रोमि 8:9 - याम्फु

⁹ चइबानोॽ हे़निङ्‌बेॽ निवाहाङ्‌मि होङ्‌निवा टुउहोङ हे़निङ पापि निवामि अधिनबेॽ मान्‍डानिङे, तर पबित्‍रा होङ्‌निवाबेॽ टुन्‍डानिङे। तर कोहि याॽमिबेॽ खिरिस्‍टमि निवा माॽआहोङ्‌गो मो खिरिस्‍टमि ने़ॽनिबा।

रोमि 8:9 Iomraidhean Croise

गलाति 4:6

कानिङ निवाहाङ्‌मिनोॽ पसाजि ले़न्‍डिङ्‌मा लुनुङ खाङ्‌मुमामि खोसे़ॽ टाङ्‌बामि पसामि होङ्‌निवा कानिङ्‌मि निवाबेॽ युङ्‌बेॽटा। मो होङ्‌निवाडे़ॽ ले़ःॽमे़ॽ कानिङ्‌मि निवाडे़ॽ “हे अब्‍बा, हे पाबा” लुन्‍डुए।

१ कोरिन्‍थि 3:16

इमा हे़निङ निवाहाङ्‌मि मन्‍दिर ले़न्‍डानिङे मोबा खोमि होङ्‌निवा हे़निङ्‌बेॽ पेङ्‌इये लुमे खा लेसानुम्‍ने ?

२ तिमोथि 1:14

हे़ने़ए़ जिम्‍माबेॽ पिबॽआ चाइबमा खा कानिङ्‌बेॽ पेङ्‌घुबा पबित्‍रा होङ्‌निवाबाङ जोगा ले़ःॽयुक्‍से।

१ कोरिन्‍थि 6:19

इमा हे़निङ्‌मि हिङा पबित्‍रा होङ्‌निवामि मन्‍दिर ले़ये लुमे खा हे़निङे़ॽ लेसानुम्‍ने ? निवाहाङ्‌डे़ॽ पिबॽआ पबित्‍रा होङ्‌निवानोॽ हे़निङ्‌मि हिङाहोङ्‌सिॽयु पेङ्‌इये। हे़निङ टाङ्‌बानोक्‍सो हे़निङ्‌मि ने़ॽनिबा।

रोमि 8:11

येसु सिबॽआबाङ हिङ्‌बोक्‍खुबा निवाहाङ्‌मि होङ्‌निवा हे़निङ्‌बेॽ टुहोङ, मो होङ्‌निवाडे़ॽ हे़निङ्‌मि सिघे़ये हिङा हिङ्‌मवा पिन्‍डुए।

युहन्‍ना 14:17

खो होङ्‌निवा ले़ये, खोसे़ॽ चाइबमा राम्‍बेॽ राम्‍मा राप्‍मिये। मक्‍खाम्‍डेमबेॽहा याॽमिजिडे़ॽ खोबेॽ बिस्‍वास ले़ःॽहेसुजिने, इन्‍ढोङ्‌होङ मक्‍खाम्‍डेमडे़ॽ ना खो खाङ्‌डोक्‍इन्‍डुजे ना लेन्‍डुजे। तर खो हे़निङे़ॽ लेन्‍डानुमे, इन्‍ढोङ्‌होङ खो हे़निङ्‌नुङ्‌नोॽ टुये, खो हे़निङ होङ्‌सिॽयु पेङ्‌इये।

एफिसि 1:13

मोडोक्‍नोॽ हे़निङे़ॽसो मुक्‍ति पिघुबा चाइबमा सुसमाचार खेम्‍नुङ खिरिस्‍टबेॽ बिस्‍वास ले़टानुम। निवाहाङ्‌डे़ॽ हेन्‍ज्‍रुङ हे़म्‍बॽआ पबित्‍रा होङ्‌निवामि छाप टिनुङ निवाहाङ्‌डे़ॽ हे़निङ खोमि याॽमिजि टोङ्‌बॽआ परमान पिसा।

गलाति 5:24

खिरिस्‍ट येसुमि याॽमिजिडे़ॽ पापनुङ्‌हा खानुङ टाङ्‌बामि हिङाडे़ॽ मिॽपॽआ मङे़हा खा चोप थोक काप्‍सिङ्‌बेॽ सेॽनेबेटुजे।

एफिसि 2:22

मोबा पबित्‍रा होङ्‌निवाबेॽ निवाहाङ पेन्‍ढाम खिम लिमामि हे़निङ्‌सो खोबेॽ इक्‍को खिम लिमे़ॽनिङ्‌सिन्‍डानिङे।

रोमि 8:2

धारमिक नियमडे़ॽ कानिङ्‌मि पाप खाङ्‌मुनुङ आप्‍टिकनुङ्‌मा टोक्‍सा। तर येसु खिरिस्‍टबेॽ टुबॽआ चोङ हिङ्‌मवा पिघुबा पबित्‍रा होङ्‌निवामि सक्‍तिडे़ॽ कानिङ पापनुङ सिमवामि नियममि सक्‍तिबाङ छुट्‌कारा पिटे़।

युहन्‍ना 3:6

हिङाबाङ टोक्‍पॽआ हिङा ले़ये, होङ्‌निवाबाङ टोक्‍पॽआ होङ्‌निवा ले़ये।

फिलिप्‍पि 1:19

इन्‍ढोङ्‌होङ के़ॽ लेनुङे़, हे़निङ्‌मि पारथनानुङ येसु खिरिस्‍टमि होङ्‌निवाडे़ॽ पिबॽआ सहायताडे़ॽ का इगोबाङ लेॽखे़ङे।

१ युहन्‍ना 4:13

खोसे़ॽ टाङ्‌बामि पबित्‍रा होङ्‌निवा कानिङ पिटे़। मोडोगे़ॽ कानिङ निवाहाङ्‌बेॽ टुन्‍डिङ्‌मा खोसो कानिङ्‌नुङ टुये लुमे खा ले़न्‍डुङ्‌मे।

लुका 11:13

हे़निङ पापि ले़न्‍डानिङ्‌होङ्‌सो टाङ्‌बामि पसाजि नुबा खा पिलेन्‍डानुमहोङ छना थाङ्‌सिरिॽटु पेङ्‌घुबा हे़निङ्‌मि निवाहाङ पाबे़ॽ खोनुङ ङाःक्‍खुबाजि इन्‍डोक बेॽलो पबित्‍रा होङ्‌निवा पिये।”

१ युहन्‍ना 4:4

के़हा नानिजि, हे़निङ चाहिँ निवाहाङ्‌मि याॽमिजि ले़न्‍डानिङे, हे़निङे़ॽ माहा मे़ॽनोक्‍हा खा इःघुबा अगमबक्‍ताजि हेजाटानुमे, इन्‍ढोङ्‌होङ, हे़निङ्‌बेॽ टुघुबा चाहिँ, इगो मक्‍खाम्‍डेमबेॽ टुघुबाबाङ्‌सो एप्‍पा ले़ये।

१ कोरिन्‍थि 15:23

तर चोप ताङ्‌बा ताङ्‌बामि पालो लेङ्‌इये, चोप्‍पाङ याक्‍लो हिङ्‌बोक्‍पॽआ खिरिस्‍टनोॽ ले़ये। मोडोक्‍नोॽ फेरि खो लेम्‍माबेॽ खोबेॽ बिस्‍वास ले़ःॽखुबाजि हिङ्‌बोक्‍इम्‍मे।

१ युहन्‍ना 3:24

खोमि आग्‍या पालना ले़ःॽखुबाजि चोप निवाहाङ्‌बेॽ टुम्‍मेनुङ खो माहाजिबेॽ पेङ्‌इये। इडोॽ निवाहाङ कानिङ्‌बेॽ टुये खा खोसे़ॽ पिबॽआ पबित्‍रा होङ्‌निवाडे़ॽ लेमाराप्‍मिये।

२ कोरिन्‍थि 6:16

निवाहाङ्‌मि मन्‍दिरनुङ मुरतिमि रुम्‍बेॽ इमाङ टोङ्‌इहा ? कानिङ हिङ्‌रिक निवाहाङ्‌मि मन्‍दिर ले़न्‍डिङ्‌मा, निवाहाङ खोमटाङ्‌बे़ॽ लुटे़, “का माहाजिबेॽ पेङ्‌इङे मोबा माहाजिमि रुम्‍बेॽ राम्‍डुङे, का माहाजिमि निवाहाङ लिङे, मोबा माहाजि चाहिँ के़हा याॽमिजि लिम्‍मे।”

युहन्‍ना 3:34

निवाहाङ्‌डे़ॽ पाङ्‌बॽआ असा ले़ये, मोसे़ॽ निवाहाङ्‌मिन्‍नोॽ खा इःन्‍डुहा इन्‍ढोङ्‌होङ निवाहाङ्‌डे़ॽ खो खोमि होङ्‌निवा के़ॽलो पिन्‍डुए।

१ पत्‍रुस 1:11

अगमबक्‍ताजिडे़ॽ इगो खा इन्‍डोॽनुङ इन्‍डोक्‍पेॽ लिये लुनुङ लेमा योगुजि। माहाजिबेॽ टुघुबा खिरिस्‍टमि होङ्‌निवाडे़ॽ खोजि खिरिस्‍टडे़ॽ दुःख आङ्‌इन्‍डुए मोबा ए़क्‍साङ खोसे़ॽ महान आदर चुप्‍मिन्‍डुए लुनुङ माहाजि याक्‍लोनोॽ लुबॽआ ले़टे़।

परकास 20:15

असा असामि निङ हिङ्‌मवामि नेॽचिराबेॽ माडा माहाजि चोप मो मिमि कुन्‍डाबेॽ राप्‍खडामि।

परकास 13:8

मोबा सेॽनेबॽआ थुमाडे़ॽ खोमि हिङ्‌मवामि नेॽचिराबेॽ मक्‍खाम्‍डेम सिरिस्‍टि लिबॽआबाङ्‌नोॽ माहाजिमि निङ मे़न्‍साप्‍टिॽ। माहाजि चोबे़ॽ मो जिवातमि पुजा ले़न्‍डुजे।

२ कोरिन्‍थि 10:7

हे़निङ्‌मि पोम्‍बेॽ टुहा खा खाक्‍सानुमे, इक्‍को याॽमिडे़ॽ का खिरिस्‍टमि याॽमि ले़ङे मिॽइन्‍डुहोङ, खोडोक्‍नोॽ कानिङ्‌सो खिरिस्‍टमि याॽमि ले़न्‍डिङ्‌मे लुमे खा खोसे़ॽ लेमा खे़ये।

युहन्‍ना 14:23

येसुडे़ॽ खो लुसु, “असे़ॽ का नम्‍नम ले़ये, मोसे़ॽ काङ्‌मि बचन पालना ले़न्‍डुए मोबा काङ्‌मि पाबाडे़ॽसो खो नम्‍नम ले़न्‍डुएनुङ कानिङ खोबेॽ लेन्‍नुङ खोनुङ पेङ्‌इन्‍डिङ्‌मे।

एप्‍पा चोङ्‌सा 16:7

खोजि माइसिया लुमे ठाउँमि के़क्‍पेॽ रुक्‍नुङ बिथिनियाराम खे़ॽमे निवा ले़टुजि। तर येसुमि होङ्‌निवाडे़ॽ खोजि मोबेॽसो परचार मे़ले़ःॽमेॽटुजि।

रोमि 7:5

याक्‍लो इक्‍खेॽ कानिङ्‌मि हिङाडे़ॽ ले़ःॽमा मिॽपॽआ खामि अधिनबेॽ टुसिङ्‌मा। मोडोक्‍पेॽ धारमिक नियमडे़ॽ कानिङ इमाङ योम्‍बोक ए़ले़ःॽमा लुबॽआ ले़टे़, मोनोॽ कानिङे़ॽ ले़ःॽपॽआसे़ॽ कानिङ्‌बेॽ सिमवा लेस्‍सा।

रोमि 8:1

मोडोगे़ॽ हागो येसु खिरिस्‍टबेॽ बिस्‍वास ले़ःॽनुङ हिङ्‌घुबाजिमि लागि निवाहाङ्‌डे़ॽ आप्‍टिक टिनिबा।

१ कोरिन्‍थि 6:17

तर खिरिस्‍टनुङ टोङ्‌खुबा चाहिँ खोनुङ होङ्‌निवाबेॽ इक्‍कोनोॽ लिये।

एफिसि 3:17

हे़निङ्‌मि बिस्‍वासबाङ खिरिस्‍ट हे़निङ्‌बेॽ पेङ्‌रो, मोबा निवाहाङ्‌मि नम्‍नमबेॽ हे़निङ नुरोॽ साम एम्‍बॽआनुङ बोलियो लिसानिङे।