रोमि 5:1 - याम्फु

¹ मोडोगे़ॽ बिस्‍वास ले़ःॽनुङ निवाहाङ्‌मि पोम्‍बेॽ धरमि ठरबा लिटिङ्‌मे़ मोबा कानिङ्‌मि परभु येसु खिरिस्‍टमि लामबाङ निवाहाङ्‌नुङ चुप्‍मिटिङ्‌मे।

रोमि 5:1 Iomraidhean Croise

लुका 19:38

“परभु निवाहाङ्‌मि निङ्‌बेॽ लेङ्‌घुबा हाङ्‌बा आसिसित ले़ये! थाङ्‌सिरिबेॽ सान्‍ति लिरो निवाहाङ्‌मि महिमा लिरो!”

लुका 19:42

“हे यरुसलेमबेॽहा याॽमिजि, हे़निङे़ॽ सान्‍ति चुप्‍मामि इमाङ ले़ःॽमा खे़ये लुनुङ आयुनोॽ लेमा खाडे़, तर मे़लेसानुम, हागो बेला खे़ॽपेसा!

लुका 2:14

“चोप्‍पाङ मिन्‍डु थाङ्‌सिरिबेॽ पेङ्‌घुबा निवाहाङ्‌मि ओहाङ मोबा मक्‍खाम्‍डेमबेॽ हाम्‍भा याॽमिजिनुङ निवाहाङ साप्‍थाङ्‌इये खोजिडे़ॽ सान्‍ति चुप्‍टुजिरो।”

युहन्‍ना 14:27

“के़ॽ हे़निङ्‌नुङ सान्‍ति याःॽयानुङे। के़ॽ काङ्‌मि सान्‍ति हे़निङ पिनिम्‍ने़। मो सान्‍ति इगो मक्‍खाम्‍डेमडे़ॽ पिबॽआडोॽमा ने़ॽनिबा। हे़निङ्‌मि निवा दुःखि मे़लिरो, मोबा मे़ङ्‌किस्‍सिरो।

युहन्‍ना 16:33

“हे़निङ कानुङ टुमाबेॽ सान्‍ति चुप्‍हेसानुमे लुनुङ के़ॽ हे़निङ इघा चोप खा लुबॽआ। मक्‍खाम्‍डेमबेॽ हे़निङे़ॽ खेः आङ्‌मा खे़ये, तर ए़क्‍किसिसानिङे इन्‍ढोङ्‌होङ के़ॽ मक्‍खाम्‍डेम हेजाबेटुङे।”

युहन्‍ना 20:31

तर निवाहाङ्‌मि पसा मुक्‍ति पिघुबा येसु खिरिस्‍टबेॽ हे़निङे़ॽ बिस्‍वास ले़टानुमे लुनुङ इगो नेॽचिरा साप्‍पॽआ ले़ये। मो बिस्‍वासबाङ खोमि निङ्‌बेॽ हे़निङे़ॽ ए़स्‍सिमे हिङ्‌मवा चुप्‍टानुमे।

युहन्‍ना 5:24

“चाइबमा खा, के़ॽ हे़निङ लुनिम्‍ने़, असे़ॽ काङ्‌मि बचन खेम्‍इन्‍डुए, मोबा का पाङ्‌घुबा बिस्‍वास ले़न्‍डुए, मोसे़ॽ ए़ॽसिमे हिङ्‌मवा चुप्‍मिटुए। खो न्‍यायबेॽ सिॽनिबा, तर खो सिमाबाङ हिङ्‌मवाबेॽ पे़ए़म्‍बेटे़।

एप्‍पा चोङ्‌सा 10:36

हागो हे़निङे़ॽ लेन्‍डानुमे मुक्‍ति पिघुबा हाङ्‌बा खिरिस्‍ट येसु चोपमि परभु ले़ये। खोबाङ्‌नोॽ निवाहाङ्‌डे़ॽ सान्‍तिनुङ्‌मा सुसमाचार चोप इस्‍राएलिजिबेॽ पाङ्‌इटुए।

रोमि 1:17

इन्‍ढोङ्‌होङ सुसमाचारबाङ्‌नोॽ निवाहाङ्‌डे़ॽ खोमि पोम्‍बेॽ कानिङ इन्‍डोॽ धरमि टोङ्‌इये लुमे खा खाङ्‌मुये। मोबा इगो खा बिस्‍वासबाङ लेङ्‌येनुङ बिस्‍वासबाङ्‌नोॽ पुरा लिये। धारमिक नेॽचिराबेॽ इडोॽ साप्‍पॽआ ले़ये, “हाम्‍बे याॽमि निवाहाङ्‌मि बिस्‍वासबेॽ हिङ्‌इये, मो याॽमिडे़ॽ हिङ्‌मवा चुप्‍मिन्‍डुए।”

रोमि 1:7

रोमबेॽ टुघुबा चोप पबित्‍रा याॽमिजिमि लागि इगो पत्‍रा साप्‍मे़ॽनिङ्‌सिनुङे। निवाहाङ्‌डे़ॽ हे़निङ नम्‍नम ले़ःॽनुङ खोमि याॽमिजि लिमामि के़ःॽपॽआजि, कानिङ्‌मि पाबा निवाहाङ्‌नुङ परभु येसु खिरिस्‍टडे़ॽ अनुग्‍रहानुङ सान्‍ति पिरो।

रोमि 10:10

इन्‍ढोङ्‌होङ याॽमिडे़ॽ टाङ्‌बामि निवाबाङ बिस्‍वास ले़टुहोङ, खो आप्‍टिक मे़ॽनिङ्‌मा लिये, मोबा खोसे़ॽ टाङ्‌बामि याबुगे़ॽ बिस्‍वास ले़नुङे लुन्‍डुहोङ मोसे़ॽ मुक्‍ति चुप्‍मिन्‍डुए।

रोमि 10:15

असे़ॽ मे़म्‍पाङ्‌लेॽ इन्‍डोक्‍टे परचार ले़ःॽमे ? धारमिक नेॽचिराडे़ॽ लुये, “सुसमाचार परचार ले़ःॽखुबाजिमि सराङ इन्‍डोक काम्‍नुहा”

रोमि 14:17

इन्‍ढोङ्‌होङ निवाहाङ्‌मि राज्‍य चाहिँ चामानुङ उङ्‌मे खाबाङ चुप्‍मे़ ने़ॽनि, बोरु पबित्‍रा होङ्‌निवाबाङ निवाहाङ्‌मि धारमिक खा, सान्‍तिनुङ हाङ्‌हाङ लिनुङ पेम्‍मे खा ले़ये।

रोमि 15:13

आसा पिघुबा निवाहाङ्‌डे़ॽ हे़निङ्‌मि बिस्‍वासबाङ हाङ्‌हाङ्‌नुङ सान्‍ति बेॽलो येॽपेॽरो। मोडोक्‍नोॽ पबित्‍रा होङ्‌निवामि सक्‍तिडे़ॽ हे़निङ्‌मि आसा छना वाबोक्‍लो।

रोमि 15:33

सान्‍तिदाङ्‌बा निवाहाङ हे़निङ चोपनुङ सानिङ टुरो, आमेन।

रोमि 3:22

इडोॽ येसु खिरिस्‍टबेॽ बिस्‍वास ले़ःॽखुबा चोपजि निवाहाङ्‌डे़ॽ धरमि टोङ्‌इन्‍डुजे, इन्‍ढोङ्‌होङ खोसे़ॽ असासो काखा पाखा ले़टुजिने।

रोमि 3:30

इन्‍ढोङ्‌होङ निवाहाङ इक्‍कोनोॽ ले़ये। खोसे़ॽ खतना लिबॽआ यहुदिजिहोङ्‌सो अथबा खतना मे़लिबॽआ अयहुदिजिहोङ्‌सो माहा चोपजि खोजिमि बिस्‍वासबाङ्‌नोॽ धरमि टोङ्‌इन्‍डुजे।

रोमि 4:5

कोहि याॽमिडे़ॽ धरमि योम्‍बोक ले़ःॽनुङ ने़ॽनि, तर दोसनुङ्‌हा याॽमिजि आप्‍टिक मे़ॽनिङ्‌हाजि ठरबा ले़ःॽखुबा निवाहाङ्‌बेॽ बिस्‍वास ले़ःॽनुङ, मो याॽमि निवाहाङ्‌मि पोम्‍बेॽ धरमि ठरबा लिये।

रोमि 5:11

इडोक्‍रेॽनोॽ ने़ॽनि, कानिङ्‌मि परभु येसु खिरिस्‍टडे़ॽ ले़ःॽमे़ॽ कानिङ निवाहाङ्‌मि ओहाङ ले़ःॽसाङ साप्‍थाङ्‌इन्‍डिङ्‌मा, खिरिस्‍टडे़ॽ कानिङ निवाहाङ्‌नुङ चुप्‍मेॽनुङ खोमि याॽमिजि टोङ्‌इटे़।

रोमि 5:18

इडोॽ इक्‍को याॽमिमि पापडे़ॽ ले़ःॽमे़ॽ चोप याॽमिजिबेॽ सिमवा लेस्‍सा, मोडोक्‍नोॽ इक्‍को याॽमिबाङ चोप याॽमिजि निवाहाङ्‌मि पोम्‍बेॽ धरमि ठरबा ले़ःॽनुङ हिङ्‌मवा चुप्‍टुजि।

रोमि 6:23

इन्‍ढोङ्‌होङ पापमि नमयाक चाहिँ सिमवा ले़ये, तर निवाहाङ्‌डे़ॽ खिरिस्‍ट येसु परभुबाङ कानिङ मोडोक्‍नोॽ पिमे बरदान चाहिँ ए़ॽसिमे हिङ्‌मवा ले़ये।

रोमि 9:30

कानिङे़ॽ लुमायोक्‍पॽआ खा चाहिँ इगो ले़ये, धारमिक नियम पालना मे़ले़ःॽखुबा अयहुदिजिडे़ॽ निवाहाङ्‌बेॽ बिस्‍वास ले़ःॽपॽआसे़ॽ निवाहाङ्‌डे़ॽ खोजि धरमि टोक्‍सुजि।

गलाति 2:16

तर कानिङे़ॽ लेन्‍डुङ्‌मे़, असासो यहुदि धारमिक नियम पालना ले़ःॽनुङ धरमि लिहेनिबा। तर येसु खिरिस्‍टबेॽ बिस्‍वास ले़ःॽनुङ्‌रेॽ याॽमि धरमि लिये। मोडोगे़ॽ कानिङे़ॽसो यहुदि धारमिक नियम पालना ले़ःॽनुङ ने़ॽनि, येसु खिरिस्‍टबेॽ बिस्‍वास ले़ःॽनुङ धरमि लिमामि खोबेॽ बिस्‍वास ले़न्‍डुङ्‌मा।

गलाति 3:25

तर हागो बिस्‍वास लेम्‍बेबॽआसे़ॽ कानिङ यहुदि धारमिक नियममि अधिनबेॽ पेम्‍मा पाप्‍निबा।

गलाति 5:22

पबित्‍रा होङ्‌निवामि चा लुबॽआ चाहिँ इघा ले़हा-नम्‍नम ले़ःॽमा, हाङ्‌हाङ लिमा, याॽमिजिनुङ टोङ्‌जामा, निवा अधिनबेॽ युङ्‌मा, नम्‍नावा ले़ःॽमा, भलाइमि योम्‍बोक ले़ःॽमा, भरोसानुङ्‌मा लिमा,

एफिसि 2:7

इगो चाहिँ सिःक्‍माबेॽ सिःक्‍हेनिबा खोमि अनुग्‍रहा लेङ्‌इहा चोप युगबेॽहा याॽमिजि खाङ्‌मुमामि लागि इडोॽ ले़टु। इगो अनुग्‍रहा निवाहाङ्‌डे़ॽ कानिङ येसु खिरिस्‍टबाङ खाङ्‌मुसु।

फिलिप्‍पि 3:9

मोबा का खोमिनोॽ लिहेमा लुनुङ इडोॽ ले़नुङे। यहुदि धारमिक नियम पालना ले़ःॽनुङ का धरमि लिहेङानि। तर के़ॽ खिरिस्‍टबेॽ बिस्‍वास ले़ःॽपॽआसे़ॽ हागो निवाहाङ्‌डे़ॽनोॽ का धरमि टोक्‍सा। मो धारमिक खा चाहिँ बिस्‍वास ले़ःॽनुङ चुप्‍मिये।

कलस्‍सि 1:20

मोबा निवाहाङ्‌डे़ॽ खोमि पसा येसु खिरिस्‍टडे़ॽ काप्‍सिङ्‌बेॽ पिबॽआ बलिदानबाङ खोमि चोप सिरिस्‍टि टाङ्‌बामि टोक्‍सु। मोबा खोमि पसामि हरिडे़ॽ थाङ्‌सिरिनुङ मक्‍खाम्‍डेमबेॽहा चोप निवाहाङ्‌नुङ चुप्‍मेॽटु।

कलस्‍सि 3:15

खिरिस्‍टबेॽ टुये सान्‍तिडे़ॽ हे़निङ्‌मि निवाबेॽ राज्‍य ले़टुरो। चइबानोॽ इगो सान्‍तिमि लागिनोॽ हे़निङ इक्‍को हिङाबेॽ के़ए़टानिङे। इगो खामि लागि हे़निङे़ॽ ओहाक पिसानुमे।

१ थेस्‍लोनिकि 5:23

सान्‍तिदाङ्‌बा निवाहाङ्‌डे़ॽ हे़निङ पबित्‍रा युक्‍सुरो। कानिङ्‌मि परभु येसु खिरिस्‍ट मे़लेङ्‌रो हे़निङ्‌मि होङ्‌निवा, हिङा, सोःक्‍मा आप्‍टिक मे़ॽनिङ्‌मा लिरो।

२ थेस्‍लोनिकि 3:16

कानिङ्‌मि सान्‍तिमि परभुडे़ॽ सानिङ्‌नोॽ हे़निङ सान्‍ति पिरो। हे़निङ चोपनुङ सोरि परभु टुरो।

हिब्‍रु 13:20

हागो सामुजिमि महान गोठ्‌लानुङ टाङ्‌बामि हरिडे़ॽ सानिङ टुडुङ्‌घे़ये हेन्‍ज्‍रुङ पुरा ले़ःॽखुबा कानिङ्‌मि परभु येसु सिबॽआबाङ सान्‍तिदाङ्‌बा निवाहाङ्‌डे़ॽ,