रोमि 7:7 - याम्फु

⁷ कानिङे़ॽ इमाङ लुमेन्‍डे ? इमा धारमिक नियमडे़ॽनोॽ पाप लाजे़ॽटुए ? मोडोॽको ने़ॽनि, मो धारमिक नियम माडाहोङ्‌गो पाप लुबॽआ इमाङ्‌डे के़ॽ लेनोॽ मे़लेसुङ होला। इन्‍ढोङ्‌होङ धारमिक नियमडे़ॽ इडोॽ लुये, “हे़ने़ॽ लोभ ए़ले़ःॽमे” लुनुङ मे़लुमाहोङ्‌गो के़ॽ लोभ ले़ःॽमा फे़न्‍नि लुनुङ मे़लेसुङ।

रोमि 7:7 Iomraidhean Croise

मत्‍ति 5:28

तर के़ॽ लुनिम्‍ने़, इक्‍को याॽमिडे़ॽ इक्‍को मेॽनामिॽ मङे़ॽमा निवाडे़ॽ खाक्‍सुहोङ मोसे़ॽ बेभिचार ले़ःॽपेबॽआडोॽ लिये।

लुका 12:15

मोबा मोबेॽ सुम्‍बॽआ याॽमिजि लुसुजि, “होसियार ले़टानिङे! चोप खालहा खा के़ङ्‌गे़ङ ए़मिॽटानुमे इन्‍ढोङ्‌होङ याङ्‌सरावा बेॽलोनोॽ टुहोङ्‌सो मोसे़ॽ याॽमिजि चाइबमा हिङ्‌मवा पिहेसुनिबा।”

लुका 20:16

सोङ्‌रादाङ्‌बा लेन्‍नुङ माहा चोप मङे़हा मोहिजि सेॽनेनुङ खोमि सोङ्‌रा हाइखा याॽमिजिनोॽ अधिया पिन्‍डुजे!” इगो खानवा खेम्‍नुङ लुसुजि, “इडोक्‍को इन्‍डोक्‍पेॽसो मे़लिरो।”

एप्‍पा चोङ्‌सा 20:33

के़ॽ असामिसो सुनानुङ सिसे़ङ्‌मि के़ङ्‌गेङ मे़मिॽटुङ।

रोमि 13:9

धारमिक नियमबेॽ “हे़ने़ॽ बेभिचार ए़ले़ःॽमे, हे़ने़ॽ याॽमि ए़सेॽमे, हे़ने़ॽ ए़ॽखुमे़, लोभ ए़ले़ःॽमे” लुनुङ आग्‍या पिबॽआ ले़ये। इघा चोप आग्‍या “टाङ्‌बा नम्‍नम ले़टिडोक्‍नोॽ टाङ्‌बामि पेन्‍लागामजि नम्‍नम ले़टानुमे” लुमे आग्‍याबेॽनोॽ टुये।

रोमि 3:20

मोडोगे़ॽ धारमिक नियम पालना ले़ःॽनुङ असासो निवाहाङ्‌मि पोम्‍बेॽ धरमि लिमिने। इन्‍ढोङ्‌होङ धारमिक नियमडे़ॽको याॽमिडे़ॽ ले़ःॽपॽआ पापरेॽ लेमेये।

रोमि 3:5

तर कानिङ्‌मि मङे़ॽमा योम्‍बोकडे़ॽ निवाहाङ्‌मि धारमिक खा खाङ्‌मुन्‍डुङ्‌माहोङ्‌गो, कानिङे़ॽ इमाङ्‌डे लुमे़ ? इमा कानिङ्‌नुङ निवाहाङ सुरके़ॽमा फे़न्‍निबा लुमे़ ? (याॽमिजिडे़ॽ चाहिँ इडोक्‍नोॽ मिॽइन्‍डुजे।)

रोमि 4:1

मोडोक्‍होङ्‌गो हागो कानिङ्‌मि टुबा अब्‍राहाममि टुम्‍बेॽ चाहिँ इमाङ लुमे ? खो निवाहाङ्‌मि पोम्‍बेॽ इन्‍डोॽ धरमि ठरबा लिसे़।

रोमि 4:15

इन्‍ढोङ्‌होङ धारमिक नियम पालना मे़ले़ःॽखुबाजि सोक्‍पेॽ निवाहाङ्‌मि सुरिक सिॽइये। तर धारमिक नियम माडाहोङ्‌गो, पाप लुबॽआ इमाङ्‌डे लुनुङ लेनोॽ मे़लेसा।

रोमि 5:20

धारमिक नियम लेस्‍सा, मोबा पाप छना बेॽलो लिसा, तर इन्‍डोक पाप बेॽलो लिसा, मोडोक्‍नोॽ निवाहाङ्‌मि अनुग्‍रहासो बेॽलो लिसा।

रोमि 6:15

हागो इमान्‍डे ? कानिङ धारमिक नियममि अधिनबेॽ माॽआडिङ्‌मा, तर निवाहाङ्‌मि अनुग्‍रहाबेॽनोॽ टुन्‍डिङ्‌मा लुनुङ सानिङ पाप ले़टुङ्‌घे़ॽमे़ ? इडोक्‍को ले़ःॽमानोॽ फे़न्‍निबा।

रोमि 7:11

इन्‍ढोङ्‌होङ धारमिक आग्‍याबाङ पापडे़ॽ रेम्‍नुङ का सिमे रामबेॽ लाघे़ॽटिङ, मोबा के़ॽ सिमा खडा।

रोमि 7:13

इमा मोडोक्‍होङ इडोक्‍मा नुबा यहुदि धारमिक नियमडे़ॽ का सेॽनेसिङे ? मोडोॽको ने़ॽनिबा, तर पापडे़ॽ चाहिँ का सेॽनेसिङा। पापडे़ॽ का दोसनुङ खाङ्‌मुमामि लागि मोसे़ॽ नुबा यहुदि धारमिक नियमबाङ काबेॽ सिमवा लाजे़ॽटु। मोडोगे़ॽ पाप छना दुस्‍ट ले़ये लुनुङ यहुदि धारमिक नियमबाङ छे़ङ्‌गै लिसा।

रोमि 7:5

याक्‍लो इक्‍खेॽ कानिङ्‌मि हिङाडे़ॽ ले़ःॽमा मिॽपॽआ खामि अधिनबेॽ टुसिङ्‌मा। मोडोक्‍पेॽ धारमिक नियमडे़ॽ कानिङ इमाङ योम्‍बोक ए़ले़ःॽमा लुबॽआ ले़टे़, मोनोॽ कानिङे़ॽ ले़ःॽपॽआसे़ॽ कानिङ्‌बेॽ सिमवा लेस्‍सा।

रोमि 7:8

पापडे़ॽ मौका चुप्‍नुङ का चोप खालहा लोभ ले़ःॽमेॽटा। इगो धारमिक नियम माडाहोङ्‌गो पाप सिबॽआडोक्‍नोॽ लिसे़।

१ कोरिन्‍थि 15:56

सिमवामि बोल पाप ले़ये, पापमि बोल चाहिँ यहुदि धारमिक नियमडे़ॽ लेमेये।

एफिसि 5:3

हे़निङ खिरिस्‍टमि पबित्‍रा याॽमिजि ले़ःॽपॽआसे़ॽ हे़निङ्‌मि रुम्‍बेॽ बेभिचार, चोप असुद्‌ध निवा अथबा योम्‍बोकनुङ खिक्‍तुबाङ निवा हे़निङे़ॽ खिमा खे़न्‍जोसुनिबा।

कलस्‍सि 3:5

मोडोगे़ॽ हे़निङ्‌मि हिङ्‌मवाबेॽ टुहा इडोक्‍हा पापि योम्‍बोक बेभिचार, असुद्‌ध खा, छाडा निवा, मङे़हा निवानुङ खिक्‍तुबाङ निवा इघा चोप मुरति पुजा निवाबाङ राप्‍पेसानुमे।

१ थेस्‍लोनिकि 4:5

निवाहाङ मे़लेघुबा याॽमिजिडे़ॽ ले़टिडोॽ हे़निङे़ॽ बेभिचारि निवा खिमा फे़न्‍नि।

हिब्‍रु 7:19

मोसाडे़ॽ पिबॽआ धारमिक नियमडे़ॽ इमाङ्‌सो पक्‍का मे़न्‍टोङ्‌हेसु। तर हागोगो नुबा आसा पिटे़, मो आसाडे़ॽनोॽ कानिङ निवाहाङ्‌मि के़क्‍पेॽ चिक्‍खे़ये।