रोमि 8:2 - याम्फु

² धारमिक नियमडे़ॽ कानिङ्‌मि पाप खाङ्‌मुनुङ आप्‍टिकनुङ्‌मा टोक्‍सा। तर येसु खिरिस्‍टबेॽ टुबॽआ चोङ हिङ्‌मवा पिघुबा पबित्‍रा होङ्‌निवामि सक्‍तिडे़ॽ कानिङ पापनुङ सिमवामि नियममि सक्‍तिबाङ छुट्‌कारा पिटे़।

रोमि 8:2 Iomraidhean Croise

युहन्‍ना 4:10

येसुडे़ॽ मो मेॽनामिॽ लुसु, “हे़ने़ॽ निवाहाङ्‌मि बरदाननुङ हे़न्‍नुङ योङा ङाःक्‍खुबा लेबॽआ ले़टाहोङ हे़ने़ॽ खोनुङ ङाःगुए, मोबा खोसे़ॽ हे़न हिङ्‌मवा पिघु योङा पिसे़।”

युहन्‍ना 4:14

तर असे़ॽ के़ॽ पिबॽआ योङा उङ्‌इन्‍डुजे खो फेरि इन्‍डोक्‍पेॽसो वाइमे़ॽ सिसुनिबा। इन्‍ढोङ्‌होङ के़ॽ पिमे योङा चाहिँ मो याॽमि होङ्‌सिॽयु सानिङ्‌नोॽ पिॽइये, खो योङा पिॽठाम मुहान लिये, मोसे़ॽ खो ए़स्‍सिमे हिङ्‌मवा पिन्‍डुए!”

युहन्‍ना 6:63

हिङ्‌मवा पिघुबा चाहिँ निवाहाङ्‌मि होङ्‌निवानोॽ ले़ये। इगो योम्‍बोक याॽमिमि हिङ्‌मवाबाङ इमाङ्‌सो ले़ःॽहे़निबा। के़ॽ हे़निङ लुबॽआ खा चाहिँ होङ्‌निवानुङ हिङ्‌मवा ले़ये।

युहन्‍ना 8:32

मोबा हे़निङे़ॽ चाइबमा इमाङ्‌डे लुनुङ लेन्‍डानुमेनुङ मो चाइबमा खाडे़ॽनोॽ हे़निङ छुट्‌कारा पिये।”

युहन्‍ना 8:36

मोडोगे़ॽ पसाडे़ॽ हे़निङ छुट्‌कारा पिहोङ हे़निङ चइबानोॽ छुट्‌कारा लिन्‍डानिङे।

रोमि 16:3

मोबा याक्‍लो कानुङ सोरि येसु खिरिस्‍टमि योम्‍बोक ले़ःॽखुबा लङ्‌गामजि पिरिस्‍किनुङ अकिलाससो काङ्‌मि सेवा लुबेॽमाजे।

रोमि 3:27

मोडोगे़ॽ कानिङ इमाङ खाबेॽ काङायोङ्‌बा लिमे़ ? धारमिक नियममि खाबाङ याॽमिजि धरमि लिहेमिनिहोङ्‌गो मो खाबेॽ कानिङ इन्‍ढोङ काङायोङ्‌बा लिमे ? कानिङ्‌गो खिरिस्‍टबेॽ बिस्‍वास ले़ःॽनुङ्‌रेॽ धरमि लिहेन्‍डिङ्‌मा।

रोमि 5:21

मोडोक्‍पेॽनोॽ पापडे़ॽ याॽमिजिबेॽ सिमवा लेस्‍सा, मोसे़ॽ याॽमिजिबेॽ अधिन ले़टिडोक्‍नोॽ आइ निवाहाङ्‌मि अनुग्‍रहाडे़ॽ अधिन ले़ःॽमे़ॽनिङ्‌सिन्‍डुए। मो अनुग्‍रहाडे़ॽ कानिङ निवाहाङ्‌मि पोम्‍बेॽ धरमि ठरबा ले़ःॽनुङ परभु येसु खिरिस्‍टबाङ सिघे़ॽनिये हिङ्‌मवा चुप्‍मिन्‍डुङ्‌मे।

रोमि 6:14

हागो हे़निङ्‌बेॽ पापडे़ॽ अधिन ले़टुनिबा, इन्‍ढोङ्‌होङ हे़निङ धारमिक नियममि अधिनबेॽ ने़ॽनि अनुग्‍रहामि अधिनबेॽ टुन्‍डानिङे।

रोमि 6:18

हे़निङ पापमि अधिनबाङ लेॽखे़ॽनुङ निवाहाङ्‌मि धरमि योम्‍बोक ले़ःॽखुबा सेउते लिटानिङे।

रोमि 6:22

तर हागो हे़निङ पापबाङ लेॽखे़ॽनुङ निवाहाङ्‌मि सेउते लिटानिङे। इगो खाडे़ॽ हे़निङ पबित्‍रा लिघे़ॽमे टोङ्‌इटे़ मोबा हे़निङ ए़ॽसिमे हिङ्‌मवा पिये।

रोमि 7:21

इडोॽ इक्‍को नियमडे़ॽ योम्‍बोक ले़ःॽपॽआ के़ॽ चुप्‍मिनुङे। के़ॽ नुबा योम्‍बोक ले़ःॽमा मिॽमारोनोॽ मङे़हा योम्‍बोक ले़टिङ्‌बॽआ चुप्‍मिनुङे।

रोमि 7:23

तर काङ्‌मि हिङामि अङ्‌गबेॽ चाहिँ हाइके नियमडे़ॽ योम्‍बोक ले़ःॽपॽआ चुप्‍मिनुङे। इगो नियम चाहिँ काङ्‌मि होङ्‌निवानुङ काॽइये। मोडोगे़ॽ इगो पापि निवाडे़ॽ का अधिन ले़ये।

रोमि 7:4

मोडोगे़ॽ के़हा वावानिसानुङ नानुसाजि, हे़निङ्‌सो खिरिस्‍टमि हिङानुङ सोरि धारमिक नियममि अधिनबाङ फुक्‍का लिटानिङे। हागोएम्‍बाङ हे़निङ हाइको याॽमि लिटानिङे, अथबा हे़निङ्‌सो सिबॽआबाङ हिङ्‌बोक्‍पॽआ खिरिस्‍टनुङ इक्‍को लिनुङ हिङ्‌बोगानिङे मोबा कानिङ निवाहाङ्‌मि लागि नेन्‍जामारोहा याॽमिजि लिमा।

रोमि 8:1

मोडोगे़ॽ हागो येसु खिरिस्‍टबेॽ बिस्‍वास ले़ःॽनुङ हिङ्‌घुबाजिमि लागि निवाहाङ्‌डे़ॽ आप्‍टिक टिनिबा।

१ कोरिन्‍थि 15:45

मोडोगे़ॽ धारमिक नेॽचिराबेॽ इडोॽ साप्‍पॽआ ले़ये, “याक्‍लोमा याॽमि आदम हिङ्‌मवा चुप्‍खुबा याॽमि ले़टा।” तर ए़क्‍साङ्‌ए आदम अथबा खिरिस्‍ट चाहिँ हिङ्‌मवा पिघुबा होङ्‌निवा ले़ये।

२ कोरिन्‍थि 3:17

इन्‍ढोङ्‌होङ परभु लुबॽआ चाहिँ पबित्‍रा होङ्‌निवा ले़ये। असानुङ परभुमि होङ्‌निवा टुये, खोबेॽ इमाङ्‌मिसो बन्‍धन माॽआये।

२ कोरिन्‍थि 3:6

खोसे़ॽ इक्‍को चोङ हेन्‍ज्‍रुङ चोगु, मोबा कानिङ मो हेन्‍ज्‍रुङ्‌बेॽ योम्‍बोक ले़ःॽहेखुबा सेवाक टोक्‍सा। इगो चाहिँ पबित्‍रा होङ्‌निवामि हेन्‍ज्‍रुङ ले़ये, यहुदि धारमिक नियमडे़ॽ चोक्‍पॽआ ने़ॽनि, मो नियमडे़ॽको सिमवा लाजे़न्‍डुए, तर पबित्‍रा होङ्‌निवाडे़ॽको हिङ्‌मवा लाजे़न्‍डुए।

गलाति 2:19

मोडोगे़ॽ का निवाहाङ्‌मि लागि हिङ्‌मामि के़ए़ यहुदि धारमिक नियम पालना ले़ःॽमा लेॽएटुङे।

गलाति 5:1

खिरिस्‍टडे़ॽ कानिङ छुट्‌कारा पिबॽआ ले़ये। मोडोगे़ॽ हे़निङ फुक्‍का याॽमि लिटानिङे, इडोगे़ॽ हे़निङ बोलियो लिनुङ पेनानिङे मोबा हागोसो यहुदि धारमिक नियममि अधिनबेॽ पेम्‍मा ए़योगानिङे।

गलाति 6:2

इक्‍कोसे़ॽ हाइको सहायोग ले़ःॽखुसे़ॽचुसानिङे, इडोॽ हे़निङे़ॽ खिरिस्‍टमि नियम पुरा ले़ःॽहेन्‍डानुमे।

याकुब 1:25

तर असे़ॽ याॽमिजि छुट्‌कारा पिहेखुबा सुद्‌ध नियम खेम्‍नुङ निवाबाङ पालना ले़न्‍डुए। खोसे़ॽ खोमि चोप योम्‍बोकपेॽ आसिस चुप्‍मिन्‍डुए।

परकास 11:11

साढे सुम याक ए़क्‍साङ निवाहाङ्‌बाङ लेम्‍बॽआ हिङ्‌मवा पिघुबा सोःक्‍मा मोजिबेॽ पे़ए़ना, मोबा मोजि येःप्‍पोगाजि। मोजि खाङ्‌नुङ याॽमिजि सारोनोॽ किस्‍सिसामि।

परकास 22:1

मोबा मो थाङ्‌सिरिदुतडे़ॽ का स्‍फटिकडोॽमा चहकिलो हिङ्‌मवामि होङ्‌मा खाङ्‌मेॽटिङ, मो होङ्‌मा चाहिँ निवाहाङ्‌मिनुङ बलि लिघुबा थुमामि हाङ्‌पेन्‍ढामबाङ पे़आप्‍पॽआ ले़टा।