रोमि 8:4 - याम्फु

⁴ इडोॽ कानिङ पापि बानि बेहोराडे़ॽ लुडिडोॽ ने़ॽनि, धारमिक नियमडे़ॽ ले़ःॽमा लुबॽआ खा कानिङे़ॽ ले़ःॽहेन्‍डुङ्‌मा, इन्‍ढोङ्‌होङ पबित्‍रा होङ्‌निवाडे़ॽ लुडिडोॽ हिङ्‌इन्‍डिङ्‌मा।

रोमि 8:4 Iomraidhean Croise

लुका 1:6

खोजि निप्‍पाङ्‌नोॽ निवाहाङ्‌मि पोम्‍बेॽ धरमि ले़टाजे। खोजि निवाहाङ्‌डे़ॽ लुबॽआ चोप आग्‍या इक्‍कोसो मे़मिन्‍डेॽरेॽ पालना ले़टाजुए।

रोमि 2:26

इडोॽ खतना मे़ले़ःॽपॽआ अयहुदिजिडे़ॽ धारमिक नियममि खा पालना ले़न्‍डुजिहोङ्‌गो खोजि निवाहाङ्‌मि पोम्‍बेॽ खतना ले़ःॽखुबाजिडोक्‍नोॽ लिम्‍मे।

रोमि 3:31

निवाहाङ्‌मि पोम्‍बेॽ कानिङ इगो बिस्‍वासबाङ धरमि लिन्‍डिङ्‌माहोङ इमा धारमिक नियम चाहिँ योम्‍बोक मे़ॽनिङ्‌मा लिये ? मोडोॽको ने़ॽनि, बोरु इगो धारमिक नियमबेॽहा खा चाहिँ चाइबमा मिॽनुङ पालना ले़न्‍डुङ्‌मा।

२ कोरिन्‍थि 10:2

का लेम्‍माबेॽ याटेवा ए़लिमेॽमाजे लुनुङ के़ॽ बिन्‍ति ले़निम्‍ने़। कानिङ मक्‍खाम्‍डेमबेॽहा याॽमिजिडोॽ ले़न्‍डानिङ लुघुबा याॽमिजिनुङ का याटेवानोॽ लिङे।

२ कोरिन्‍थि 10:3

कानिङ हिङाबेॽ टुन्‍डिङ्‌मा तर मक्‍खाम्‍डेमबेॽहा याॽमिजिडोॽ खिमाचुमा ले़टिङ्‌मानि।

गलाति 5:16

मोडोगे़ॽ के़ॽ लुनिम्‍ने़, पबित्‍रा होङ्‌निवाडे़ॽ लुबॽआ रामबेॽ राप्‍सानिङे, टाङ्‌बामि हिङाडे़ॽ मिॽपॽआ खाबेॽ ए़राप्‍सानिङे।

कलस्‍सि 1:22

तर हागो खोमि पसामि हिङामि बलिदानडे़ॽ हे़निङ निवाहाङ्‌डे़ॽ टाङ्‌बामि याॽमिजि टोङ्‌इटे़। मोबा खोसे़ॽ हे़निङ खोमटाङ्‌बामि पोम्‍बेॽ पबित्‍रा, चोखोनुङ आप्‍टिक मे़ॽनिङ्‌हाजि टोङ्‌इटे़।

हिब्‍रु 12:23

हे़निङ निवाहाङ्‌मिनोॽ टुम्‍मि हक चुप्‍खुबाजिमि मन्‍डलिबेॽ लेङ्‌इटानिङे, खोमि निङ थाङ्‌सिरिबेॽसो साप्‍पॽआ ले़ये। हे़निङ चोप याॽमिजिमि न्‍याय ले़ःॽखुबा निवाहाङ्‌बेॽ लेङ्‌इटानिङे। परिपक्‍का टोङ्‌बॽआ धारमिक याॽमिजिमि रुम्‍बेॽ लेङ्‌इटानिङे।

१ युहन्‍ना 3:2

लङ्‌गामजि, आइ कानिङ निवाहाङ्‌मि पसा ले़न्‍डिङ्‌मा, मोबा ए़क्‍साङ चाहिँ इमाङ लिन्‍डिङ्‌मा हागोरोसो कानिङे़ॽ लेसुङ्‌मानि। तर इडोॽ लेन्‍डुङ्‌मा खिरिस्‍ट लेम्‍माबेॽ कानिङ्‌सो खोडोक्‍नोॽ लिन्‍डिङ्‌मा। इन्‍ढोङ्‌होङ खो इन्‍डोक्‍मा ले़ये कानिङे़ॽ खो मोडोक्‍मानोॽ खाङ्‌डोक्‍इन्‍डुङ्‌मे़।

यहुदा 1:24

हागो असे़ॽ हे़निङ पापबेॽ सिॽमाबाङ जोगाबा ले़ःॽहेये, मोबा असे़ॽ हे़निङ आप्‍टिक मे़ॽनिङ्‌हा चोखोनुङ हाङ्‌हाङ टोङनुङ खोमिनोॽ महिमामि पोम्‍बेॽ चिॽखे़हेये।

परकास 14:5

माहा याॽमिजि इन्‍डोक्‍पेॽसो मे़रेम्‍डेॽखुबा, आप्‍टिक मे़ॽनिङ्‌हाजि ले़म्‍मे।