रोमि 3:8 - याम्फु

⁸ इन्‍डोक याॽमिजिडे़ॽ चाहिँ “कानिङे़ॽ इन्‍डोक बेॽलो पाप ले़न्‍डुङ्‌मा मोडोक्‍नोॽ नुबा लिये” लुसाङ याॽमिजि इःन्‍डान्‍नुम लुनुङ कानिङ आप्‍टिक टिम्‍मे। इडोॽ आप्‍टिक टिघुबा याॽमिजिडे़ॽ खोजि खे़न्‍जाये दन्‍डा चुप्‍मिन्‍डुजे।

रोमि 3:8 Iomraidhean Croise

मत्‍ति 5:11

“हे़निङ याॽमिजिडे़ॽ सिःक्‍चामिहोङ, चुङ्‌जामिहोङ, हे़निङ मे़ःॽनोॽहा आप्‍टिक टिमिहोङ साप्‍थक्‍सानिङे।

रोमि 5:20

धारमिक नियम लेस्‍सा, मोबा पाप छना बेॽलो लिसा, तर इन्‍डोक पाप बेॽलो लिसा, मोडोक्‍नोॽ निवाहाङ्‌मि अनुग्‍रहासो बेॽलो लिसा।

रोमि 6:1

मोडोक्‍होङ कानिङे़ॽ इमाङ लुमे ? इमा निवाहाङ्‌मि बेॽलो अनुग्‍रहा चुप्‍रो लुनुङ कानिङ पाप ले़टुङ्‌घे़ॽमे़ ?

रोमि 6:15

हागो इमान्‍डे ? कानिङ धारमिक नियममि अधिनबेॽ माॽआडिङ्‌मा, तर निवाहाङ्‌मि अनुग्‍रहाबेॽनोॽ टुन्‍डिङ्‌मा लुनुङ सानिङ पाप ले़टुङ्‌घे़ॽमे़ ? इडोक्‍को ले़ःॽमानोॽ फे़न्‍निबा।

रोमि 7:7

कानिङे़ॽ इमाङ लुमेन्‍डे ? इमा धारमिक नियमडे़ॽनोॽ पाप लाजे़ॽटुए ? मोडोॽको ने़ॽनि, मो धारमिक नियम माडाहोङ्‌गो पाप लुबॽआ इमाङ्‌डे के़ॽ लेनोॽ मे़लेसुङ होला। इन्‍ढोङ्‌होङ धारमिक नियमडे़ॽ इडोॽ लुये, “हे़ने़ॽ लोभ ए़ले़ःॽमे” लुनुङ मे़लुमाहोङ्‌गो के़ॽ लोभ ले़ःॽमा फे़न्‍नि लुनुङ मे़लेसुङ।

२ कोरिन्‍थि 11:15

मोडोगे़ॽ सैतानमि योम्‍बोक ले़ःॽखुबाजिसो निवाहाङ्‌मि पोम्‍बेॽ धरमि सेवाक लिनुङ खाङ्‌मुमा योॽइम्‍मे, इमाङ्‌सो खरिमा खा ने़ॽनिबा। ए़क्‍साङ्‌गो माहाजिडे़ॽ ले़ःॽपॽआ योम्‍बोकमि इनाम चुप्‍मानोॽ खे़ये।

२ कोरिन्‍थि 6:8

कानिङे़ॽ इजेतसो चुप्‍टुङ्‌मा बेजेतसो चुप्‍टुङ्‌मा। नुबासो लुम्‍मि, मङे़ॽमासो लुम्‍मि, कानिङे़ॽ चाइबमा खारेॽ यामुन्‍डिङ्‌मा, तर रेम्‍डेॽखुबा लुम्‍मे।

यहुदा 1:4

इन्‍ढोङ्‌होङ बेॽलो याक्‍लोनोॽ आप्‍टिकनुङ्‌मा लिनुङ दन्‍डामि भागिदार लिबॽआ इक्‍को निप्‍पाङ याॽमिजि खुस्‍रिङमु हे़निङ्‌मि रुम्‍बेॽ पे़ए़म्‍बेटामे। इघाजिडे़ॽ निवाहाङ्‌मि खा खेप्‍सुजिने, इघाजिडे़ॽ निवाहाङ्‌डे़ॽ पिबॽआ अनुग्‍रहा चाहिँ पाप योम्‍बोक ले़ःॽमे मराम टोङ्‌इटुजे। मोबा कानिङ्‌मि इक्‍कोमा डायोङ्‌बानुङ परभु येसु खिरिस्‍ट इन्‍कार ले़न्‍डुजे।