रोमि 7:4 - याम्फु

⁴ मोडोगे़ॽ के़हा वावानिसानुङ नानुसाजि, हे़निङ्‌सो खिरिस्‍टमि हिङानुङ सोरि धारमिक नियममि अधिनबाङ फुक्‍का लिटानिङे। हागोएम्‍बाङ हे़निङ हाइको याॽमि लिटानिङे, अथबा हे़निङ्‌सो सिबॽआबाङ हिङ्‌बोक्‍पॽआ खिरिस्‍टनुङ इक्‍को लिनुङ हिङ्‌बोगानिङे मोबा कानिङ निवाहाङ्‌मि लागि नेन्‍जामारोहा याॽमिजि लिमा।

रोमि 7:4 Iomraidhean Croise

मत्‍ति 26:26

खोजि चामे़ॽनिङ्‌सिमाबेॽ, येसुडे़ॽ चरेपा याङ्‌मानुङ निवाहाङ ओहाक पिनुङ एडु, मोबा चोङ्‌साजि पिसाङ लुसुजि, “इगो टाप्‍नुङ चासानुमे, इगो काङ्‌मि हिङा ले़ये।”

मरकुस 4:20

इन्‍डोक याॽमिजिमि निवाबेॽ इगो बचन मलिलोमा आक्‍खामाबेॽ सिॽपॽआ चरिडोॽ लिये। माहाजिडे़ॽ निवाहाङ्‌मि बचन खेम्‍नुङ पालना ले़न्‍डुजे, मोबा माहाजि तिस गुना, साठि गुनानुङ सय गुना चुरोक चा किङ्‌इये डाङडोॽ लिम्‍मे।”

युहन्‍ना 15:8

हे़निङे़ॽ बेॽलो चा किङ्‌मेॽनुङ के़हा चोङ्‌सा लुनुङ चिनारि पिसानुमहोङ इगो खाबेॽनोॽ के़ए़ पाबामि महिमा लिये।

युहन्‍ना 3:29

असानुङ नायोङ्‌मा टुये, मोनोॽ नायोङ्‌बा ले़ये। नायोङ्‌बानुङ येःप्‍खुबा लङ्‌गाम नायोङ्‌बामि सेम्‍ला खेम्‍नुङ साप्‍थाङ्‌इये। मो लङ्‌गाम कानोॽ ले़ङे मोडोगे़ॽ काङ्‌मि हाङ्‌हाङ हागो पुरा लिटाहा।

युहन्‍ना 6:51

थाङ्‌सिरिबाङ लेम्‍बॽआ हिङ्‌रिक चरेपा कानोॽ ले़ङे। असे़ॽ इगो चरेपा चोन्‍डुए मो सानिङ हिङ्‌इये। मो चरेपा चाहिँ काङ्‌मि हिङानोॽ ले़ये। के़ए़ हिङा मक्‍खाम्‍डेमबेॽहा याॽमिजिडे़ॽ ए़ॽसिमे हिङ्‌मवा चुप्‍टुजिरो लुनुङ के़ॽ पिनुङे़।”

रोमि 6:11

इडोक्‍नोॽ हे़निङ्‌सो टाङ्‌बामि पापमि लागि सिबॽआनुङ निवाहाङ्‌मि लागि खिरिस्‍टनुङ सोरि हिङ्‌बोक्‍पॽआ मिॽमा खे़ये।

रोमि 6:14

हागो हे़निङ्‌बेॽ पापडे़ॽ अधिन ले़टुनिबा, इन्‍ढोङ्‌होङ हे़निङ धारमिक नियममि अधिनबेॽ ने़ॽनि अनुग्‍रहामि अधिनबेॽ टुन्‍डानिङे।

रोमि 6:2

आक्‍टोॽ ने़ॽनि, कानिङ पापमि लागि सिघे़टिङ्‌मे, मोडोगे़ॽ हागोसो कानिङे़ॽ इन्‍ढोङ पाप ले़टुङ्‌घे़ॽमे़ ?

रोमि 6:22

तर हागो हे़निङ पापबाङ लेॽखे़ॽनुङ निवाहाङ्‌मि सेउते लिटानिङे। इगो खाडे़ॽ हे़निङ पबित्‍रा लिघे़ॽमे टोङ्‌इटे़ मोबा हे़निङ ए़ॽसिमे हिङ्‌मवा पिये।

रोमि 7:3

तर खोमि ठाॽपा हिङ्‌सिमाबेॽ मो मेॽनामिॽ हाइको वडाङ्‌पसानुङ फुङ्‌सया लेखे़ॽहोङ खोसे़ॽ बेभिचार ले़ःॽपॽआ लिये। तर ठाॽपा सिघे़ॽहोङ चाहिँ खो मो बन्‍धनबाङ फुक्‍का लिये, मोबा खोसे़ॽ हाइकोनुङ फुङ्‌सया ले़टुहोङ्‌सो बेभिचार ले़ःॽपॽआ लिनिबा।

रोमि 7:6

हागो कानिङ अधिनबेॽ युङ्‌खुबा धारमिक नियममि लागि सिघे़टिङ्‌मे़नुङ धारमिक नियममि अधिनबाङ फुक्‍का लिटिङ्‌मे़। इन्‍ढोङ्‌होङ कानिङ खिरिस्‍टनुङ सिघे़ॽपॽआसे़ॽ पुरानो धारमिक नियमडोॽ ने़ॽनि, तर पबित्‍रा होङ्‌निवामि चोङ हिङ्‌मवाडोॽ सेवा ले़न्‍डुङ्‌मा।

रोमि 8:2

धारमिक नियमडे़ॽ कानिङ्‌मि पाप खाङ्‌मुनुङ आप्‍टिकनुङ्‌मा टोक्‍सा। तर येसु खिरिस्‍टबेॽ टुबॽआ चोङ हिङ्‌मवा पिघुबा पबित्‍रा होङ्‌निवामि सक्‍तिडे़ॽ कानिङ पापनुङ सिमवामि नियममि सक्‍तिबाङ छुट्‌कारा पिटे़।

१ कोरिन्‍थि 10:16

परभु भत्‍तेरमि खोरिया याङ्‌नुङ कानिङे़ॽ निवाहाङ ओहाक पिन्‍डुङ्‌मे। इमा मो खोरियाबाङ उङ्‌माबेॽ कानिङ खिरिस्‍टमि हरिबेॽ सोरि लिबॽआ ने़ॽनेन्‍डे ? मो एॽपॽआ चरेपा चामाबेॽ इमा कानिङ खिरिस्‍टमि हिङाबेॽ सोरि लिबॽआ ने़ॽनेन्‍डे ?

२ कोरिन्‍थि 11:2

इक्‍कोमा नायोङ्‌बा खिरिस्‍टनुङ हे़निङ्‌मि साक्‍खि राःप्‍पेटुङे। इडोॽ इक्‍को नायोङ्‌बामि पबित्‍रा नायोङ्‌माडोॽ हे़निङ खिरिस्‍ट पिबेनिम्‍ने़। मोडोॽगे़ॽ निवाहाङ्‌बेॽ टुबॽआडोॽमा चेजेवा हे़निङ्‌मि लागि काबेॽसो टुये।

गलाति 3:13

खिरिस्‍टडे़ॽ कानिङ्‌मि लागि चापहिमा खिघे़ॽनुङ काप्‍सिङ्‌बेॽ सिघडा, मोसे़ॽनोॽ कानिङ यहुदि धारमिक नियममि चापहिमाबाङ छुट्‌कारा ले़टा। इन्‍ढोङ्‌होङ धारमिक नेॽचिराडे़ॽ लुये “सिङ्‌बुबेॽ किङ्‌नेबॽआ चोपबेॽ चापहिमा सिॽइये।”

गलाति 5:18

तर हे़निङ पबित्‍रा होङ्‌निवामि अधिनबेॽ राम्‍इन्‍डानिङ्‌होङ्‌गो यहुदि धारमिक नियममि अधिनबेॽ मान्‍डानिङे।

एफिसि 2:15

मोबा खोसे़ॽ यहुदिनुङ अयहुदि निच्‍चि जातिमि रुम्‍बेॽ सान्‍ति लाप्‍नुङ टाङ्‌बामि इक्‍को चोङ जाति टोङ्‌मामि खो बलि लिसा। मोबा यहुदि धारमिक नियमनुङ रितिथिति योम्‍बोक मे़ॽनिङ्‌मा टोक्‍सु।

फिलिप्‍पि 1:11

मोबा निवाहाङ्‌मि महिमानुङ ओहाङ्‌मि लागि येसु खिरिस्‍टबाङ लेङ्‌इये नुबा योम्‍बोक हे़निङ्‌मि हिङ्‌मवाबेॽ बेॽलो खाङ्‌मुहा।

फिलिप्‍पि 4:17

के़ॽ हे़निङ्‌बाङ भेटि चुप्‍मामि ने़ॽनि, तर के़ॽको हे़निङे़ॽ ले़ःॽपॽआ योम्‍बोकमि इनाम हे़निङ्‌मिनोॽ निङ्‌बेॽ सुम्‍रो लुनुङ लुनिम्‍ने़।

कलस्‍सि 1:10

मोडोॽ ले़ःॽमाहोङ निवाहाङ्‌डे़ॽ नेन्‍जामारोमा योम्‍बोक ले़ःॽनुङ खो साप्‍थाङ्‌मेन्‍डुङ्‌मे। चोप नुबा योम्‍बोकपेॽ हे़निङ आसिसित लिन्‍डानिङे, मोबा हे़निङ निवाहाङ्‌मि निवाबेॽ वाबोक्‍इन्‍डानिङे।

कलस्‍सि 1:22

तर हागो खोमि पसामि हिङामि बलिदानडे़ॽ हे़निङ निवाहाङ्‌डे़ॽ टाङ्‌बामि याॽमिजि टोङ्‌इटे़। मोबा खोसे़ॽ हे़निङ खोमटाङ्‌बामि पोम्‍बेॽ पबित्‍रा, चोखोनुङ आप्‍टिक मे़ॽनिङ्‌हाजि टोङ्‌इटे़।

कलस्‍सि 1:6

इगो सुसमाचार हे़निङ्‌बेॽ लेङ्‌इटे़, मोबा चइबानोॽ इगो खा मक्‍खाम्‍डेमबेॽहा चोप याॽमिजिमि लागि बेॽलोनोॽ नुबा लिमे़ॽनिङ्‌सिये। मोडोक्‍नोॽ निवाहाङ्‌मि अनुग्‍रहामि टुम्‍बेॽ हे़निङे़ॽ चाइबमा खाबेॽ खेम्‍बॽआनुङ लेबॽआ याकबाङ सुसमाचारडे़ॽ हे़निङ्‌बेॽसो नुबा योम्‍बोक ले़ःॽमे़ॽनिङ्‌सिन्‍डुए।

कलस्‍सि 2:14

मोबा कानिङ्‌मि बिरोधबेॽ साप्‍पॽआ चोप आप्‍टिक पत्‍रानुङ मोबेॽ साप्‍पॽआ नियम येसुडे़ॽ खोनुङ्‌नोॽ काप्‍सिङ्‌बेॽ किला ठाक्‍नुङ नासि ले़पेटुहा।

कलस्‍सि 2:20

हे़निङे़ॽको खिरिस्‍टनुङ सोरि सिनुङ इगो मक्‍खाम्‍डेमबेॽहा पापि निवाबाङ फुक्‍का चुप्‍मिटानुमे, इन्‍ढोङ हे़निङ इगो मक्‍खाम्‍डेमबेॽहा याॽमिजिडोक्‍नोॽ हिङ्‌इन्‍डानिङे ? इन्‍ढोङ हे़निङे़ॽ “इगो के़क्‍मा फे़न्‍निबा, इगो सेप्‍मा फे़न्‍निबा, इगो राःप्‍मा फे़न्‍निबा” लुमे नियम पालना ले़न्‍डानुमे ? मोबा हे़निङ छुट्‌कारा चुप्‍नुङ्‌सो इन्‍ढोङ “सुःप्‍मा फे़न्‍नि, सेप्‍मा फे़न्‍नि, राःप्‍मा फे़न्‍नि लुमे नियम पालना ले़न्‍डानुमे ?”

हिब्‍रु 10:10

निवाहाङ्‌डे़ॽ मिॽपॽआ मो योम्‍बोक येसु खिरिस्‍टमि इकखेॽ चेॽटिबॽआ बलिबाङ पुरा लिसा। खोमि मो बलिबाङ कानिङ चोप पापबाङ पबित्‍रा टोक्‍सा।

१ पत्‍रुस 2:24

खिरिस्‍टडे़ॽ कानिङ्‌मि पाप खोमि हिङाबेॽ खिमानुङ काप्‍सिङ्‌बेॽ सिसा। मोडोक्‍नोॽ कानिङ्‌सो पापमि लागि सिसिङ्‌मा। मोबा निवाहाङ्‌मि नेन्‍जामारोमा योम्‍बोकमि लागि हिक्‍सिङ्‌मा। माहा येसुमि चोटबाङ्‌नोॽ हे़निङ नुबोइटानिङे।

परकास 19:7

कानिङ साप्‍थाङ्‌मा, हाङ्‌हाङ ले़ःॽमा! खोमि महिमा ले़ःॽमा, इन्‍ढोङ्‌होङ थुमामि फुङ्‌सयामि याक लेम्‍बेटे़नुङ, खोमि नायोङ्‌मा चाक्‍नुङ पोरोक्‍पेटे़!

परकास 21:9

मोबा माहा एच्‍चि बिपत्‍ति इॽठुपमा एच्‍चि खोरिया याङ्‌घुबा एच्‍चि थाङ्‌सिरिदुतजिबेॽ इक्‍को थाङ्‌सिरिदुत काबेॽ लेन्‍नुङ इडोॽ लुसिङ, “आबे, के़ॽ हे़न थुमामि नायोङ्‌मा, खोमि बनिमा खाङ्‌मुन्‍ने़।”