रोमि 5:2 - याम्फु

² मोबा खोसे़ॽ कानिङ बिस्‍वासबाङ निवाहाङ्‌मि अनुग्‍रहाबेॽ लाजे़टे़। आइ कानिङे़ॽ मो अनुग्‍रहाबाङ आम्‍लाङ चुप्‍मिटुङ्‌मे, मोबा निवाहाङ्‌मि महिमाबेॽ सोरि लिडोक्‍इन्‍डिङ्‌मा लुमे आसाबेॽ कानिङ साप्‍थाङ्‌इन्‍डिङ्‌मे़।

रोमि 5:2 Iomraidhean Croise

मत्‍ति 25:21

मायोङ्‌बाडे़ॽ खो लुसु, ‘हे़न ओहाक, नुबानुङ बिस्‍वासि सेउते! हे़न ए़डे़ॽवा खाबेॽ बिस्‍वासनुङ्‌मा लिसा, हागो हे़न बेॽलो खामि जिम्‍मा पिन्‍ने़, हे़न कानुङ सोरि साप्‍थाक्‍से।’

युहन्‍ना 10:7

मोडोगे़ॽ येसुडे़ॽ माहाजि फेरि लुसुजि, “चइबानोॽ के़ॽ हे़निङ लुनिम्‍ने, सामुजि गोठाहोङ्‌बेॽ पे़खे़ॽठाम राम्‍बडेम कानोॽ ले़ङे।

युहन्‍ना 10:9

गोठाबेॽ पे़खे़ॽठाम राम्‍बडेम कानोॽ ले़ङे, काबाङ होङ्‌सिॽयु खे़ॽखुबाजि चोप हिङ्‌इम्‍मे, मोबा खोजि होङ्‌सिॽयु पे़खे़म्‍मेनुङ पाखे़ॽयु आप्‍मिम्‍मे मोबा खरकाबेॽ चरबा लिडोक्‍इम्‍मे।

युहन्‍ना 14:6

येसुडे़ॽ खो लुसु, “राम, चाइबमा मोबा हिङ्‌मवा कानोॽ ले़ङे। काबाङ हाइखा असाबाङ्‌सो निवाहाङ पाबामि खिमबेॽ रुक्‍हेमिने।

युहन्‍ना 5:24

“चाइबमा खा, के़ॽ हे़निङ लुनिम्‍ने़, असे़ॽ काङ्‌मि बचन खेम्‍इन्‍डुए, मोबा का पाङ्‌घुबा बिस्‍वास ले़न्‍डुए, मोसे़ॽ ए़ॽसिमे हिङ्‌मवा चुप्‍मिटुए। खो न्‍यायबेॽ सिॽनिबा, तर खो सिमाबाङ हिङ्‌मवाबेॽ पे़ए़म्‍बेटे़।

एप्‍पा चोङ्‌सा 14:27

एन्‍टिओखियाबेॽ टेनुङ ए़क्‍साङ पावलनुङ बारनाबासडे़ॽ मन्‍डलिबेॽहा चोप बिस्‍वासिजि के़डुजि। निवाहाङ्‌डे़ॽ खोजिबाङ इन्‍डोक्‍हा योम्‍बोक ले़टुएनुङ खोसे़ॽ अयहुदि जातिजिडे़ॽसो बिस्‍वास ले़ःॽहेमे राम्‍डेम हेम्‍बेॽटुजि लुमे खा खोजिडे़ॽ माहाजि खेम्‍मेॽटुजि।

रोमि 11:20

इगो खा चाइबमा ले़ये, माहाजिडे़ॽ बिस्‍वास मे़ले़ःॽपॽआसे़ॽ माहा हक्‍काम्‍बाजि चेन्‍नुङ राप्‍खडामि। हे़निङे़ॽ चाहिँ बिस्‍वास ले़ःॽपॽआसे़ॽ निवाहाङ्‌डे़ॽ कलमि काम्‍डिटे़। इगो खाबेॽ काङायोङ्‌बा ए़लिसानिङे, तर होसियार ले़टानिङे।

रोमि 12:12

हे़निङे़ॽ निवाहाङ्‌बाङ चुप्‍पॽआ आसाबेॽ हाङ्‌हाङ ले़टानिङे, खेः आङ्‌मा सिॽमाबेॽ योङ आङ्‌हेखुबा लिनुङ सानिङ पारथना ले़टानुमे।

रोमि 14:4

हाइकोमि सेउते आप्‍टिक टिघुबा हे़न असाडे ? मोमि मायोङ्‌बाडे़ॽ खोमि सेउतेडे़ॽ ले़ःॽपॽआ योम्‍बोक नुबा ले़येन्‍डे ले़ःॽनिबा लुनुङ खाङ्‌इन्‍डुए। मायोङ्‌बाडे़ॽनोॽ खोमि सेउतेडे़ॽ नुबा योम्‍बोक ले़ःॽमामि सहायोग पिन्‍डुए, इन्‍ढोङ्‌होङ परभुडे़ॽ खो ले़ःॽहेमे सक्‍ति पिन्‍डुए।

रोमि 15:13

आसा पिघुबा निवाहाङ्‌डे़ॽ हे़निङ्‌मि बिस्‍वासबाङ हाङ्‌हाङ्‌नुङ सान्‍ति बेॽलो येॽपेॽरो। मोडोक्‍नोॽ पबित्‍रा होङ्‌निवामि सक्‍तिडे़ॽ हे़निङ्‌मि आसा छना वाबोक्‍लो।

रोमि 2:7

इन्‍डोक जनाडे़ॽ नुबा योम्‍बोक सानिङ ले़न्‍डुजेनुङ निवाहाङ्‌मि महिमा, इजेत, ए़ॽसिमे हिङ्‌मवा योॽइन्‍डुजे, माहाजि निवाहाङ्‌डे़ॽ एॽसिमे हिङ्‌मवा पिन्‍डुजे।

रोमि 3:23

इन्‍ढोङ्‌होङ चोप याॽमिजिडे़ॽ पाप ले़ए़टुजे, मोबा निवाहाङ्‌मि महिमाबाङ ओः लिटामे।

रोमि 5:5

मोबा कानिङे़ॽ चुप्‍पॽआ मो आसाडे़ॽ निरास टोङ्‌निबा, इन्‍ढोङ्‌होङ निवाहाङ्‌डे़ॽ कानिङ पिबॽआ पबित्‍रा होङ्‌निवाबाङ खोमि नम्‍नम कानिङ्‌मि निवा इॽठुप युङ्‌बेटे़।

रोमि 8:1

मोडोगे़ॽ हागो येसु खिरिस्‍टबेॽ बिस्‍वास ले़ःॽनुङ हिङ्‌घुबाजिमि लागि निवाहाङ्‌डे़ॽ आप्‍टिक टिनिबा।

रोमि 8:24

मो बेॽएम्‍मा आसामि लागि निवाहाङ्‌डे़ॽ कानिङ जोगा ले़ए़टे़, मोबा कानिङ मो आसाबेॽ हिङ्‌मे़ॽनिङ्‌सिन्‍डिङ्‌मे। आसा लुबॽआ चाहिँ कानिङे़ॽ चुप्‍मामि लागि हुङ्‌बॽआनोॽ आसा ले़ये। याॽमिडे़ॽ याक्‍लोनोॽ चुप्‍पेबॽआ खामि आसा ले़टुनिबा।

१ कोरिन्‍थि 15:1

हागो वावानिसानुङ नानुसाजि, के़ॽ हे़निङ खेम्‍मेॽपॽआ सुसमाचारमि टुम्‍बेॽ हागोसो मिडानुमे लुमा मिॽनिम्‍ने़। हे़निङे़ॽ खेम्‍बॽआ सुसमाचारबेॽ बिस्‍वास ले़टानुमनुङ मो खाबेॽनोॽ हे़निङ टुन्‍डानिङे।

२ कोरिन्‍थि 3:18

कानिङ चोबे़ॽ नजिक टे़क्‍ठाम ओप्‍ताङ राप्‍पेबॽआ नजिकपेॽ परभुमि महिमा खाङ्‌मुन्‍डुङ्‌मे। परभु होङ्‌निवा ले़येनुङ खोबाङ लेङ्‌इये मो महिमाडे़ॽनोॽ कानिङ खोडोक्‍नोॽ टोङ्‌साङ हागोसो महिमित लिघे़न्‍डिङ्‌मा।

२ कोरिन्‍थि 4:17

इन्‍ढोङ्‌होङ कानिङे़ॽ ए़क्‍साङ चुप्‍मिये इन्‍डोक्‍पेॽसो रुक्‍खे़निये महान महिमा पोरोक्‍मे़ॽनिङ्‌सिन्‍डुए। मो मिॽमाबेॽको आयु कानिङे़ॽ इॽछोॽ आङ्‌बॽआ खेःगो चइबानोॽ इमाङ्‌सो ने़ॽनिबा।

एफिसि 2:18

खोसे़ॽ ले़ःॽमे़ॽनोॽ यहुदिनुङ अयहुदि निप्‍पाङे़ॽ इक्‍को पबित्‍रा होङ्‌निवा चुप्‍नुङ निवाहाङ पाबामि पोम्‍बेॽ खे़ॽटोॽइटिङ्‌मे़।

एफिसि 3:12

खिरिस्‍टबेॽ युङ्‌बॽआ बिस्‍वासबाङ्‌ए आँटनुङ भरोसाबेॽ कानिङ निवाहाङ्‌मि पोम्‍बेॽ आप्‍हेटिङ्‌मे़।

एफिसि 6:13

मोडोगे़ॽ निवाहाङ्‌डे़ॽ पिबॽआ चोप हतियार सिबानुमे इडोॽ सिबानुमहोङ मङे़ॽमा याक लेम्‍माबेॽ हे़निङे़ॽ मङे़ॽमा चाप नास ले़ःॽहेन्‍डानुम, मोबा ए़क्‍साङ्‌ठोक मोनुङ काक्‍सेॽनुङ हे़निङ हागोसो बोलियो लिनुङ येःप्‍हेडानिङे।

२ थेस्‍लोनिकि 2:16

कानिङ्‌मि परभु येसु खिरिस्‍टडे़ॽनुङ पाबा निवाहाङ्‌डे़ॽ कानिङ नम्‍नम ले़टा मोबा खोमि अनुग्‍रहाबाङ इन्‍डोक्‍पेॽसो रुक्‍खे़ॽनिहा आसानुङ हौसला पिसा।

हिब्‍रु 3:6

तर खिरिस्‍ट चाहिँ मन्‍दिरबेॽए भरोसानुङ्‌मा पसा ले़ये। मोडोक्‍नोॽ कानिङे़ॽसो टाङ्‌बामि आसामि खाबेॽ ए़क्‍साङ्‌ठोक भरोसानुङ बिस्‍वास ले़ःॽमाहोङ कानिङ्‌सो खोमि खिमबेॽहा याॽमिजि लिन्‍डिङ्‌मा।

हिब्‍रु 6:18

हागो निच्‍चि खा टुहा, माहा फेङ्‌घे़ॽनिहा खामि टुम्‍बेॽ निवाहाङ मे़ॽनोॽमा लिनिबा। मोडोगे़ॽ खोबेॽ बिस्‍वास ले़ःॽखुबाजिडे़ॽ कानिङ्‌मि पोम्‍बेॽ युङ्‌बॽआ आसा ले़टुङ्‌घे़ॽमे़ हौसला चुप्‍मिटुङ्‌मे।

१ पत्‍रुस 3:18

इन्‍ढोङ्‌होङ कानिङ निवाहाङ्‌बेॽ लाजे़ॽमामि खिरिस्‍ट धरमि ले़टारोसो कानिङ्‌मि पापमि भारा फोङ्‌मामि सानिङ्‌मि लागि इक्‍खेॽपेॽ सिसा। खो हिङाबेॽ सिसा, तर होङ्‌निवामि सक्‍तिबाङ हिङ्‌बोगा।

परकास 21:11

मो सहरनुङ चाहिँ निवाहाङ्‌मि महिमा टुसा, मो सहर बेॽलो याङ सिॽइये रत्‍न, बिल्‍लौर स्‍फटिकडोॽ पोक्‍पॽआ ले़टा।

परकास 21:23

मो सहर उज्‍यालो टोङ्‌मामि लागि नमनुङ ला मे़पाप्‍टा, इन्‍ढोङ्‌होङ निवाहाङ्‌मि महिमानोॽ मोमि उज्‍यालो ले़ये। मो सहरमि कुप्‍पि चाहिँ थुमा खोम्‍दाङ्‌बा ले़टा।

परकास 21:3

हाङ्‌पेन्‍ढामबाङ इक्‍को बेॽए सेम्‍लाडे़ॽ इडोॽ लुबॽआ के़ॽ खेप्‍सुङ, “खेप्‍सानुमे, निवाहाङ याॽमिजिनुङ पेम्‍बोॽइटे़। खो माहाजिनुङ पेङ्‌इयेनुङ माहा याॽमिजि चाहिँ निवाहाङ्‌मि याॽमिजि लिम्‍मे। निवाहाङ खोम्‍दाङ्‌बा माहाजिमि निवाहाङ लिनुङ पेङ्‌इये।

परकास 3:21

के़ॽ हेजानुङ पाबानुङ खोमि पेन्‍ढामबेॽ सोरि पेन्‍डोक्‍टिडोॽ, हेजाघुबा का पेन्‍ढामबेॽ सोरि पेम्‍मे अधिकार पिनुङे़।