12 असा असे़ॽ निवाहाङ्मि धारमिक नियम मे़लेरेॽ पाप ले़ए़टुजे, माहाजि धारमिक नियम मे़ॽनिङ्नोॽ नासि लिघे़म्मे। मोबा धारमिक नियम लेनुङ्सो पाप ले़न्डुजिहोङ माहाजि मो नियमबाङ्नोॽ आप्टिकनुङ्मा लिम्मे।
तर के़ॽ हे़निङ लुनिम्ने़, न्यायमि याकपेॽ हे़निङ्मि दसाबाङ्गो टुरोसनुङ सिदोनबेॽहा याॽमिजिमि दसा बोरु आङ्हेमारोमा लिये।
तर के़ॽ हे़निङ लुनिम्ने़, न्यायमि याकपेॽ हे़निङ्मि दसाबाङ सदोमबेॽहा याॽमिजिमि दसा बेॽलोनोॽ आङ्हेये।”
येसुडे़ॽ पिलातस लुसु, “हे़न निवाहाङ्डे़ॽ मे़म्पिबॽआ ले़टाहोङ हे़ने़ॽ काबेॽ इमाङ्सो अधिकार माॽआडे़। मोडोगे़ॽ का हे़ने़ए़ हुकपेॽ पिघुबाजि छना बेॽलो पापमि आप्टिकनुङ्मा ले़म्मे।”
निवाहाङ्डे़ॽ खोमि योजनानुङ निवाबेॽ मिॽपॽआडोक्नोॽ येसु हे़निङ्मि हुकपेॽ पिसा, मोबा हे़निङे़ॽ खो मङे़हा याॽमिजिमि हुकपेॽ पिनुङ काप्सिङ्सोक्पेॽ किङ्नेमेॽटानुम।
इडोक्मा योम्बोक ले़ःॽखुबाजि सिमा खेम्मे लुमे खा निवाहाङ्मि धारमिक नेॽचिराबेॽ टुहा लुमे खा लेजिङ लेजिङ्सो इडोक्हा मङे़हा योम्बोक ले़न्डुजे, इडोकरेॽ ने़ॽनि मङे़हा योम्बोक ले़ःॽखुबाजि छना बेॽलो मङे़हा योम्बोक ले़ःॽमामि चोम्इन्डुजे।
इन्ढोङ्होङ धारमिक नियम पालना मे़ले़ःॽखुबाजि सोक्पेॽ निवाहाङ्मि सुरिक सिॽइये। तर धारमिक नियम माडाहोङ्गो, पाप लुबॽआ इमाङ्डे लुनुङ लेनोॽ मे़लेसा।
याॽमिमि पापि बानि बेहोराडे़ॽ कमजोर लिबॽआसे़ॽ धारमिक नियमडे़ॽसो मे़ले़ःॽहेबॽआ योम्बोक निवाहाङ्डे़ॽ ले़टु, अथबा निवाहाङ्मि पसा पापमि लागि बलि लिमामि पापि याॽमिडोॽ हिङाबेॽ इगो मक्खाम्डेमबेॽ पाक्सु। खो याॽमि लिनुङ माहाजिडे़ॽ ले़ःॽपॽआ पापमि साटो हिङाबेॽ सिनुङ पापमि सक्ति नासि ले़टु।
नियम पालना मे़ले़ःॽखुबा अयहुदिजिमि रुम्बेॽ योम्बोक ले़ःॽमाबेॽ खोजिडे़ॽसो खिरिस्टबेॽ बिस्वास ले़टुजिरो लुनुङ यहुदि नियम मे़लेडिडोॽ ले़टुङ। तर निवाहाङ्मि नियम पालना मे़ले़ःॽपॽआगो ने़ॽनिबा, के़ॽको खिरिस्टमि नियम पालना ले़नुङे।
यहुदि धारमिक नियम पालना ले़ःॽनुङ धरमि लिमा योक्खुबा चोप याॽमिजिडे़ॽ चापहिमा चुप्मिन्डुजे, इन्ढोङ्होङ धारमिक नेॽचिराडे़ॽ लुये, “यहुदि धारमिक नियमबेॽ साप्पॽआ चोप खा पालना मे़ले़ःॽखुबा याॽमिजिसोक्पेॽ निवाहाङ्मि चापहिमा सिॽइये।”
तर धारमिक नेॽचिराडे़ॽ लुये, कानिङ चोप पापडे़ॽ कैदिडोक्नोॽ टोङ्इटे़। मोडोगे़ॽ निवाहाङ्डे़ॽ पिनिम्ने़ लुबॽआ हेन्ज्रुङ चाहिँ येसु खिरिस्टबेॽ बिस्वास ले़ःॽनुङ्रेॽ कानिङे़ॽ चुप्मिन्डुङ्मे़।
इक्को याॽमिडे़ॽ नियमबेॽहा इक्कोरेॽ खामि टेडिगरिक ले़न्डुहोङ खो चोप नियममि आप्टिकनुङ्मा लिये।