रोमि 12:3 - याम्फु

³ निवाहाङ्‌डे़ॽ का ले़ःॽपॽआ अनुग्‍रहाबाङ के़ॽ हे़निङ लुनिम्‍ने़, हे़निङे़ॽ टाङ्‌बा इन्‍डोक्‍मा मिॽमा खे़ये, मोबाङ बेॽए ए़ॽमिडानुमे, तर निवाहाङबेॽ बिस्‍वास ले़ःॽखुबाजि पिबॽआ बरदान इन्‍डोक बेॽलो टुये मोडोक्‍रेॽ मिडानुमे।

रोमि 12:3 Iomraidhean Croise

लुका 18:11

“फरिसि चाहिँ ए़डे़ॽ ओःनोॽ येःप्‍नुङ इडोॽ कासाङ पारथना ले़टु, ‘हे निवाहाङ पाबा, हे़न ओहाक पिन्‍ने़, इन्‍ढोङ्‌होङ का हाइखा याॽमिजिडोॽ खिक्‍तुबाङ्‌नुङ बेमानि ले़ःॽङानि। के़ॽ बेभिचार मे़ले़ःॽटिॽ, का इगो मे़क्‍चेन लाखुबाडोक्‍सो ले़ःॽङानि।

युहन्‍ना 3:34

निवाहाङ्‌डे़ॽ पाङ्‌बॽआ असा ले़ये, मोसे़ॽ निवाहाङ्‌मिन्‍नोॽ खा इःन्‍डुहा इन्‍ढोङ्‌होङ निवाहाङ्‌डे़ॽ खो खोमि होङ्‌निवा के़ॽलो पिन्‍डुए।

रोमि 1:5

खोबाङ निवाहाङ्‌डे़ॽ अनुग्‍रहा ले़ःॽनुङ का खोमि एप्‍पा चोङ्‌सा टोङ्‌इटे़। चोप जातिहा याॽमिजिडे़ॽ बिस्‍वास ले़ःॽनुङ खोसे़ॽ लुबॽआ खा खसिमिरो लुनुङ खोमि योम्‍बोकमि टुम्‍बेॽ परचार ले़ःॽमामि लागि का पाङ्‌इटिङे।

रोमि 11:20

इगो खा चाइबमा ले़ये, माहाजिडे़ॽ बिस्‍वास मे़ले़ःॽपॽआसे़ॽ माहा हक्‍काम्‍बाजि चेन्‍नुङ राप्‍खडामि। हे़निङे़ॽ चाहिँ बिस्‍वास ले़ःॽपॽआसे़ॽ निवाहाङ्‌डे़ॽ कलमि काम्‍डिटे़। इगो खाबेॽ काङायोङ्‌बा ए़लिसानिङे, तर होसियार ले़टानिङे।

रोमि 11:25

वावानिसानुङ नानुसाजि, हे़निङ टाङ्‌बा काङायोङ्‌बा ए़लिसानिङे लुनुङ इगो इक्‍को लेमा छॽइये खा लेसानुमे लुमा मिॽइनुङे। मो लेसानुमहोङ हे़निङ टाङ्‌बामि खाबेॽ काङायोङ्‌बा ले़टानुम्‍नि। मो लेमा छॽइये खा लुबॽआ चाहिँ बिस्‍वासबेॽ इन्‍डोक लेम्‍मा खे़म्‍मे अयहुदिजि मे़लेम्‍मिरोठोक बेॽलो यहुदिजिमि निवा छाक्‍मेन्‍डुजे।

रोमि 12:16

चोपनुङ टोङ्‌जासानिङे, असानुङ्‌सो बेॽए ए़रे़क्‍सानिङे, चोप याॽमिजिनुङ ए़डेम्‍मा लिसानिङे मोबा चोप खा लेघुबा ए़रेक्‍सानिङे।

१ कोरिन्‍थि 15:10

का निवाहाङ्‌मि अनुग्‍रहाडे़ॽरेॽनोॽ खोमि एप्‍पा चोङ्‌सा लिटिङे। मोबा का पिबॽआ अनुग्‍रहा योम्‍बोक मे़ॽनिङ्‌मा मे़लिसा। बोरु के़ॽ हाइखा एप्‍पा चोङ्‌साजिडे़ॽ ले़ःॽपॽआबाङ्‌सो बेॽलो योम्‍बोक ले़ए़टुङे। तरसो इगो योम्‍बोक काङ्‌दाङ्‌बे़ॽ ने़ॽनि, निवाहाङ्‌मि अनुग्‍रहाडे़ॽ काबाङ ले़ए़टुए।

१ कोरिन्‍थि 3:10

निवाहाङ्‌डे़ॽ का पिबॽआ अनुग्‍रहाडे़ॽ ले़ःॽमे़ॽ सिपालु करमिडे़ॽ गारो सोक्‍टिडोॽ के़ॽ खिममि जग एन्‍डुङ। मोबा हाइखाजिडे़ॽ मो जगसोक्‍पेॽ गारो सोक्‍खे़न्‍डुजे, तर माहा खिम आङ्‌खुबाजिडे़ॽ इन्‍डोॽ आङ्‌घे़ॽमा खे़ये लुमे खाबेॽ नुरोॽ निवा टिमा खे़ये।

१ कोरिन्‍थि 7:17

परभुडे़ॽ से़न्‍माबेॽ हे़निङ इन्‍डोक ले़टानिङ्‌नुङ इन्‍डोक्‍मा बेलाबेॽ निवाहाङ्‌डे़ॽ से़नानिङ हे़निङ चोप मोडोक्‍नोॽ हिक्‍सानिङे। के़ॽ चोप बिस्‍वासिजि इःॽपॽआ खासो इगोनोॽ ले़ये।

२ कोरिन्‍थि 10:13

कानिङ्‌गो माहाजिडोॽ चुघे़ॽलो काङायोङ्‌बा लिसिङ्‌मानि। निवाहाङ्‌डे़ॽ कानिङ हे़निङ्‌ठोक रुक्‍मे योम्‍बोक पिटे़ मोमि लागिरेॽ बेॽए खा इःन्‍डुङ्‌मे।

२ कोरिन्‍थि 12:13

हे़निङ हाम्‍बे खाबेॽ हाइखा मन्‍डलिबेॽहाजिबाङ चुॽइन्‍डानिङे ? इडोॽरेॽ के़ॽ हे़निङ्‌बाङ इमाङ सहायतासो मे़ङाःगुङ! इगो खामि लागि का आम्‍लाङ पिमाजे!

२ कोरिन्‍थि 12:7

तर निवाहाङ्‌डे़ॽ खाङ्‌मुबॽआ बेॽलो खा चुप्‍मिटुङ्‌हा कानुङ का बेॽए मे़रे़ङ्‌लो लुनुङ काङ्‌मि हिङाबेॽ इक्‍को सेनडोॽमा खेः का पिबॽआ ले़ये। मोसे़ॽ काङ्‌मि हिङाबेॽ घरि घरि खाक्‍नुङ का काङायोङ्‌बा लिमे़ॽनिबा।

गलाति 6:3

नम्‍नम मे़ॽनिङ्‌मा तर यहुदि धारमिक नियम पालना ले़ःॽखुबा याॽमिडे़ॽ टाङ्‌बा बेॽएम्‍मा मिॽइन्‍डुहोङ, मोसे़ॽ खोम्‍टाङ्‌बा धोका पिन्‍डुए।

एफिसि 3:2

निवाहाङ्‌मि अनुग्‍रहा चुप्‍नुङ हे़निङ्‌मि लागि योम्‍बोक ले़ःॽमे़ जिम्‍मा के़ॽ चुप्‍मिटुङे लुमे़ खा हे़निङे़ॽ खे़म्‍इटानुमे।

एफिसि 3:4

इन्‍डोक्‍पेॽ हे़निङे़ॽ के़ॽ साप्‍पॽआ खा नेॽएन्‍डानुमे मोबा लेमा छॽइये खिरिस्‍टमि होङ्‌सिॽयुए खामि टुम्‍बेॽ के़ॽ इन्‍डोक लेटुङेले़ लुनुङ हे़निङे़ॽसो लेहेन्‍डानुमे।

एफिसि 4:16

खोबाङ्‌नोॽ हिङाबेॽहा चोप अङ्‌ग चोप जोरनिडे़ॽ चोक्‍नुङ ठिक ठिक योम्‍बोक ले़न्‍डुएनुङ बोलियो लिये, मोबा खिरिस्‍टमि नम्‍नमबेॽ वाबुक्‍साङ खे़ये।

फिलिप्‍पि 2:13

इन्‍ढोङ्‌होङ निवाहाङ्‌डे़ॽ हे़निङ्‌बेॽ योम्‍बोक ले़ःॽमे़ॽनिङ्‌सिङ्‌डुए। खोसे़ॽनोॽ हे़निङ खोसे़ॽ मिॽपॽआडोॽ ले़ःॽमे निवानुङ बोल पिये।

कलस्‍सि 1:29

खिरिस्‍टडे़ॽ पिबॽआ काहोङ्‌बेॽ टुये बेॽए सक्‍तिडे़ॽनोॽ के़ॽ इगो योम्‍बोक चोप निवा टिनुङ ले़नुङे।

कलस्‍सि 2:13

याक्‍लो हे़निङ टाङ्‌बामि अपराधनुङ हे़निङ्‌मि हिङाबेॽ खतना मे़ले़ःॽपॽआसे़ॽ सिबॽआ ले़टानिङ। तर निवाहाङ्‌डे़ॽ कानिङ्‌मि चोप अपराध आम्‍लाङ पिनुङ खोनुङ्‌नोॽ हिङ्‌बोॽइटे़।

१ तिमोथि 1:14

काबेॽ कानिङ्‌मि परभुमि अनुग्‍रहा के़ॽलो युङ्‌बेॽटा, मोबा खिरिस्‍टबेॽ टुये बिस्‍वासनुङ नम्‍नमसो खोसे़ॽनोॽ का पिसिङा।

१ तिमोथि 2:15

मेॽनामिॽजि सानिङ्‌नोॽ ए़डेम्‍मा लिनुङ बिस्‍वासबेॽ नुबा, नम्‍नमनुङ पबित्‍रा लिनुङ पेम्‍मिहोङ ओङेक टोक्‍माबेॽ खोजि हिङ्‌इम्‍मे।

१ तिमोथि 2:9

मोबा मोडोक्‍नोॽ मेॽनामिॽचिडे़ॽसो ताङ्‌बा खे़न्‍जारोमा चेॽ चाङ्‌मा खे़ये। खोजिडे़ॽ बेॽलो टाङ चाक्‍नुङ सुना, मोतिनुङ गरगहना बेॽलो माहागो चेॽ ए़ॽचाक्‍सुजिरो।

तितस 2:12

इगो अनुग्‍रहाडे़ॽ कानिङ अधरमि हिङ्‌मवानुङ मक्‍खाम्‍डेमबेॽहा मङे़हा खाबाङ ओः पेम्‍मे खा इःॽये। इगोसे़ॽ कानिङ टाङ्‌बा इगो मक्‍खाम्‍डेमबेॽ नुबा रामबेॽ राम्‍मा, चाइबमानुङ धरमि हिङ्‌मवा हिङ्‌माराप्‍मिये।

तितस 2:2

ठाॽपा वडाङ्‌पसाजि टाङ्‌बामि निवा अधिनबेॽ युङ्‌हेघुबा, नुबा लेहेघुबा, मोबा बिस्‍वासबेॽ पक्‍कामा, नम्‍नमनुङ्‌बा, हुङ्‌जाहेघुबा लिमे लुनुङ इःडाजे।

तितस 2:4

मोबारेॽ खोजिबाङ पाक्‍लोक्‍हा मेॽनामिॽचि खोजिमि ठाॽपानुङ खोजिमि पसाजि नम्‍नम ले़ःॽमे खामि तालिम पिहेन्‍डुजे

तितस 2:6

मोडोक्‍नोॽ वेन्‍जाजिसो टाङ्‌बामि निवा अधिनबेॽ युङ्‌खुबा लिसानिङे लुमे खा इःडाजे।

याकुब 4:6

तर निवाहाङ्‌डे़ॽ हागोसो बेॽलो अनुग्‍रहा ले़ये। मोडोगे़ॽ पबित्‍रा धरमिक नेॽचिराबेॽ इडोॽ साप्‍पॽआ ले़ये, “निवाहाङ्‌डे़ॽ काङायोङ्‌बाजिमि बिरोध ले़न्‍डुए, तर ए़डे़म्‍मा लिघुबाजि अनुग्‍रहा ले़न्‍डुजे।”

१ पत्‍रुस 1:13

मोडोगे़ॽ योम्‍बोक ले़ःॽमामि हे़निङ्‌मि निवा पोरोगानुमे। होसियार ले़टानिङे मोबा परभु येसु लेम्‍माबेॽ चुप्‍मिये आसिसबेॽ पुरा भरोसा ले़टानुमे।

१ पत्‍रुस 4:11

यामुमे बरदान चुप्‍खुबे़ॽ निवाहाङ्‌मि बचन यामुसुजिरो, सेवा ले़ःॽखुबे़ॽ निवाहाङ्‌मि सक्‍तिबाङ सेवा ले़टुरो। मोडोक्‍नोॽ येसु खिरिस्‍टबेॽ चोप खाबाङ निवाहाङ्‌मिन्‍नोॽ महिमा लिरो। सानिङ खोमिन्‍नोॽ चोप्‍पाङबेॽए आदरनुङ माहिमा लिरो। आमेन।

१ पत्‍रुस 4:7

चोप खा नासि लिमे याक के़क्‍पेॽनोॽ लेम्‍बेटे़। मोडोगे़ॽ हे़निङ टाङ्‌बा अधिनबेॽ युङ्‌नुङ होसियार पेम्‍मा खे़ये। इडोॽ हे़निङे़ॽ पारथना ले़ःॽहेन्‍डानुमे।

१ पत्‍रुस 5:5

मोडोक्‍नोॽ वेन्‍जाजि, मन्‍डलिबेॽहा एल्‍डरजिमि खा खेप्‍सानुमेनुङ खोजिमि अधिनबेॽ पेनानिङे। हे़निङ इक्‍कोसे़ॽ हाइकोमि अधिनबेॽ ए़डे़म्‍मा लिनुङ पेनानिङे। इन्‍ढोङ्‌होङ धारमिक नेॽचिराडे़ॽ इडोॽ लुये, “निवाहाङ्‌डे़ॽ काङायोङ्‌बाजिमि बिरोध ले़न्‍डुजे, तर ए़डे़म्‍मा लिघुबाजि अनुग्‍रहा ले़न्‍डुजे।”

१ पत्‍रुस 5:8

होसियार ले़ःॽनुङ चङ्‌खो पेनानिङे, हे़निङ्‌मि सतुर दियाबलसडे़ॽ असा चुप्‍नुङ चाबेमे लुनुङ किबाडोॽ वोसाङ किॽयु मिॽयु योक्‍मे़ॽसिन्‍डुए।

३ युहन्‍ना 1:9

के़ॽ मन्‍डलिमि लागि इक्‍को निच्‍चि खा साप्‍पॽआ ले़टे़। तर हे़निङ्‌मि रुम्‍बेॽ बेॽए रे़ङ्‌घुबा डियोतिरिफसडे़ॽ के़हा खा खेप्‍सुनिबा।