि 1:28

इडोॽ माहाजिडे़ॽ निवाहाङ आदर पिमा लेॽपेसुजि। मोडोगे़ॽ खोजिडे़ॽ मिॽपॽआडोक्‍नोॽ मङे़ॽमा योम्‍बोक ले़टुङ्‌घे़ॽटुजिरो लुनुङ निवाहाङ्‌डे़ॽ माहाजि योङ्‌मेॽटुजि, मोबा खोजिडे़ॽ ले़ःॽमानोॽ फेन्‍निहा योम्‍बोक ले़टुजि।

एफिसि 5:6

मे़ॽनोक्‍हा खा इःनुङ असे़ॽसो हे़निङ मे़रेम्‍हेमिरो। इडोक्‍हा खाडे़ॽनोॽ निवाहाङ्‌मि खा मे़ङ्‌खेम्‍खुबाजिबेॽ खोमि सुरिक सिॽइये।

१ तिमोथि 1:9

इगो खा लेयाक्‍मा खे़ये, नियमगो नुबा याॽमिमि लागि टोङ्‌बॽआ ने़ॽनि। नियमगो नियम पालना मे़ले़ःॽखुबा, लुबॽआ मे़ङ्‌खे़म्‍खुबा, निवाहाङ्‌नुङ मे़ङ्‌किस्‍सिखुबा, असुदधा, अधरमि, पापि, मोबा टाङ्‌बामि पाबा, मामा सेॽखुबाजि, याॽमि सेक्‍खुबाजि,

१ तिमोथि 5:8

आढाजिडे़ॽ टाङ्‌बाङ्‌जिबाङ्‌सो बेॽलो खिमबेॽहाजि नुरोॽ मे़ङ्‌खाक्‍सुजिहोङ, माहाजिगो चाइबमा बिस्‍वासिनोॽ ने़ॽनिहाजि ले़ःॽमिने। खोजि बिस्‍वास मे़ले़ःॽखुबाजिबाङ्‌सो मङे़हाजि ले़म्‍मे।

२ तिमोथि 3:17

निवाहाङ्‌मि याॽमिजिडे़ॽ चोप नुबा योम्‍बोक ले़ःॽहेसुजिरो लुनुङ्‌नोॽ धारमिक नेॽचिरा पिबॽआ ले़ये।

तितस 3:1

सरकारनुङ सरकारमि योम्‍बोक ले़ःॽखुबा याॽमिजिमि अधिनबेॽ पेम्‍मेनुङ मोबेॽहा याॽमिजिडे़ॽ लुबॽआ खा खेम्‍मे लुनुङ फेरि इःडाजे। माहाजि सानिङ्‌नोॽ नुबा योम्‍बोक ले़ःॽमा पोरोक्‍मा खे़म्‍मे।

तितस 3:3

इन्‍ढोङ्‌होङ कानिङ टाङ्‌बासो याक्‍लो उम्‍बरिङ, लुबॽआ मे़ङ्‌खेम्‍खुबा, मोबा फाङ्‌सिघे़ॽपॽआ ले़टिङ्‌मा। कानिङ मङे़ॽमा खामि अधिनबेॽ टुसिङ्‌मा मोबा बेभिचारनुङ बेॽलो खालहा मङे़हा सुख बिलास ले़ःॽमा मिनिङ्‌मे़। कानिङ चेजेवा ले़ःॽमानुङ पेनिङ्‌मे़। याॽमिजिडे़ॽ सिॽचासामेनुङ कानिङ टाङ्‌बा सिॽचाघुसे़ॽ चुसिङ्‌मे़।

१ युहन्‍ना 2:4

असा चाहिँ “के़ॽ खो लेनुङे़” काये, तर खोमि आग्‍या पालना ले़टुनिबा मोसे़ॽ रेम्‍डेन्‍डुए, मोबा खोबेॽ चाइबमा खा माॽआये।

यहुदा 1:4

इन्‍ढोङ्‌होङ बेॽलो याक्‍लोनोॽ आप्‍टिकनुङ्‌मा लिनुङ दन्‍डामि भागिदार लिबॽआ इक्‍को निप्‍पाङ याॽमिजि खुस्‍रिङमु हे़निङ्‌मि रुम्‍बेॽ पे़ए़म्‍बेटामे। इघाजिडे़ॽ निवाहाङ्‌मि खा खेप्‍सुजिने, इघाजिडे़ॽ निवाहाङ्‌डे़ॽ पिबॽआ अनुग्‍रहा चाहिँ पाप योम्‍बोक ले़ःॽमे मराम टोङ्‌इटुजे। मोबा कानिङ्‌मि इक्‍कोमा डायोङ्‌बानुङ परभु येसु खिरिस्‍ट इन्‍कार ले़न्‍डुजे।

परकास 21:27

असुद्‌ध खा, चिक्‍चिमिॽमारोहा योम्‍बोक ले़ःॽखुबाजिनुङ रेम्‍डेॽखुबाजि असासो मोबेॽ पे़खे़ॽटोक्‍मिने। तर थुमामि हिङ्‌मवामि नेॽचिराबेॽ निङ साप्‍पॽआजिरेॽ पे़खे़ॽडोक्‍इम्‍मे।

परकास 21:8

तर किस्‍सिघुबाजि, बिस्‍वास मे़ॽनिङ्‌हाजि, चिक्‍चिमिॽमारोहा योम्‍बोक ले़ःॽखुबाजि, याॽमि सेॽखुबाजि, बेभिचार ले़ःॽखुबाजि, चटक ले़ःॽखुबाजि, मुरति पुजा ले़ःॽखुबाजिनुङ रेम्‍सिङ्‌जि इघा चोपजि चाहिँ मिनुङ गन्‍धक हाङ्‌मे़ॽनिङ्‌सिबॽआ बेॽए थाउरुमबेॽ सिॽइम्‍मे। इगो सिमवा चाहिँ निच्‍चिमा सिमवा ले़ये।”