रोमि 5:3 - याम्फु

³ मोडोॽरेॽनोॽ ने़ॽनि, खेः आङ्‌माबेॽसो कानिङ साप्‍थाङ्‌इन्‍डिङ्‌मे़, इन्‍ढोङ्‌होङ मोसे़ॽ हाइखा बेॽलो खेः आङ्‌हेमे बोल पिये लुमे खा कानिङे़ॽ लेन्‍डुङ्‌मे़।

रोमि 5:3 Iomraidhean Croise

लुका 21:19

हे़निङे़ॽ इघा चोप योङ आक्‍सानुमे इन्‍डोक्‍पेॽसो सिघे़ॽनिए हिङ्‌मवा चुप्‍मिन्‍डानुमे।”

एप्‍पा चोङ्‌सा 5:41

मोबा एप्‍पा चोङ्‌साजि न्‍यायधिसजिमि सभाबाङ ओम्‍फिॽयु खडामि। मोबा खोजि इडोॽ कासामि, “येसुमि निङ्‌बेॽ खेः आङ्‌मारोमा लिटिङ्‌मे़ कासाङ” बेॽलो साप्‍थाक्‍सामि।

रोमि 5:11

इडोक्‍रेॽनोॽ ने़ॽनि, कानिङ्‌मि परभु येसु खिरिस्‍टडे़ॽ ले़ःॽमे़ॽ कानिङ निवाहाङ्‌मि ओहाङ ले़ःॽसाङ साप्‍थाङ्‌इन्‍डिङ्‌मा, खिरिस्‍टडे़ॽ कानिङ निवाहाङ्‌नुङ चुप्‍मेॽनुङ खोमि याॽमिजि टोङ्‌इटे़।

रोमि 8:23

तर सिरिस्‍टिरेॽनोॽ ने़ॽनि, पबित्‍रा होङ्‌निवाडे़ॽ ए़क्‍साङ लाजे़न्‍डुए सुख सम्‍मानमि लागि कानिङ्‌सो आसा ले़ःॽसाङ निवाहाङ्‌मि राम खाङ्‌साङ होङ्‌सिॽयु होङ्‌सिॽयु खेःडे़ॽ किएम्‍मा सोःक्‍मा सामे़ॽनिङ्‌सिये, इन्‍ढोङ्‌होङ खोसे़ॽ कानिङ पसा टोङ्‌नुङ कानिङ्‌मि हिङा नासि लिमे़ॽटुनिबानुङ थाङ्‌सिरिमि हिङा टोङ्‌इये।

रोमि 9:10

मोडोॽरेॽ ने़ॽनि, कानिङ्‌मि टुबा इसहाकमि बनिमा रेबिकाडे़ॽ काप्‍सबा पसाजि टोगु।

२ कोरिन्‍थि 4:17

इन्‍ढोङ्‌होङ कानिङे़ॽ ए़क्‍साङ चुप्‍मिये इन्‍डोक्‍पेॽसो रुक्‍खे़निये महान महिमा पोरोक्‍मे़ॽनिङ्‌सिन्‍डुए। मो मिॽमाबेॽको आयु कानिङे़ॽ इॽछोॽ आङ्‌बॽआ खेःगो चइबानोॽ इमाङ्‌सो ने़ॽनिबा।

२ कोरिन्‍थि 8:19

मोबा इडोक्‍रेॽनोॽ ने़ॽनि, पिघुबाजिडे़ॽ पिबॽआ भेटि सुम्‍मे योम्‍बोकपेॽ कानिङ्‌नुङ राम्‍मामि लागि इगो निसा खोमि मन्‍डलिबाङ से़न्‍इटुजे। इगो योम्‍बोक कानिङे़ॽ परभुमि महिमामि लागिनुङ कानिङे़ॽसो हाइखाजि साप्‍थाङ्‌मानुङ सहायता ले़ःॽमा मिङ्‌इन्‍डिङ्‌मे लुमे खामि परमान ले़ये।

एफिसि 3:13

मोडोगे़ॽ के़ॽ हे़निङ बिन्‍ति ले़निम्‍ने़, हे़निङ्‌मि लागि के़ॽ आङ्‌बॽआ खेः खाङ्‌नुङ निरास ए़लिसानिङे। इगोगो हे़निङ्‌मि गरबमि लागिनोॽ लिबॽआ ले़ये।

फिलिप्‍पि 1:29

इन्‍ढोङ्‌होङ हे़निङे़ॽ खिरिस्‍टबेॽ बिस्‍वासरेॽनोॽ ले़ःॽमे ने़ॽनि, तर खोमि लागि दुःख आङ्‌साङ खोमि सेवा ले़ःॽमे नुबा मौकासो चुप्‍मिटानुमे।

याकुब 1:12

आपद बिपद आङ्‌हेघुबा याॽमिडे़ॽनोॽ आसिस चुप्‍मिन्‍डुए। दुःख आङ्‌हेखुबाडे़ॽनोॽ निवाहाङडे़ॽ पिमामि हे़न्‍ज्‍रुङ हे़म्‍बॽआ हिङ्‌मवामि मुकुट चुप्‍मिन्‍डुए।

१ पत्‍रुस 3:14

तर नुबा योम्‍बोक ले़ःॽमाबेॽसो दुःख आङ्‌मासिॽहोङ, हे़निङ आसिसित ले़न्‍डानिङे। हे़निङ असानुङ्‌सो ए़क्‍किसिडानिङे, मोबा सुरता ए़ले़टानिङे।