रोमि 4:4 - याम्फु

⁴ इक्‍को याॽमिडे़ॽ योम्‍बोक ले़ःॽपॽआ नमयाक चुप्‍मिन्‍डुए, मो चाहिँ असे़ॽसो पिबॽआ दान ने़ॽनि, मोगो खोमि हक ले़ये।

रोमि 4:4 Iomraidhean Croise

रोमि 11:35

असे़ॽ इन्‍डोक्‍पेॽ निवाहाङ इमाङ थोक पिटुए, निवाहाङ्‌डे़ॽ असामि इमाङ थोक टेबेॽमा खे़ये ?

रोमि 11:6

इगोगो अनुग्‍रहाडे़ॽ लिबॽआ ले़ये, धरमि योम्‍बोक ले़ःॽनुङ लिबॽआ ने़ॽनि, माहाजिडे़ॽ ले़ःॽपॽआ योम्‍बोकडे़ॽ लिबॽआहोङ्‌गो अनुग्‍रहा इनामा लिसे़।

रोमि 3:24

तर निवाहाङ्‌मि अनुग्‍रहाबाङ खिरिस्‍ट येसुडे़ॽ चोप याॽमिजिमि पापमि साटो दन्‍डा आङ्‌नुङ छुट्‌कारा ले़टुजि, मोबा याॽमिजि मोडोक्‍नोॽ धरमि टोक्‍सुजि।

रोमि 9:32

यहुदिजि इन्‍ढोङ धरमि मे़लिहेसामे ? इन्‍ढोङ्‌होङ खोजि चाहिँ बिस्‍वास ले़ःॽनुङ धरमि ठहरबा लिमा मे़योगामि, तर बेॽलो धारमिक योम्‍बोक ले़ःॽनुङ धरमि लिमा योगामि, मोडोगे़ॽ रुङ्‌गोॽवाबेॽ सराङ रोःक्‍नुङ काक्‍सामि, मो रुङ्‌गोॽवा चाहिँ खिरिस्‍ट ले़ये।