रोमि 6:3 - याम्फु

³ कानिङ चोबे़ॽ खिरिस्‍ट येसुमि निङ्‌बेॽ बप्‍तिस्‍मा लामाबेॽ खोनुङ्‌नोॽ सिबेटिङ्‌मे लुमे खा इमा हे़निङे़ॽ लेसानुम्‍ने ?

रोमि 6:3 Iomraidhean Croise

मत्‍ति 28:19

मोडोगे़ॽ खडानिङे चोप जातिहा याॽमिजि चोङ्‌सा टोक्‍सानुमे। माहाजि पाबा निवाहाङ, पसा येसुनुङ पबित्‍रा होङ्‌निवामि निङ्‌बेॽ बप्‍तिस्‍मा पिसानुमे।

एप्‍पा चोङ्‌सा 19:5

इगो खा खेम्‍नुङ माहाजिडे़ॽ परभु येसुमि निङ्‌बेॽ बप्‍तिस्‍मा लासुजि।

एप्‍पा चोङ्‌सा 2:38

मोबा पत्‍रुसडे़ॽ लुसुजि, “हे़निङ्‌मि पापबाङ आम्‍लाङ टोक्‍मामि लागि पाप ले़ःॽमा लेडानुमे, मोबा येसु खिरिस्‍टमि निङ्‌बेॽ बप्‍तिस्‍मा लासानुमे! मोबा हे़निङे़ॽ निवाहाङ्‌बाङ पबित्‍रा होङ्‌निवामि बरदान चुप्‍मिन्‍डानुमे।

एप्‍पा चोङ्‌सा 8:16

इन्‍ढोङ्‌होङ मोडोक्‍लो माहाजिबेॽ पबित्‍रा होङ्‌निवा मे़लेम्‍बॽआ ले़टे़। माहाजिडे़ॽ परभु येसुमि निङ्‌बेॽ बप्‍तिस्‍मारेॽ लाबॽआ ले़टे़।

रोमि 6:16

हे़निङे़ॽ लेन्‍डानुमे, असामि खा खेम्‍नुङ खोमि योम्‍बोक ले़न्‍डानुम, मोमिन्‍नोॽ सेउते लिन्‍डानिङे, मोडोगे़ॽ पापमि सेउते लिसानिङ्‌होङ हे़निङ सिन्‍डानिङे, निवाहाङ्‌मि आग्‍या पालना ले़टानुमहोङ धरमि लिन्‍डानिङे।

रोमि 6:8

हागो खिरिस्‍टनुङ सोरि सिन्‍डिङ्‌माहोङ्‌गो खोनुङ्‌नोॽ फेरि हिङ्‌बोइन्‍डिङ्‌मे लुनुङ कानिङे़ॽ बिस्‍वास ले़न्‍डुङ्‌मे।

रोमि 7:1

वावानिसानुङ नानुसाजि, के़ॽ इगो खा धारमिक नियम लेघुबाजिमि लागि लुमे़ॽनिङ्‌सिनुङ्‌हाजि, धारमिक नियमडे़ॽ याॽमि हिङ्‌रिक लिरोरेॽ खो अधिनबेॽ युङ्‌इये लुमे खा हे़निङे़ॽ लेसानुम्‍ने ?

१ कोरिन्‍थि 10:2

मोबा मोसामि ए़ङ्‌गुवा ए़ङ्‌गुवा राम्‍घुबाजि चोप खिम्‍मिॽवा टिङ्‌मानुङ माहोङ्‌मामि रुम्‍बाङ राम्‍माबेॽ माहाजिडे़ॽ बप्‍तिस्‍मा लाबॽआडोॽ लिसा।

१ कोरिन्‍थि 12:13

कानिङ बिस्‍वासिजिसो इक्‍कोनोॽ हिङाडोॽ ले़न्‍डिङ्‌मा, इन्‍ढोङ्‌होङ यहुदिहोङ्‌सो, गिरिक होङ्‌सो, सेउतेहोङ्‌सो, फुक्‍का होङ्‌सो कानिङ चोबे़ॽ इक्‍कोनोॽ पबित्‍रा होङ्‌निवाबाङ इक्‍कोनोॽ हिङाबेॽ बप्‍तिस्‍मा लाटुङ्‌मे़, मोबा चोबे़ॽ इक्‍कोनोॽ पबित्‍रा होङ्‌निवा चुप्‍मिटुङ्‌मे़।

१ कोरिन्‍थि 15:29

हागो याॽमिजि हिङ्‌बोक्‍मिनिहोङ्‌गो सिघे़ॽखुबाजिमि लागि बप्‍तिस्‍मा लानुङ इमा ले़ःॽमे ? मोडोॽ सिघे़ॽपॽआजि हिङ्‌बोक्‍मिनेहोङ्‌गो इन्‍ढोङ माहाजिमि लागि बप्‍तिस्‍मा पिन्‍डुजे ?

१ कोरिन्‍थि 3:16

इमा हे़निङ निवाहाङ्‌मि मन्‍दिर ले़न्‍डानिङे मोबा खोमि होङ्‌निवा हे़निङ्‌बेॽ पेङ्‌इये लुमे खा लेसानुम्‍ने ?

१ कोरिन्‍थि 5:6

हे़निङे़ॽ बेॽहा खा इःमा फे़न्‍निबा। ए़डे़ॽवा खमिरडे़ॽ बेॽलो खाॽमिनोॽ खमिर लिहा लुमे खा हे़निङे़ॽ लेसानुम्‍ने ?

१ कोरिन्‍थि 6:19

इमा हे़निङ्‌मि हिङा पबित्‍रा होङ्‌निवामि मन्‍दिर ले़ये लुमे खा हे़निङे़ॽ लेसानुम्‍ने ? निवाहाङ्‌डे़ॽ पिबॽआ पबित्‍रा होङ्‌निवानोॽ हे़निङ्‌मि हिङाहोङ्‌सिॽयु पेङ्‌इये। हे़निङ टाङ्‌बानोक्‍सो हे़निङ्‌मि ने़ॽनिबा।

१ कोरिन्‍थि 6:9

अधरमिजि निवाहाङ्‌मि राज्‍यबेॽ पे़खे़ॽटोक्‍मिने लुमे खा हे़निङे़ॽ लेसानुम्‍ने ? आम्‍निटाङ्‌बे़ॽ टाङ्‌बानोॽ धोका ए़ॽपिसानुमे। छाडा योम्‍बोक ले़ःॽखुबाजि, मुरतिमि सम्‍माङ ले़ःॽखुबाजि, बेभिचारिजि, वडाङ्‌पसाडे़ॽ वडाङ्‌पसानुङ बेभिचार ले़ःॽखुबाजि,

१ कोरिन्‍थि 9:13

मन्‍दिरबेॽ योम्‍बोक ले़ःॽखुबाजिडे़ॽ मोबेॽ चेॽटिबॽआनोॽ चोन्‍डुजे। मोबा थानाबेॽ भोग पिमे योम्‍बोक ले़ःॽखुबाजिडे़ॽ मोबाङ्‌नोॽ खोजिमि भाग हाःन्‍डुजे लुमे खा इमा हे़निङे़ॽ लेसानुम्‍ने ?

१ कोरिन्‍थि 9:24

चइबानोॽ पिम्‍मागो चोपनोॽ पिङ्‌इम्‍मे, तर इनाम चाहिँ इक्‍कोसे़ॽरेॽ चुप्‍मिन्‍डुए लुनुङ हे़निङे़ॽ लेन्‍डानुमे। मोडोक्‍नोॽ हे़निङ्‌सो इनाम चुप्‍मामि लागि पिनानिङे।

२ कोरिन्‍थि 13:5

हे़निङ्‌मि बिस्‍वास चाइबमा ले़येन्‍डे ले़ःॽनिबा लुनुङ याक्‍लो हे़निङ टाङ्‌बे़ॽ टाङ्‌बा जाँच ले़ःॽखाक्‍सानुमे। चइबानोॽ हे़निङ्‌मि रुम्‍बेॽ खिरिस्‍ट टुये लुमे खा लेसानुमे, हे़निङ्‌मि रुम्‍बेॽ खिरिस्‍ट मे़न्‍चुप्‍टानुमहोङ हे़निङ्‌मि बिस्‍वास बोलियो ले़ःॽनिबा।

गलाति 3:27

खिरिस्‍टमि निङ्‌बेॽ बप्‍तिस्‍मा लाबॽआ चोप याॽमिजि खिरिस्‍टडोॽ लिनुङ खोनुङ हिङ्‌इम्‍मे।

याकुब 4:4

होउ बेभिचार ले़ःॽखुबा याॽमिजि, मक्‍खाम्‍डेमबेॽहा थोकनुङ लङ्‌गाम ले़ःॽमा लुबॽआ चाहिँ, निवाहाङ्‌नुङ सतुर लिबॽआ लुमे खा हे़निङे़ॽ लेसानुम्‍ने ? मोडोगे़ॽ असे़ॽ मक्‍खाम्‍डेमबेॽहा मङे़हा योम्‍बोकनुङ लङ्‌गाम ले़न्‍डुए, मोसे़ॽ खोमटाङ्‌बा निवाहाङ्‌मि सतुर लिये।

१ पत्‍रुस 3:21

इगो योङानोॽ आइ याॽमिजिडे़ॽ लामे बप्‍तिस्‍मामि चिङ्‌गा ले़ये, मोसे़ॽ हे़निङ हिङ्‌माराप्‍मिये। इगो हिङामि मिक्‍नुवा वासोक्‍पॽआडोॽमा ने़ॽनिबा, तर इगो चोखो निवाडे़ॽ निवाहाङ्‌नुङ ले़ःॽपॽआ बेॽए हेन्‍ज्‍रुङ ले़ये। येसु खिरिस्‍ट सिबॽआबाङ हिङ्‌बोक्‍पॽआसे़ॽ बप्‍तिस्‍माडे़ॽ हे़निङ हिङ्‌मेन्‍डानिङे।